Gen 6

Ukwanda kobubi babantu

1Kwathi abantu sebeqala ukwanda emhlabeni, bezala amadodakazi, 2amadodana kaNkulunkulu abona amadodakazi abantu ukuthi mahle; athatha abafazi kuwo awathandayo. 3INkosi yasisithi: Umoya wami kawuyikuhlala njalo emuntwini njengoba eyinyama nje; kodwa umuntu uzakuhlala iminyaka elikhulu lamatshumi amabili. 4Ngalezonsuku kwakukhona iziqhwaga emhlabeni. Emva kokuba amadodana kaNkulunkulu aseyile emadodakazini abantu azala abantwana. Wona ayengamaqhawe asendulo engamadoda alodumo.#Nani 13:33

5INkosi yasibona ukuthi ububi bomuntu bukhulu emhlabeni, lokuthi yonke imicabango yenhliziyo yakhe mibi.#Mat 24:37; Luka 17:26; 1 Pet 3:20 6INkosi yazisola ngokuthi ibenzile abantu emhlabeni, yadabuka inhliziyo yayo. 7INkosi yathi: Ngizabachitha abantu engabadalayo ngibasuse emhlabeni, yebo abantu, lezilo, lokuhuquzelayo, lenyoni zaphezulu; ngoba sengizisola ngokuthi ngibenzile. 8Kodwa uNowa wathandeka emehlweni eNkosi.

UNowa wenza umkolo

9Le yindaba kaNowa. UNowa wayeyindoda elungileyo engasoleki esizukulwaneni sakhe; uNowa wayehamba loNkulunkulu.#2 Pet 2:5 10UNowa wazala amadodana amathathu, uShemu loHamu loJafethi.

11Umhlaba wawonakele phambi kukaNkulunkulu, umhlaba wagcwala okubi. 12UNkulunkulu wabona ukuthi umhlaba wonakele, ngoba indlela yabantu bonke yayonakele emhlabeni. 13UNkulunkulu wasesithi kuNowa: Sengizimisele ukuqeda abantu bonke, ngoba umhlaba ugcwele okubi ngenxa yabo; khangela, ngizabachitha kanye lomhlaba. 14Yakha umkolo ngezigodo zephane, wenze izigaba phakathi kwawo, uwubhade ngengcino ngaphakathi langaphandle. 15Nanku ozakukwenza; ubude bawo buzakuba yizingalo ezingamakhulu amathathu, ububanzi bawo bube yizingalo ezingamatshumi amahlanu, lokudepha kwawo kube yizingalo ezingamatshumi amathathu. 16Uzafaka iwindi emkolweni libe yingalonye kusukela ngaphezulu, ufake umnyango ohlangothini lomkolo, uwenze ube lezindlu ezintathu, enye ngaphansi, lenye phakathi, lenye ngaphezulu. 17Khangela, ngizathumela uzamcolo wamanzi emhlabeni ukuba achithe bonke abantu abangaphansi komthunzi welanga okukubo umoya wokuphila. Konke okusemhlabeni kuzakufa. 18Kodwa ngizamisa isivumelwano sami lawe; uzakungena emkolweni wena lamadodana akho lomkakho labafazi bamadodana akho. 19Uzathatha inyamazana ezimbili kulolo lalolo uhlobo lwezinyamazana zonke eziphilayo, ezinduna lezinsikazi, zingene emkolweni kanye lawe, uzilondoloze. 20Kulolo lalolo uhlobo lwezinyoni lezifuyo lakho konke okuhuquzelayo uzakuthatha ezimbili, zingene kanye lawe, ziphile. 21Uzithathele konke ukudla okudliwayo, uzibekele khona kube yikudla kwakho lokwazo. 22Wenze njalo uNowa; wakwenza konke uNkulunkulu ayemlayele khona.#Heb 11:7

Currently Selected:

Gen 6: BE1978

Highlight

Copy