Genèse 49
49
Mpshè ma Jacob
1A Jacob a mbaha ta wudahi na, a ngaɗa: Va-ɓicko va, a i ngreda kinè skwi man a da ga kinè, a nʼndikèma nshèffè kinè. 2Va-ɓicko va, kinè wudahi Jacob, va-fu zlembaɗ a ma Israel, bab kinè!
3Ruben, ka tsuvom ga, wuɗi ga, tsuvom man i ye ka te gol ga dai. Gèɗ ngaya ngra a vata, wuɗi ngaya a zhè, 4ara man iyam a hi te woyam a wuɗai. Ka, ka gi a ndo nshèlèkuraʼa azɓai, te man kà mana a sam mʼmènè bab ngaya, a ka lizhè sam mʼmènè bab ngaya.
5Siméon a Lévi, kinè a kramama, skwi var kinè a ndi na a skwi horai. 6Mèzhèɓ ndav ga a jèjèr ma tengaʼa azɓai. Ndav ga a humdè a tengaʼa azɓai. Aman ta bazl ta ngurhi a shèwa, a ta tsuɓ marihi a wuɗai. 7Ndzoan tengaʼa mbiaʼa, mphomdaʼa. Shèwa tengaʼa ambaɓiaʼa. I woy a i kezleka ta auda te va ndohi Jacob, a i ksar ta te Israel.
8Juda, kramamhi ngaya ta slébèrdè ka. Ri ngaya a gshè daʼai ndohi mayamhai, wudahi bab ngaya ta gurɓahai a sam ngaya. 9Juda, kra marizhèlè, Kra ga, ka gra, a géɗ man ka kala na va a skwai, ka pi va, ka kwétè skwai ara marizhèlè; nslaha a ngeda na va wa? 10Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa. 11A dè mènè kɗèh na a wof, a kra kɗèh a ri wof, a pènè va a barassa, a pènè maslaka na a iyam nyi wof. 12Di nengaʼa nduzoa ara ndo zom, zlèʼèn nengaʼa kuèkudèa te ma, wa man a nsau a nslekaɗa na zlèʼèn na.
13Zabulon a da nzi a ma iyam mbiaʼa, a zhè a sam nhèyè wurom, a dingeɗè deɓ na a Sidon.
14Issacar, nara mari kɗèh, man vatasl na nshfa, a mènè a va skwi kudom te zlazlar. 15A rka sam herkeda na mbelaʼa, aman a skèk va te pa a nguɓda deɓa hai, a zhüɓ skwai, a ndi na a ndo mizlinè man a gi mizlinè ambalai.
16Dan a gi kita a ndohi na, ara verzi ndohi Israel tèlèba. 17Dan da mana a civèɗ ara zhüzhok, ara demhal a zolom civèɗ a ndèsl sak plèsh, a ndo man a deɓ plèsh a tengelehi a dengai a herkeda.
18Ndo nzi pèc pècèk, i zhèr skwi mbelyè!
19Gad, ndohi ta woy a ta fa na a gèɗ, aman nengaʼa a nda fa ta a gèɗ a tengaʼa.
20Asser, movar nengaʼa mbar te dia a vata, a vava a til skwi nʼndi bai.
21Nephthali, mènèɗ man a hai, nengaʼa a gèɗè ma nhènèkèa.
22Joseph, wof man a yi wuda, a nza a ma woyam. Ri wof nengaʼa a mpèɗè a va zlazlar. 23Ndohi lèkèɗ ta poko na gèɗ auda, ta ɓoro. A ta gu shèwa a nengaʼa. 24Aman lèkèɗ nengaʼa mʼmanaʼa, a ri nengaʼa wuɗi te pa, a géɗ man Zhiklè Jacob a mva na wuɗai a nzlembaɗ ndo mɓer Israel, 25a géɗ Zhiklè bab ngaya man a takaha ka, a géɗ Zhiklè Bi wuɗai man a pshè ka ma. Mpshè ma kurv kurvaʼa man a shkèhai te zhiklè te géɗèʼa, a mpshè ma kurv kurvaʼa man a shkè auda te godok, a mpshè ma kurv kurvaʼa man a nʼngots te wa, te gsa mam kra. 26Mpshè ma bab ngaya mbiaʼa, a fena mpshè ma kurv kurvaʼa te za tʼhinèkaɗ na, mwuffe man a bababhi zlèzlèa. Skwi haha da shkè a géɗ Joseph, a ndev gèɗ ndo nkezlaʼa te va kramamhi na.
27Benjamin, nengaʼa kda dak man a pèr skwai, a prèk a ndi skwi man a gso, a dakwaɗ a kezli skwi man a nʼngotso.
28Nasa verzi Israel 12 tèlèba, a ma man bab ta a gaɗa ta. A mpshè ta ma, staɗ staɗ a mpshè ma na tsaɗ tsaɗ. 29A ngra ta, a ngaɗa ta: Aman i da metsi ga a va gwoli ga, va-riyè a gi dzavi bababhi ga, te za a sam gi dau Ephron, ndo Heth, 30te gi dzavi te za te gi dau Macpéla, zuraʼa a Mamré, te kokwar Canaan, te gi dau man Abraham a nsum a gi dzavi te ri Ephron, ndo Heth. 31Ta rda Abraham a Sara, ngwoz na, a pa. Ta rda Isaac a Rebecca, ngwoz na, a pa. A i rda Léa a pa. 32Te gi dau, a gi dzavi te za, man ta sum te ri ndohi Héth.
33Aman Jacob a ngra ta wudahi nengaʼa ma haha tèlèba ma, a nhelda sak a sam mʼmènè na, a mʼmets na a va gwoli na.
Currently Selected:
Genèse 49: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
