Genèse 23
23
Mʼmetsi Sara
1Sara a nʼnza a nshèffè mvi 127. 2Te deɓaʼa a mʼmets na te Kirjath-Arba, nasa Hébron, te kokwar Canaan. A Abraham a mdo, aman a lèyèʼa, a kuɗiaʼa. 3Te deɓaʼa Abraham a nslambaɗa, a sam nckondoʼa, a ngaɗa ta ndohi Heth: 4I ndo mbrok, kra ngwi ka ɓai a sam kinè. Va-vay sam a i da ri ngwoz ga a pa. 5A ndohi Heth ta gaɗa na Abraham: 6Bi nga, tsena ma nga! Ka, ka kra bai a sam nga. Rda ngwoz ngaya a sam gi dzavi nga mbelaʼa. Ko staɗ ndo man a gaɗa i vi azɓi ɓai, nʼazbai. 7A Abraham a nslambaɗa, a ngurɓahai, a sam ndohi kokwar, ndohi Heth, 8a ngaɗa ta: Aman kin woy a i cko nckondo ngwoz ga a i riaʼa, sèi kin tsena ma ga, a kin nzay a deɓa a sam Ephron, kra Tsochar, 9aman a vay sam gi dzavi Macpéla, man a nengaʼa, a kuma gi dau na. I pilèʼa, ara gani nengaʼa, da vayè a gi dzavi ga a sam kinè. 10A Ephron a nʼnza a pa te ndev ndohi Heth. A Ephron, ndo Heth, a ngaɗa na Abraham a sam di ndohi Heth, a sam di ndohi a ntamagi kokwar na tèlèba; 11Bi ga, tsena ma ga! Sam dak, i va ka ambalai. Vèvèɗ ba man a zhè te pa, i va ka ambalai; i va ka a va ngaya a sam di gwoli ga. Rda ngwoz ngaya a pa! 12A Abraham a ngurɓahai a sam ndohi kokwar, 13a ngaɗa na Ephron, a ndohi kokwar ta tsenaʼa: Kam, kam, tsena ma ga! Sèi ka hil Suli dak te ri ga dai, ga i ri ngwoz ga a pa. 14A Ephron a mbeɗa na a ma a Abraham: 15Bi ga, tsena ma ga! Sam dak te di gurso 400, kala mè a sam nga? Rda ngwoz ngaya a pa genè! 16A Abraham a ngu ara man Ephron a woyaʼa, a nʼngra na gurso 400 a Ephron a sam di ndohi Heth. Gurso 400 ara Suli ta.
17A Abraham a shum dak Ephron te Macpéla, zuraʼa a Mamré. Gi dau a nda gi dzavi te za, a wofhi a pa, tèlèba, 18a nʼnde na a skwi Abraham, a sam di ndohi Heth, a ndohi a ntamagi kokwar na tèlèba. 19Te deɓaʼa Abraham a nreda Sara, ngwoz na, a vèvèɗ, te dak Macpéla, zuraʼa a Mamré, nasa Hébron, te kokwar Canaan. 20Aranta dak man zlèzlèa a ndohi Heth, vèvèɗ te za, a ngu a sam gi dzavi man a Abraham.
Currently Selected:
Genèse 23: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
