Luk'k'aasa Tabano
Tabano
Wongala kaluk'aasa gara kayesuusa t'aye emeeyinara amame kahegerool kasegaamere gees kamooggani kaɂabddii odo kalleere kaɂisiraɂeel gosa oorataa kagire, «Kiristoosa» usumaleenna sannii taɂibaaddo dubba, «Kahaasaro» laano tusanooyiya. Luk'aasa, Yesuusa «Hiyyeessalun wongala goggolallabeeroo» Aabbokkeessakko kafaramero laanona hikki wongala ibaaddo taɂabo kalekaleekki k'arraaluun mala kaɂabo laano mammaakara. Wongala kaluk'aasa orroo kakkaleekkona Yesuusakotti emeeto osegaaran ohoraarjjee foolssijjoolnna abbaabayi Yesuusakokki daruur tos biyaano oɂayyeesaraan ogachchoo foolssijool aaloo addeesame kasegaamere geggelokokki garaye. Kayesuusa daruur tos biyaanokko abbaabatere ammano kakiristaana misii jiinaterona misii balɂaatero taɂaddeesisatta jirtti ofarameeraankokki mas'aafayi orroo hikka mas'aafa kas'aafero ibaaddotiwa segaamera.
Mazamuri kaɂerggichchakokki gara, Yesuusa takkoɂalateree ofoofee emeeyi deyaanokokki taɂayeesatta jirtti, Yesuusa yiisummayi k'ulluukki min kaɂebi seetanokokki gara, kanenɂeeyisatare Samaraawitina baye kahelamero unnukotti jirtti wongala kaluk'aasa kaalaalii ogiraanyan. Wongalakkeessayi k'amakko k'ama taageeroo tanjiin kinttib kakkonsisamera ebikokki garana Ayyaana K'ullukkikokki gara heleel kayesuusa handdaayi orroo taɂabo banɂena Waa c'ubbo haheso amamanokokkiya.
Raattoo Hikki Mas'aafa Kaɂabera
Tabano 1:1-4
Kat'ammak'aaro Yaannisakokkina kayesuusa Kiristoosakokki alattaan 1:5—2:52
Kat'ammak'aaro Yaannisakokki handdaano 3:1-20
Yesuusakokki t'ammak'amanona c'aafamano 3:21—4:13
Yesuusa handdaano kagaliila ulii 4:14—9:50
Ul kagaliilakko Iyyerusaalemi tos biyaano 9:51—19:27
Kagachchoo almmaa Iyyerusaalemiinna gobobkkiseeyi 19:28—23:56
Goyikko kiyaano kayesuusana usukko oɂagaalssatarawun adiɂadi mutanona daruur tos biyaano 24:1-53
Currently Selected:
Luk'k'aasa Tabano: BayNT
Highlight
Share
Copy
Want to have your highlights saved across all your devices? Sign up or sign in
The Word for the World Northern Africa