लूका 8

ईशु क सेवा करनाय बायर

1ओका बाद ईशु नगर आरू गाव खबर करता हुया, आरू यहोवा–भगवान क राज्य क खुश खबर सोमवता हुया पुगनेन लाग्या, आरू वो बारा ओको साथे हुता, 2#मत्ती 27:55,56; मरकुस 15:40,41; लूका 23:49आरू काही बायर भी होती जो विटळ आत्मा निकावी होती, आरू बीमारी छे छुड़ाय गयी होती आरू वो यो छे; मरियम जो मगदलीनी कवायती होती, जीनमा छे सात दुष्टत्मा नीकावती होती। 3आरू हेरोदेस क भण्डारी खुजा की बायर यहुन्ना, आरू सूसन्नाह, आरू घोणा सी दिसरा बायर। यो आपसी सम्पत्ति छे ओकी सेवा करती होती।

वेरनेवावा क दृष्टान्त

(मत्ती 13:1-9; मरकुस 4:1-9)

4जव मोटी गर्दी एखटी होयी आरू नगर क मानसे ओको साथे चाली आवता हुता, तो त्यो सपना मा कयो:

5“एक वेरनेवावा बीज वेरने निकव्य। वेरता हुयो काही मार्ग क धोड़े पड़्यो, आरू रौंदा गया, आरू वादळा क चिल्ला ने खाय गया। 6काही चठ्ठा पर पड़्या, आरू उगियो, पुन तारी नी मिवने छे सूख गया। 7काही बिज काटाक क वीच मा पड़्या, आरू झाड़का ने साथे बढ़ीन ओको दाब दिया। 8काही वारली धरती पर पड़्या, आरू उगीन सौ गुणा फव लाया।”

यो कयीन त्यो उचा ओवाज छे कयो, “ओका सोमवने क कान्टा होय वो सोमवने लेय।”

दाखला क मतलब

(मत्ती 13:10-17; मरकुस 4:10-20)

9ईशु क चेला ने ओका सी पुछ्या कि इनीये उदाहरण क मतलब काय छे? 10त्यो कयो, “तुमूब क यहोवा–भगवान क राज्य क भेदो की समझ देदी गयी छे, पर दिसरा क दृष्टान्त मा सोमवाया जाता छे, एरकरीन वो देखता हुया भी नी देख्या, आरू सोमवता हुया भी नी समझ्या।”

बीज वेरने वाळा क दाखलो समझड़नो

(मत्ती 13:18-23; मरकुस 4:13-20)

11“दृष्टान्त क मतलब यो छे: बीज यहोवा–भगवान क वचन छे।” 12मार्ग क धोड़े क वो छे, जिन्होने; सोमव्या तव शैतान आवीन ओको मन मा छे वचन उठ्या लेय जाता छे कि कयी ओसो नी होय कि वो विश्वास करीन उध्दार देख्या। 13दगड़ा पर पड़लं बीज क चा मानसे छे जव सोमवता छे, तो खुशी छे वचन क मान्य तो करता छे, पुन मुव नी दरिया छे वो थुड़ी देर तक विश्वास राखता छे आरू परीक्षा क टेहाव भड़की जाता छे। 14जो झाड़का मा पड़्या, यो वो छे जो सोमवता छे, पर ओगव चालीन चिंता, आरू धन आरू जीवन क सुखविलास मा फंस जाता छे आरू उनको फव नी पाकता। 15पर वारली धरती मा क वो छे, जो वचन सोमवीन भले आरू वारू मन मा सम्भाले रयता छे, आरू धीरज छे फव लावतो छे।

दीवो क दृष्टान्त

(मत्ती 4:21-25)

16 # मत्ती 5:15; लूका 11:33 “काही दिया धपाड़्या क कागुन छे नाही ढांकता, आरू नी खाटला क नेचा राखता छे पुन दीवट पर राखता छे कि माहीय आवनेवाळा प्रकाश देख्या।”

17 # मत्ती 10:26; लूका 12:2 काही डुका नी जो प्रगट नी होय, आरू नी काही सातायलो छे जो जाने नी जाय आरू प्रगट नी होय।

18“एरकरीन चोकचौळीया रयो कि तुमू काय रीति छे सोमवता होय? काहकि ओका साथे छे ओको दिया जाछे, आरू ओका साथे नी छे ओका सी वो भी ली लेदा जाछे, जिनाक त्यो ओको समझे।”

ईशु क माय आरू भाईस

(मत्ती 12:46-50; मरकुस 3:31-35)

19ईशु कि माय आरू ओका भाईस ओको साथे आश, पर गर्दी क कारण उना भेंट नी कर सक्या। 20ओका सी कयो गया, “तारी माय आरू तारो भाईस बाहरता उबो हुया तुखे छे मिवने जुवता छे।”

21ईशु ओका जवाब मा उनछे कयो, “मारी माय आरू मारो भाईस योही छे, जो यहोवा–भगवान क वचन सोमवता आरू मानता छे।”

आंझी क शांत करने

(मत्ती 8:23-27; मरकुस 4:35-41)

22पछु एक दाहड़ो वो आरू ईशु क चेला ढोंड्या पर चढ़िया, आरू त्यो उनछे कयो, “आवु, दरिया क पार चाल्या।” शेवली कावा त्या ढोंड्या उघाड दिया आरू निकवी गया। 23पर जव ढोंड्या चाल रयी होती, तो ईशु सूय गया: आरू ढोंड्या पर वादुन आयो, आरू ढोंड्या पानी छे भरायने लागी आरू वो जोखिम मा हुता। 24तव त्या साथे आवीन ओको धरती, आरू कयो, “भगवान! भगवान! हामु नाश हुया जाता छे।”

तव त्यो उठीन वादुन क आरू पानी की लहरो क उबराख्य आरू वो रूक गया आरू चैन होय गया। 25तव त्यो उनछे कयो, “तुमरा विश्वास क छे?”

पर वो घाबराय गया आरू घबराय हईन आपस मा कयनो लाग्या, “यो कुन छे जो वादुन आरू पानी क भी हुकुम देता छे, आरू वो ओकी मानता छे?”

दृष्टात्माग्रस्त मानुस क वारू करने

26पछु ईशु आरू ओका चेला गिरासेनियो क देश मा पुच्या, दरिया क उना पार गलील क सामने छे। 27जव वो धोड़े पर उतरीया तो उना नगर क एक मानुस उको मिव्यो जिनामा साहळा होती। वो घोणा दाहड़ा छे नी लुगड़ा पेहरतो हुतो आरू नी घर मा रयता हुता वरना बीड़ा मा रया करतो हुतो। 28वो ईशु क देखीन आयड़ीया आरू ओको सामने जिरेत मोटेत ओवाज छे कयो, “हे सयाळा प्रधान यहोवा–भगवान क पोर्‍या ईशु! मखेछे तुखे छे काय काम? हाव तुखे छे रावन्या करता छे, मखे शिक्षा नी देय।” 29काहकि वो उना साहळा क उना मानुस मा छे निकावने की हुकुम देय रया हुता, एरकरीन कि वो उना पर घड़ी मजबुत होयती होती। यद्यपि मानसे ओको साकव आरू बेड़ी छे बांधता हुता, तौभी वो बांधने क तुडीन नाखता हुता, आरू दूष्टात्मा ओको जंगल मा ढासाडीन फिरती होती।

30“ईशु ओका सी पुछु थारो काय नाव छे?”

त्यो कयो, “सेना” काहकि मानसक घोणा साहळा शैतान उको भराय गया हता। 31ईशु ओका अनुनय रावन्या करने लाग्यो कि हामु आंधारा कुण्ड मा जानेन हुकुम मा देय।

32वा बयड़ा पर सुहर्‍या क एक मोटा हाववो चर रयो हुतो, एरकरीन वो ने ओको तीनुक जाने दिया। 33तव साहळा उना मानुस मा छे निकवीन सुहर्‍या मा गयी आरू त्यो झुण्ड टेकड़ा पर सी पर झापटाय न गलील दरिया मा जाय पड़्या आरू डूबीन मर गयो।

34चारनेवावा यो जो हुया हुता देखीन ढासा, आरू नगर मा आरू गाँव मा जाईन ओको खबर दिया। 35मानसे यो जो हुयो हुतो ओको देखने क निकव्या, आरू ईशु क साथे आवीन जिना मानुस छे साहळा निकावी होती, ओको ईशु क पाय क साथे लुगड़ा पेहरने आरू सचेत बठ्या हुया देखीन घाबराय गयो; 36आरू देखनेवावा ने उन मानसे क कयो कि वो साहळा क सताया हुया मानुस काही प्रकार वारू हुया। 37तव गिरासेनियो क सब मानसे ने ईशु छे विनती करीन काहकि, हामरे या छे चाली जा, काहकि उन पर घणी बीक भराय गय हुता। अळते वो ढोंड्या पर चढ़ीन पछु गया। 38जिना मानुस मा छे साहळा निकावी होती वो ओका सी रावन्या करने लाग्या कि मखे आपने साथे रयने देय,

पुन ईशु ओको वाट लागाड़ी कयो, 39“आपने घर क पछो जाय आरू मानसे छे कयो कि यहोवा–भगवान ने तारे करता कोसो मोठ काम कामो छे। वो ने तारे करता कोसो मोठ काम कर्‍या छे।”

वो जाईन सब नगर मा खबर करने लाग्या कि ईशु मारे करता कोसो मोठ काम कामो।

याईर मरली पोराय आरू बीमार बायर

(मत्ती 9:18-26; मरकुस 5:21-43)

40जव ईशु पछो आयो तो मानसे ओका खुशी क साथे मिव्य, काहकि वो सब ओकी वाट जुय रया हुता। 41ओतरा मा याईर नाव क एक मानुस जो यहूदि यो आराधना घर क सरदार हुतो, आश आरू ईशु क पाय पर पड़्यो क ओका सी रावन्या करने लाग्या कि मारे घर चाल, 42काहकि ओको बारा साल की एकुत पोराय होती, आरू वो मरना पर पड़ जी ही

तव ईशु जाय रयो हुतो तव मानसे ओको पर गिर पड़ता हुता। 43एक बायर ने जिना क बारा साल छे लुहूय यो बहनीन क बीमार हुतो, आरू जो आपसी सारी जीविका वैद्यो क पछव व्यय कर त्योकी होती, तवभी काही क छे हात फावो नी होय सकी होती, 44पछव छे आवीन ओका छिंदरा क छेवड़ा क हाथ लागाड़ताज, आरू तत्काल ओका लुहूय यो उहवनो बंद होय गया। 45इनीये पर ईशु कयो, “मखे कुन धर्‍य?” जव सब मुकरने लाग्या, ते पतरस क कयो,

“हे गुरू, तुखे ते गर्दी दाबाय रयी छे आरू तुखे पर पड़ पड़ती छे।”

46पुन ईशु कयो, “कोय मखे छिमियो, काहकि हाव ने जान लेदो छे कि मखे मा छे शक्ति निकावी छे।” 47जव पोराय देखी कि ची डुकाय नी सकती, तव कापती होयी आवी आरू ओका पाय पड़ीन सब मानसे क सामने देखाड्या कि त्यो काही कारण छे ओको दरिया, आरू कोसो तत्काल वारू होय गयी। 48त्यो ओका सी कयो, “पोराय, थारो विश्वास ने तुखे वारू कर्‍या छे, शांती छे जात रय।”

49वो यो कय रया हुता कि कोय यहूदि यो आराधना घर क सरदार क या से एक मानुस आवीन कयो, “तारी पोराय मर गयी: गुरू क दुःख नी देता।”

50ईशु यो सोमवीन ईशु क जवाब देदो, “नी घाबराय मा। केवल विश्वास राख, ते वो वारू होय जाछे।”

51घर मा आवीन त्यो पतरस, यहुन्ना याकूब, आरू पोराय क आय बास क छुड़ीन दिसरा काही क आपने साथे माहीय आवने नी दिया। 52सब ओका करता रड़ पीट रया हुता, पुन ईशु कयो, “रडु मा पोराय मरी नी पुन सुय रयी छे।”

53वो यो जानीन कि मर गयी छे ओकी हासी करने लाग्या। 54पुन त्यो ओको हात दरिया, आरू आयड़ने कयो, “हे पोराय उठ।” 55तव ओको जीव पछु वापस आयो आरू पोराय तत्काल उठी बठी। पछु ईशु हुकुम देदी कि ओको काय खाने क काय आपसु। 56ओका माय बास चकित हुया, पुन त्यो तीनुक चिताया कि यो जो हयो छे काही छे नी कयनो।

Currently Selected:

लूका 8: NTDii20

Highlight

Copy