MAKU 12

1YI akabanga kubatôyela ku miele. Muntu akakuna kibidi kia finyo, akakidinga kimana, akakwemba lolo kifininu kia finyo, akakwabaka ncibo mule pyô a kitebelelu, yi akakixiya yi bantu ba midimo ya finyo, yi akancuka ku mbata. 2Yi akatuma musadi kudi bena midimo ku kikondo, bixeangatayi manga mamoma kudi bena midimo a kibidi kia finyo. 3Mo bakamwangata yi bakamukuma, yi bakamupingasa makaci matupu. 4Yi akatuma kabidi munga musadi kudibo ; yi bakamutapa ku mucwe, yi bakamucumbula ncumbu. 5Yi akatuma munga kabidi, yi bakaxipa you ; yi bamo bangi ; bakakuma banga yi bakaxipa banga. 6Akadi ukidi yi mwana umoumwe munangibwi ; yi akamutuma kudibo ku sula ene, Bananemeka mwanami.

7Mo bena midimo baba bakaditôyelafiana ene, You ndo muna mwokito ; cuyi, tumuxipi, yi mwokito unakala ěcu. 8Yi bakamwangata yi bakamuxipa, yi bakamwela kunci kwa kibidi kia finyo. 9Kifiani lolo kinakwenca fumu a kibidi ? Unalwa bumisa bena midimo, yi unapa banga bantu kibidi. 10Nonu kanwabala isanga diyi dedi mu mukanda ă Ncembi ? Ene, Dibwe diakanyañana babaki ba ncibo, kadedi diamalwa dibwe dia ku ilunga basodi ; 11dedi ndo dia Fumu, yi ditani kikamakama ku meso ecu ? 12Yi bakapalala kumukwata, yi bakacina kimbukuma ; bwalo bwakalembetelabo ene, amatôya mwele ku bwalo bwabo. Bakamuxiya lolo yi bakancuka. 13Yi bakatuma banga baFalixi kudiyi yi baElodo, bixemukwatabo ku kutôya. 14Bakalwa lolo kudiyi yi bakatôya ene, Mweyexi, twalubukwa ene, Owe udi sôsôlwo, yi kusocina muntu umoumwe ; bwalo butasoxixima mumbidi ă muntu, kate weyesa eyesa mwosambu ă Ncembi sôsôlwo. Kwalelekyela yi bwadi ndo kulambula Kyesa milambu ndo kumoni ? 15Tulambuli ? sungu katulambudi ? Mo yei akalubukwa mancanga abo, akabatôyela ene, Kukai nungwelekyesa ? Nungucwadili denalio, mumoni. 16Yi bakamucwala. Yi akabambila ene, Kieki kifwanisa ndo kia ñani, yi mukanda kulu ? Bakamwambila ene, Kia Kyesa. 17Yi Yisu akabapingasa ene, Nulongoli bintu bia Kyesa kudi Kyesa, yi bintu bia Ncembi kudi Ncembi. Yi bakamukamina kamina makamu.

18Yi baSaduki bakalwa kudiyi batôya, ene, Kubixibwa kwa bafu kakunako ; yi bakamwapangusa ene, 19Mweyexi, Mosese akatufundila ene, Ndo muntu mukulwanci unafwa, amaxiya mukasanci yi kasoxiya mwana, mwakunyenci unangata mukasanci dibakwa yi unalundixila mukulwanci bana. 20Kwakadi lolo bana ba mama sambwali ; mwamukulu akangata mwamukaxi dibakwa, yi akafwa kutena kuxiya bana. 21Yi you amubidi akamwangata yi akafwa kutena kuxiya bana ; yi mo nako kabidi you amusatu. 22Yi sambwali bungi bwabo bakadi kabasoxiya bana. Ku sula kwabo kwa bungi bwabo kwakafwa mwamukaxi kabidi. 23Ku kwombuludibwa kwa bafu, ku kikondo kinabikabo kabidi, yei unakala mukaxi a ñani yinabo ? Bwalo bwakamwangata mabakwa bungi bwa sambwali. 24Yi Yisu akabapingasa ene, Ka ku bwalo bobu kunwabunca ? bwalo bunutasolubukwa mukanda ă Ncembi ndo ngulu yenci. 25Pabikabo kudi bafu, kabasoangata mabakwa yi kabasopebwa mabakwa, kate badi bea bangele munda mwa diulu. 26Mo bwalo bwa bafu, ene, banabixibwa, kanwabala mu mukanda ă Mosese, ku kikoma kia dibunca, mwakamutôyela Ncembi ene, Meme ndo Ncembi a Abalami, yi Ncembi a Isaka, yi Ncembi a Yakobo ? 27Yei kiena Ncembi a bafu, kate a bena môyo. Mbwôso nwamabunca kungi.

28Yi mufundi a mikanda akadi amalwa, amabombwa badi mu kwapangusafiana, akalubukwa ene, Yisu amabapingasa loko, akamwapangusa ene, Mulangu kai udi ku buxi kwa milangu mioso ? 29Yi Yisu akapingasa ene, Mulangu ă buxi udi ene, Nwombwi, Isalele ; Fumu Ncembi ecu udi Fumu umoumwe ; 30yi unananga Fumu Ncembi ebe yi mucima ěbe muncimancima, yi kidimu kiebe kincimancima, yi lukanyi lwebe luncimancima, yi ngulu yebe mincimancima. 31Amubidi udi ene, Unananga muna kwebe bea mikyebe. Kakuna munga mulangu ădika yei noku. 32Yi mufundi a mikanda akamutôyela ene, Kunengela, Mweyexi ; wamatôya diyi dia sôsôlwo. Bwalo budiyi umoumwe ; yi kakuna munga utena yei ; 33yi ndo kumunanga yei yi mucima muncimancima, yi lukanyi i luncimancima, yi ngulu mincimancima, yi kunanga muna kwebe bea mikyebe, kwadika bungi bwa malongi moso mosa, yi bixipilu bioso. 34Yi Yisu, pakamumonayi amapingasa yi bwinu, akamutôyela ene, Owe kuna kulekule yi bufumu bwa Ncembi. Yi kunyuma kwa kikondo kieki, kakwakadi muntu udi yi mucima ă kumwapangusa kabidi.

35Yi Yisu akakulumuna pakakweyesayi mu tempelo, ene, Bafundi ba mikanda batôya beci ene, Kalistu udi Mwana a Dafidi ? 36Dafidi mikyenci akatôya mu Mwoxixi a babala, ene, Fumu akatôyela Fumwami ene, Xikama pa kidyo kiamene binakuteka bantu bamatanda yinebe katanda ka makasa ebe. 37Dafidi mikyenci umwabikila ene, Fumu ; udi lolo mwananci beci ; Yi kimbukuma kinene kiakamwombwa yi kiango.

38Yi akabatôyela ku kweyesa kwanci ene, Nudimuki bwalo bwa bafundi ba mikanda, bananga kwenda yi mayanga male, yi kunemekyebwa ku mabanca a bisalu, 39yi nkwasa ya buxi mu bixingidilu, yi bidi bia buxi ku bidyaki ; 40badedya ncibo ya bakaxi ba bafu, yi balomba ndombu milemile bwalo bwa ncimi yabo. Baba banabelebwa lopelo lukola.

41Yi Yisu akaxikama ku mpala a kibumbilu kia tempelo, yi akamona mwakakwela bantu mpalata mu kibumbilu ; yi bangi bakadi bena bintu bakakwela mpalata mingi. 42Yi mukasa a mufu akalwa, mwokombi, akakwela momu tumpalata tubidi tudi lwedi lwa kampalata kamokamwe nci. 43Yi akabikila beyi banci kudiyi, yi akabambila ene, Nwatôyela sôsôlwo ene, Mukasa a mufu you, mwokombi, apwela lwedi lwamadika lwabo bungi, lwa bungi bwabo bamakwela mu kibumbilu ; 44bwalo bwamakwelabo bintu bungi bwabo biakadibo yinabio bingi ; mo yei, ku bokombi bwanci, apwela bintu bioso biakadiyi yinabio ; buncima bwa bintu bienci.

Currently Selected:

MAKU 12: Luna_NT

Highlight

Copy