MATEYO 4

1KUNYUMA, Yisu akaxiyibwa mu mbata a kisobe kudi Mwoxixi kuya elekyexebwa kudi diabolo ; 2yi pakadi amancila bidya minyinya masangi anai yi matuku masangi anai, kunyuma lolo akakwombwa ncala.

3Yi mwelekyesanani akalwa kudiyi ene, Akali Owe udi Mwana a Ncembi, tôya ene, Mabwe aa atulowi ku mampa. 4Mo yei akapingasa ene, Kwamafundibwa ene, muntu kanakala yi môyo ku mampa matupu, kate ku diyi dioso diamancuka ku musuku ă Ncembi.

5Diabolo lolo diakamucwala ku bula bwa babala, yi diakamuxikika kulu kwa kitutu kia tempelo, 6yi diakamwambila ene, Akali Owe udi Mwana a Ncembi, udieli mikyebe paxi ; bwaio bwakafundibwa ene, Unatôyela bangele banci ku mucwe kwebe, yi banakucwala pa makaci abo, ximbi uxetumbula dikasa diebe ku dibwe. 7Yisu akamwambila, ene, Kwamafundibwa kabidi, ene Kwelekyexi Yeoba Ncembi ebe.

8Diabolo lolo diakamucwaia ku lupongo lulelule pyô, yi diakamwebesa mafumu moso a ioboko, yi dikai diao, 9yi diakamwambila ene, Nakukupa bintu bebi bungi bwabio, ndo owe unapona paxi yi unanguxingila. 10Yisu lolo akamwambila ene, Ncuka Satana, bwalo bwakafundibwa ene, Unaxingila Yeoba Ncembi ebe, unamusadila yei mutupu.

11Yi diabolo diakamuxiya papo, yi mona, bangele bakalwa musadila.

12Kaninga pakakwombwayi ene, Yoano amalongolebwa ku lukanu, akaya ku Ngalili ; 13yi pakancukayi ku Nasalete, akaya xikama ku Kapenaumu, kutani ku mwanca ă mai mu mbata ya Sebulunu yi Nafatali, 14bixefikixibwa diyi diakatôyebwa kudi Esaya mudimuxi, ene, 15Mbata a Sebulunu yi mbata a Nafatali, ncila a mai dixia dia Yôdana, Ngalili a mabila,— 16bantu bamaxikama mu mwedima bamamona obo mungi, yi kudi bantu bamaxikama mu mbata yi mu mudingidingi ă lufu, kudibo kwamancuka obo.

17Pôi kikondo kieki pakabanga Yisu yi kwambila yi kutôya, ene, Nudibeli bwalo bwamakokyela bufumu bwa diulu pepe.

18Pakakwendayi lolo pepe yi mai a Ngalili, akamona babalumi babidi, bana ba mama, Ximono amabikidibwa ene, Pita, yi Andelo mwakunyenci, batanakwela matei mu mai, bwalo bwakadibo bakwati ba yixi ; 19yi akabatôyela ene, Nungulandudili, yi nakunukulumuna ku bakwati ba bantu. 20Bobo lolo bakakadeya matei abo mangwoso, yi bakamulandudila.

21Pakadikayi koku akamona bamo babidi, bana ba mama, Yakobo a Sebede, yi Yoano mwakunyenci, mu kibusu yi Sebede teteabo, badi mu kutombola matei abo, yi akababikila ; 22bobo lolo bakaxiya kibusu mangwoso yi teteabo, yi bakamulandudila.

23Yi Yisu akatanga bungi bwa Ngalili, udi mu kweyesa eyesa mu bixingidilu biabo, akakwambila lo sangu lunengela lwa bufumu, yi aka ncula kusama kwoso yi kulebela kwo so kwa mumbidi kudi bantu. 24Y lotumbulwancilwakacakana mu bung bwa Silia, yi bakamucwadila banti boso bakatata, bamakwombwa masama moso yi bipekye, yi bobo bamakwacibwa kudi bidimu bibi, yi bena miembi, yi bena mbôyaponde ; yi akabapandisa. 25Yi bimbukuma binene biakamulanda biakalwa ku Ngalili, yi ku Dekapolo, yi ki Yelusaleme, yi ku Yudiya, yi ku dixia dia Yôdana.

Currently Selected:

MATEYO 4: Luna_NT

Highlight

Copy