ಲುಕ್ 2

ಜೆಜುಚೊ ಜಲಮ್

ಮಾತೆವ್ 1:8-25

1ಅಗಸ್ತುಸ್ ಕೈಸರಾಚ್ಯಾ ಕಾಲಾತ್ ಸಗ್ಳ್ಯಾ ರೊಮಾಚ್ಯಾ ರಾಜಾಚ್ಯಾ ಲೊಕಾಂಚಿ ಮೆಜ್ನಿ ಕರುಚಿ ಮನುನ್ ಹುಕುಮ್ ಹೊಲೊ. 2ಕ್ವಿರಿನಸ್ ಸಿರಿಯಾಚೊ ಮೊಟೊ ಅದಿಕಾರಿ ಹೊವ್ನ್ ಹೊತ್ತ್ಯಾ ತನ್ನಾ ಹೊಲ್ಲಿ ಪಯ್ಲಿಚಿ ಮೆಜ್ನಿ ಹಿ. 3ಅನಿ ಹರಿ ಎಕ್ಲೊ ಅಪ್ನಾ- ಅಪ್ನಾಚಿ ನಾವಾ ಲಿವುಕ್ ಮನುನ್ ಅಪ್ನಾ-ಅಪ್ನಾಚ್ಯಾ ಸ್ವಂತ್ ಗಾಂವಾಕ್ನಿ ಗೆಲ್ಯಾನಿ.

4ತೆಚೆಸಾಟ್ನಿ ಜುಜೆಬಿ ಗಾಲಿಲಿಯಾಚ್ಯಾ ನಜರೆತ್ ಮನ್ತಲ್ಯಾ ಗಾವಾತ್ನಾ, ದಾವಿದ್ ರಾಜಾಚ್ಯಾ ಉಪಾಜಲ್ಲ್ಯಾ ಗಾವಾಕ್, ಜುದೆಯಾಚ್ಯಾ ಬೆತ್ಲೆಹೆಮಾಕ್ ಗೆಲೊ.ತೊ ದಾವಿದಾಚ್ಯಾ ಘರಾನ್ಯಾಚೊ, ತಸೆ ಮನುನ್ ತೊ ಥೈ ಗೆಲೊ. 5ಅಪ್ನಾಚ್ಯಾ ವಾಂಗ್ಡಾ ಲಗ್ನಾಚಿ ಗೊಸ್ಟ್ ಹೊಲ್ಲ್ಯಾ ಮರಿಕ್‍ಬಿ ತೊ ವಾಂಗ್ಡಾ ಘೆವ್ನ್ ಗೆಲ್ಲೊ. ತನ್ನಾ ತಿ ಗರ್‍ವಾರ್ ಹೊತ್ತಿ. 6ತೆನಿ ಬೆತ್ಲೆಹೆಮಾತ್ ಹೊತ್ತ್ಯಾ ತನ್ನಾ ತೆನಿ ಪೊರಾಕ್ ಜಲಮ್ ದಿತಲೊ ಎಳ್ ಯೆಲೊ. 7ತಿನಿ ಅಪ್ನಾಚ್ಯಾ ಪಯ್ಲೆಚ್ಯಾ ಪೊರಾಕ್ ಜಲಮ್ ದಿಲಿನ್. ತೆಂಕಾ ರ್‍ಹಾವ್ಕ್ ಎಕ್ ಘರಾತ್ ಸೈತ್ ಜಾಗೊ ಗಾವುಕ್‍ನತ್ತೊ. ಮರಿನ್ ಪೊರಾಕ್ ಫಾಳಿಚ್ಯಾ ತುಕ್ಡ್ಯಾತ್ನಿ ಲಪ್ಟುನ್ ಗೊದ್ನಿತ್ ನಿಜ್ವುಲಿನ್.

ಕುರ್‍ಬುರಾ ಅನಿ ದೆವಾಚಿ ದುತಾ

8ಥೈ ಎಕಾಕ್ಡೆ ಉಲ್ಲಿ ಕುರ್‍ಬುರಾ ಶೆತಾತ್ನಿ ರಾಚ್ಚೆ ಅಪ್ನಾಚ್ಯಾ ಬಕ್ರ್ಯಾಂಚ್ಯಾ ಹಿಂಡ್ಡಾಕ್ನಿ ರಾಕುನ್ಗೆತ್ ಹೊತ್ತ್ಯಾನಿ. 9ತೆಂಕಾ ಎಕ್ ದೆವಾಚೊ ದುತ್ ದಿಸ್ಲೊ. ದೆವಾಚೊ ಉಜ್ವೊಡ್ ತೆಂಚ್ಯಾ ಭೊತ್ಯಾನಿ ಫಾಕ್ಲೊ. ಕುರ್‍ಬುರಾ ಲೈ ಭಿಂಯಾಲಿ. 10ಖರೆ ದೆವಾಚ್ಯಾ ದುತಾನ್ “ಭಿಂವ್‌ನಕಾಶಿ ಸಗ್ಳ್ಯಾ ಲೊಕಾಕ್ನಿ ಖುಶಿ ಹಾನ್ತಲಿ ಬರಿ ಖಬರ್ ಮಿಯಾ ತುಮ್ಕಾ ಘೆವ್ನ್ ಯೆಲಾ”. 11“ದಾವಿದಾಚ್ಯಾ ಶಾರಾತ್ ಆಜ್ ತುಮ್ಕಾ ಸುಟ್ಕಾ ದಿತಲೊ ಧನಿ, ಕ್ರಿಸ್ತ್ ಜಲಮ್ಲಾ”. 12ಫಾಳಿಯಾತ್ನಿ ಲಪ್ವುನ್ ಗೊದ್ನಿತ್ ನಿಜ್ವಲ್ಲೊ ಎಕ್ ಪೊರ್ ತುಮ್ಕಾ ಗಾವ್ತಾ. ಹಿ ತುಮ್ಕಾ ಎಕ್ ವಳಕ್.

13ಎಗ್ದಮ್, ಸರ್‍ಗಾ ವೈಲ್ಯಾ ದೆವಾಚ್ಯಾ ದುತಾಂಚೊ ತಾಂಡೊ “ದೆವಾಕ್ ಆರಾದನ್” ಕರುಕ್ ಮನುನ್ ಗಿತ್ ಮನ್ತಲೊ ದಿಸ್ಲೊ.

14“ಎಗ್ದಮ್ ವೈಲ್ಯಾ ಸರ್‍ಗಾತ್ ದೆವಾಕ್ ಮಹಿಮಾ ಹೊಂವ್ದಿ,

ಅನಿ ಹ್ಯಾ ಜಿಮ್ನಿರ್ ತೆನಿ ಸಾಂಗಲ್ಲ್ಯಾ ಸರ್ಕೆ ಜಿವನ್ ಕರ್‍ತಲ್ಯಾಂಚ್ಯಾ ವಾಂಗ್ಡಾ ಅಸಲ್ಲ್ಯಾಕ್ನಿ ಶಾಂತಿ ಹೊಂವ್ದಿ”.

15ದೆವಾಚಿ ದುತಾ ಸರ್‍ಗಾರ್ ಪರ್ತುನ್ ಗೆಲ್ಲ್ಯಾ ತನ್ನಾ ತಿ ಕುರ್‍ಬುರಾ ಎಕಾಮೆಕಾಕ್ನಿ “ಚಲಾ ಬೆತ್ಲೆಹೆಮಾಕ್ ಜಾಂವಾ ಅನಿ ದೆವಾನ್ ಅಮ್ಕಾ ಸಾಂಗಲ್ಲೆ ಬಗುನ್ ಯೆವಾ” ಮನುನ್ ಬೊಲುನ್ ಘೆಟ್ಲ್ಯಾನಿ.

16ತೆನಿ ಗಡ್ಬಡಿನ್ ಥೈ ಗೆಲ್ಯಾನಿ ಅನಿ ಮರಿಕ್,ಜುಜೆಕ್ ಅನಿ ಗೊದ್ನಿತ್ ನಿಜವಲ್ಲ್ಯಾ ಬಾಳ್ಶ್ಯಾಕ್ ಬಗಟ್ಲ್ಯಾನಿ. 17ತೆನಿ ಬಗಟಲ್ಲ್ಯಾ ತನ್ನಾ ದೆವಾಚ್ಯಾ ದುತಾನ್ ಪೊರಾಂಚ್ಯಾ ವಿಶಯಾತ್ ತೆಂಕಾ ಕಾಯ್-ಕಾಯ್ ಸಾಂಗಟಲ್ಲೆ ತೆಂಕಾ ಸಾಂಗ್ಲ್ಯಾನಿ. 18ಕುರ್ಬುರಾನಿ ಸಾಂಗಟಲ್ಲೆ ಆಯ್ಕುನ್ ತೆನಿ ಅಜಾಪ್ ಹೊಲೆ. 19ಮರಿನ್ ಹೆ ಸಗ್ಳೆ ಅಪ್ನಾಚ್ಯಾ ಮನಾತ್ ಥವ್ನ್ ಘೆವ್ನ್ ಹೆಚ್ಯಾ ವಿಶಯಾತ್ ಬರೆ ಕರುನ್ ಯವಜ್ಲಿನ್.

20ಗಿತಾ ಗಾವುನ್ಗೆತ್ ದೆವಾಕ್ ಹೊಗ್ಳುನ್ಗೆತ್ ಕುರ್‍ಬುರಾ ಫಾಟಿ ಪರ್‍ತುನ್ ಗೆಲಿ. ತೆನಿ ಆಯ್ಕಲ್ಲ್ಯಾಸರ್ಕೆ ಅನಿ ದೆವಾಚ್ಯಾ ದುತಾನ್ ಸಾಂಗಟಲ್ಲ್ಯಾ ಸಾರ್ಕೆಚ್ ತೆಂಕಾ ಬಗುಕ್ ಗಾವ್ಲೆ.

ಜೆಜುಕ್ ನಾವ್ ಥವ್ತಲೆ ಅನಿ ದೆವಾಚ್ಯಾ ಗುಡಿತ್ ಭೆಟ್ವುತಲೆ,

21ಆಟ್ವ್ಯಾ ದಿಸಿ ಪೊರಾಕ್ ಸುನ್ನತ್ ಕರ್‍ತಲ್ಯಾ ಎಳಾರ್, ತೆಕಾ “ಜೆಜು” ಮನುನ್ ನಾವ್ ಥವ್ಲ್ಯಾನಿ. ಮರಿ ಗರ್‍ವಾರ್ ಹೊವ್ಚ್ಯಾ ಅದ್ದಿಚ್ ದೆವಾಚ್ಯಾ ದುತಾನ್ ಹೆ ನಾವ್ ತೆಕಾ ದಿಲ್ಲ್ಯಾನ್.#2:21 ಲುಕ್ 1:31

22ಮೊಯ್ಜೆಚ್ಯಾ ಖಾಯ್ದ್ಯಾ ಸರ್ಕೆ ಅಪ್ನಾಚಿ ಪದ್ದತ್ ಪಾಳುಕ್ ಮನುನ್ ನಿತಳ್ ಹೊತಲೊ ಎಳ್ ಯೆಲ್ಲ್ಯಾತನ್ನಾ ಜುಜೆ, ಅನಿ ಮರಿ ಪೊರಾಕ್ ದೆವಾಕ್ ಭೆಟ್ವುಕ್ ಮನುನ್ ಜೆರುಜಲೆಮಾಚ್ಯಾ ದೆವಾಚ್ಯಾ ಗುಡಿತ್ ಗೆಲ್ಯಾನಿ, 23ಕಶ್ಯಾಕ್ ಮಟ್ಲ್ಯಾರ್ ಸರ್ವೆಸ್ವರಾಚ್ಯಾ ಖಾಯ್ದ್ಯಾತ್ನಿ“ಪಯ್ಲೆ ಜಲಮಲ್ಲೊ ಝಿಲ್ಗೊ ದೆವಾಕ್ ಎಕ್ ಪವಿತ್ರ್ ಮನುನ್ ಭೆಟ್ವುಚೆ” ಮನುನ್ ಲಿವಲ್ಲೆ ಹಾಯ್. 24ದೆವಾಚ್ಯಾ ಖಾಯ್ದ್ಯಾಂಚ್ಯಾ ಸರ್ಕೆ, ಎಕ್ ಜೊಡಿ ಪಾರಿವಾಳಾ ನಾ ತರ್ ದೊನ್ ಕೊವ್ಡ್ಯಾಚಿ ಪಿಲ್ಲಾ, ತೆನಿ ದೆವಾಕ್ ಬಲಿ ಕರುನ್ ದಿತಲಿ ಹೊತ್ತಿ, ತೆ ಬಿ ಕರುನ್ ಯವ್ಕ್ ಮನುನ್ ತೆನಿ ಜೆರುಜಲೆಮಾಕ್ ಗೆಲ್ಲೆ.

25ತ್ಯಾ ಕಾಲಾತ್ ಸಿಮಾವ್ ಮನ್ತಲೊ ಎಕ್ ಮಾನುಸ್ ಜೆರುಜಲೆಮಾತ್ ಹೊತ್ತೊ.ತೊ ಎಕ್ ಬರೊ ಅನಿ ದೆವಾಚ್ಯಾ ಭಿಂಯಾನ್ ಚಲ್ತಲೊ ಮಾನುಸ್,ತೊ ಇಸ್ರಾಯೆಲಾಚ್ಯಾ ಸುಟ್ಕಾ ಹೊತಲ್ಯಾ ಎಳಾಕ್ ರಾಕುನ್ಗೆತ್ ಹೊತ್ತೊ. ಪವಿತ್ರ್ ಆತ್ಮೊ ತೆಚ್ಯಾ ವಾಂಗ್ಡಾ ಹೊತ್ತೊ. 26ಅನಿ ಸರ್ವೆಸ್ವರಾನ್ ಧಾಡ್ತಾ ಮನುನ್ ಗೊಸ್ಟ್ ದಿಲ್ಲ್ಯಾ ಮೆಸ್ಸಿಯಾಕ್ ಬಗಟ್ಲ್ಯಾ ಸಿವಾಯ್ ತಿಯಾ ಮರಿನೆ ಮನುನ್ ಪವಿತ್ರ್ ಆತ್ಮ್ಯಾನ್ ತೆಕಾ ಸಾಂಗಟಲ್ಲ್ಯಾನ್ . 27ಖಾಯ್ದ್ಯಾತ್ ಸಾಂಗಲ್ಲ್ಯಾ ಸರ್ಕೆ ಪೊರಾಕ್ ದೆವಾಕ್ ಭೆಟ್ವುಕ್ ಮನುನ್, ತೆಚೆ ಬಾಯ್-ಬಾಬಾ ದೆವಾಚ್ಯಾ ಗುಡಿತ್ ಭೆಟ್ವುಕ್ ಜೆಜುಕ್ ಘೆವ್ನ್ ಯೆಲ್ಲ್ಯಾನಿ. ತನ್ನಾಚ್ ಪವಿತ್ರ್ ಆತ್ಮ್ಯಾಚ್ಯಾ ಬಳಾನ್ ಸಿಮಿಯಾವ್ ದೆವಾಚ್ಯಾ ಗುಡಿಕ್ಡೆ ಯೆಲ್ಲೊ. 28ಸಿಮಿಯಾವಾನ್ ಪೊರಾಕ್ ಅಪ್ನಾಚ್ಯಾ ಹಾತಿತ್ ಘೆಟ್ಲ್ಯಾನ್, ಅನಿ ದೆವಾಕ್ ಧನ್ಯವಾದ್ ದಿಲ್ಯಾನ್:

29“ಸರ್ವೆಸ್ವರಾ ಅತ್ತಾ ತುಜ್ಯಾ ಸೆವಕಾಕ್ ಸಮಾದಾನಾನ್ ಜಾವ್ಕ್ ಸೊಡ್.

ತಿಯಾ ಸಾಂಗಟಲ್ಲಿ ಗೊಸ್ಟ್ ತಿಯಾ ಖರಿ ಕರ್‍ಲೆ.

30ಕಶ್ಯಾಕ್ ಮಟ್ಲ್ಯಾರ್ ಮಿಯಾ ತಿಯಾ ತಯಾರ್ ಕರಲ್ಲಿ, ಸುಟ್ಕಾ ಮಾಜ್ಯಾಚ್ ಡೊಳ್ಯಾನಿ ಬಗಟ್ಲೊ: 31ತೆ ಸಗ್ಳ್ಯಾ ಲೊಕಾಂಚ್ಯಾ ಇದ್ರಾಕ್ ತಿಯಾ ತಯಾರ್ ಕರ್‍ಲೆಯ್.

32ತೊ ಜುದೆವ್ ನ್ಹಯ್ ಹೊತ್ತ್ಯಾ ಲೊಕಾಕ್ನಿ ತುಜಿ ಕುಶಿ ಕಾಯ್ ಮನುನ್ ದಾಕ್ವುತಲೊ ಉಜ್ವೊಡ್

ಅನಿ ತುಜ್ಯಾ ಇಸ್ರಾಯೆಲಾಚ್ಯಾ ಲೊಕಾಕ್ನಿ ತೊ ಮಹಿಮಾ ಹಾನ್ತಾ”.

ತೆಚ್ಯಾ ಸಾಟ್ನಿ,

33ಸಿಮಾವ್ ಪೊರಾಂಚ್ಯಾ ವಿಶಯಾತ್ ಹೆ ಸಗ್ಳೆ ಸಾಂಗ್ತಲೆ ಬಗುನ್, ಪೊರಾಚೆ ಬಾಯ್ ಬಾಬಾ ಅಜಾಪ್ ಹೊಲೆ. 34ಸಿಮಾವಾನ್ ತೆಂಕಾ ಆಶಿರ್ವಾದ್ ದಿಲ್ಯಾನ್‍, ಅನಿ ಮರಿಕ್, ಹ್ಯೊ ಪೊರ್ ದೆವಾನ್ ಧಾಡಲ್ಲಿ ಎಕ್ ವಳಕ್ ಹೊತಾ ಇಸ್ರಾಯೆಲಾತ್ಲ್ಯಾ ಸುಮಾರ್ ಲೊಕಾಕ್ನಿ ಪಡುಕ್ ಅನಿ ಉಟುಕ್, ಕಾರನ್ ಹೊತಾ. ಖರೆ ಸುಮಾರ್ ಲೊಕಾ ಹೆಚ್ಯಾ ವಿಶಯಾತ್ ಹುರ್‍ಪಾಟಿ ಬೊಲ್ತ್ಯಾತ್. 35ಅನಿ ತೊ ತೆಂಚ್ಯಾ ನಿಪುನ್ ಹೊತ್ತ್ಯಾ ಸಗ್ಳ್ಯಾ ಯವ್ಜನ್ಯಾ ಭಾಯ್ರ್ ಉಜ್ಟೊಡಾಕ್ ಹಾನ್ತಾ, ಅನಿ ದುಕ್, ಎಕ್ ಧಾರ್‍ಲ್ಯಾ ಚಾಕ್ವಾ ಸರ್ಕೆ ತುಜ್ಯಾ ಕಾಳ್ಜಾಕ್ ಟೊಪ್ತಾ.

36ಅನ್ನಾ ಮನುನ್ ನಾವ್ ಹೊತ್ತಿ ಎಕ್ ಪ್ರವಾದಿನ್‍ಬಿ ಥೈ ಹೊತ್ತಿ. ತಿ ಫಾನುಯೆಲಾಚಿ ಲೆಕ್ ಅಶೆರ್ ಮನ್ತಲ್ಯಾ ಘರಾನ್ಯಾಚಿ. ತಿ ನಗಿನ್ ಹೊವ್ನ್ ಸಾತ್ ವರ್ಸಾ ಅಪ್ನಾಚ್ಯಾ ಘೊವಾಚ್ಯಾ ವಾಂಗ್ಡಾ ಹೊತ್ತಿ. ಅನಿ ತಿ ಲೈ ಮ್ಹಾತಾರಿ ಹೊಲ್ಲಿ. 37ಅತ್ತಾ ತಿ ಆಂಯ್ಸಿರ್ ಚಾರ್ ವರ್ಸಾಚಿ ವಿಧವ್. ದಿಸ್ ಅನಿ ರಾತ್ ದೆವಾಚಿ ಭಜನ್ ಕರುನ್ಗೆತ್ ಉಪಾಸ್, ಮಾಗ್ನಿ ಕರುನ್ಗೆತ್ ತಿ ದೆವಾಚ್ಯಾ ಗುಡಿತುಚ್ ರ್‍ಹಾಯ್. ದೆವಾಚಿ ಗುಡಿ ಸೊಡುನ್ ತಿ ಕಡೆಕ್ ಜಾಯ್ನಸಿ. 38ತ್ಯಾ ಎಳಾರ್ ತಿ ಪೊರಾಂಚ್ಯಾ ಬಾಯ್ ಬಾಬಾಕ್ಡೆ ಯೆಲಿ, ದೆವಾಕ್ ಧನ್ಯವಾದ್ ದಿಲಿನ್, ಅನಿ ಜೆರುಜಲೆಮಾಚ್ಯಾ ಸುಟ್ಕೆಚಿ ವಾಟ್ ಬಗುನ್ಗೆತ್ ಹೊತ್ತ್ಯಾಂಚ್ಯಾಕ್ಡೆ, ತೆನಿ ಹ್ಯಾ ಪೊರಾಂಚ್ಯಾ ವಿಶಯಾತ್ ಬೊಲ್ಲಿನ್.

ನಜರೆತಾಕ್ ಪರ್ತುನ್ ಜಾತಲೆ.

39ಖಾಯ್ದ್ಯಾತ್ ಸಾಂಗಲ್ಲೆ ಸಾರ್ಕೆ. ಸಗ್ಳೆ ಶಾಸ್ತರ್ ಕರುನ್ ಸರಲ್ಲ್ಯಾ ತನ್ನಾ, ಮರಿ ಅನಿ ಜುಜೆ ಅಪ್ನಾಚ್ಯಾ ಸ್ವಂತ್ ಗಾವಾಕ್ ಗಾಲಿಲಿಯಾತ್ಲ್ಯಾ ನಜರೆತಾಕ್ ಪರ್ತುನ್ ಗೆಲ್ಯಾನಿ. 40ಪೊರ್ ಮೊಟೊ ಹೊವ್ನ್ ಘಟ್-ಮುಟ್ ಹೊಲೊ, ಅನಿ ಬುದ್ದಿನ್ಬಿ ಬರೊ ಹೊಲೊ. ದೆವಾಚಿ ಕುರ್ಪಾ ತೆಚ್ಯಾ ವರ್‍ತಿ ಹೊತ್ತಿ.

ಬಾರಾ ವರ್ಸಾಚೊ ಪೊರ್ ಜೆಜು ದೆವಾಚ್ಯಾ ಗುಡಿತ್ .

41ಹರಿಎಕ್ ವರ್ಸಾ ಜೆಜುಚೆ ಬಾಯ್-ಬಾಬಾ ಪಾಸ್ಕಾಚ್ಯಾ ಸನಾಕ್ ಮನುನ್ ಜೆರುಜಲೆಮಾಕ್ ಜಾಯ್ತ್. 42ಜೆಜು ಬಾರಾ ವರ್ಸಾಚೊ ಹೊತ್ತೊ ತನ್ನಾ, ಸದ್ದಿಚ್ಯಾ ಸರ್ಕೆ ತೆನಿ ಪಾಸ್ಕಾಚ್ಯಾ ಸನಾಕ್ ಜೆರುಜಲೆಮಾಕ್ ಗೆಲ್ಯಾನಿ. 43ಸನ್ ಸರಲ್ಲ್ಯಾ ತನ್ನಾ ತೆನಿ ಪರ್ತುನ್ ಘರಾಕ್ ಗೆಲ್ಯಾನಿ, ಖರೆ ಪೊರ್ ಜೆಜು ಜೆರುಜಲೆಮಾತುಚ್ ರ್‍ಹಾಲೊ, ಹೆ ತೆಚ್ಯಾ ಬಾಯ್-ಬಾಬಾಕ್ ಕಳುಕುಚ್ ನತ್ತೆ . 44ತೆನಿ ಅಪ್ನಾಚ್ಯಾ ಗಾವಾಕ್ ಯೆತಲ್ಯಾ ಲೊಕಾಂಚ್ಯಾ ವಾಂಗ್ಡಾ ಯೆವ್ಲಾ ಕಾಯ್ಕಿ ಮನುನ್ ಯವ್ಜುನ್, ಎಕ್ ದಿಸಾಚಿ ವಾಟ್ ಚಲುನ್ ಗೆಲ್ಲ್ಯಾ ಮಾನಾ, ತೆನಿ ತೆಂಚ್ಯಾ ಸೊಯ್ರ್ಯಾತ್ನಿ ಅನಿ ವಳ್ಕಿಚ್ಯಾತ್ನಿ ಜೆಜುಕ್ ಹುಡಕ್ಲ್ಯಾನಿ . 45ಖರೆ ತೊ ತೆಂಕಾ ಗಾವುಕ್ನಾ, ತಸೆ ಮನುನ್ ತೆನಿ ಜೆಜುಕ್ ಹುಡ್ಕುನ್ಗೆತ್, ಅನಿ ಪರ್ತುನ್ ಜೆರುಜಲೆಮಾಕ್ ಗೆಲ್ಯಾನಿ,

46ತಿನ್ವ್ಯಾ ದಿಸಿ ಜುದೆವಾಂಚ್ಯಾ ಮಾಸ್ತರಾಂಚ್ಯಾ ವಾಂಗ್ಡಾ ಬೊಲುನ್ಗೆತ್ ಅನಿ ತೆಂಕಾ ಪರಸ್ನೆ ಇಚಾರುಂಗೆತ್ ದೆವಾಚ್ಯಾ ಗುಡಿತ್ ಬಸಲ್ಲೊ, ತೆಂಕಾ ಗಾವ್ಲೊ. 47ತೊ ಉಶಾರ್ಕಿನ್ ಜಬಾಬ್ ದಿತಲೆ ಬಗುನ್, ಆಯ್ಕಲ್ಲೆ ಸಗ್ಳೆಜಾನ್ ಅಜಾಪ್ ಹೊಲ್ಲೆ. 48ತೆಕಾ ಬಗುನ್ ತೆಚೆ ಬಾಯ್ ಬಾಬಾ ಅಜಾಪ್ ಹೊಲ್ಯಾನಿ, ಅನಿ ತೆಚ್ಯಾ ಬಾಯ್ನ್ ತೆಕಾ “ಮಾಜ್ಯಾ ಪೊರಾ, ತಿಯಾ ಅಮ್ಕಾ ಅಶೆ ಕಶ್ಯಾಕ್ ಕರ್‍ಲೆ? ತುಕಾ ಹುಡ್ಕುಕ್, ಮಿಯಾ ಅನಿ ತುಮ್ಚೊ ಬಾಬಾ ಕವ್ಡೊ ತರಾಸ್ ಕರುನ್ ಘೆಟ್ಲಾಂವ್ ಗೊತ್ತ್ ಹಾಯ್?” ಮಟ್ಲಿನ್.

49ತನ್ನಾ ತೆನಿ “ತುಮಿ ಮಾಕಾ ಕಶ್ಯಾಕ್ ಹುಡ್ಕುಕ್ ಲಾಗಲ್ಲ್ಯಾಶಿ? ಮಿಯಾ ಮಾಜ್ಯಾ ಬಾಬಾಚ್ಯಾ ಘರಾತ್ ರಾವ್ಕ್ ಪಾಜೆ ಮನುನ್ ತುಮ್ಕಾ ಗೊತ್ತ್ ನಾ ಕಾಯ್?” ಮನುನ್ ಜಬಾಬ್ ದಿಲ್ಯಾನ್. 50ಖರೆ ತೆನಿ ದಿಲ್ಲ್ಯಾ ಜಬಾಬಾಚೊ ತೆಂಕಾ ಅರ್‍ತುಚ್ ಹೊವುಕ್ನಾ.

51ಅಶೆ ಜೆಜು ತೆಂಚ್ಯಾ ವಾಂಗ್ಡಾ ನಜರೆತಾಕ್ ಗೆಲೊ. ತೊ ತೆಂಕಾ ಖಾಲ್ತಿ ಹೊವ್ನ್ ರ್‍ಹಾಲೊ.ತೆಚ್ಯಾ ಬಾಯ್ನ್ ಹೆ ಸಗ್ಳೆ ಅಪ್ನಾಚ್ಯಾ ಮನಾತ್ ಗೊಳಾ ಕರುನ್ ಥವ್ನ್ ಘೆಟ್ಲಿನ್. 52ದೆವಾಚ್ಯಾ ಅನಿ ಲೊಕಾಂಚ್ಯಾ ದಯೆನ್ ಜೆಜು ಆಂಗಾನ್ ಅನಿ ಬುದ್ದಿನ್ ಮೊಟೊ ಹೊಲೊ.

Currently Selected:

ಲುಕ್ 2: NTSii24

Highlight

Copy