ಲುಕ್ 18

ಘೊಮರಲ್ಲ್ಯಾ ಬಾಯ್ಕೊಮನ್ಸಿಚಿ ಅನಿ ನ್ಯಾಯ್ ಕರ್‍ತಲ್ಯಾಚಿ ಕಾನಿ.

1ತನ್ನಾ ಜೆಜುನ್ ಅಪ್ನಾಚ್ಯಾ ಶಿಸಾಕ್ನಿ, ಕನ್ನಾಬಿ ಕಂಟಾಳಿನಸ್ತನಾ ಮಾಗ್ನಿ ಕರುನ್ಗೆತ್ ರ್‍ಹಾತಲೆ ಶಿಕ್ವುಸಾಟ್ನಿ ಮನುನ್, ಹಿ ಕಾನಿ ಸಾಂಗ್ಲ್ಯಾನ್. 2ಎಕ್ ಮೊಟ್ಯಾ ಗಾಂವಾತ್ ಎಕ್ ನ್ಯಾಯ್ ನಿರ್‍ನಯ್‍ ಕರ್‍ತಲೊ ಮಾನುಸ್ ಹೊತ್ತೊ, ತೆಕಾ ದೆವಾಚೆ ಭಿಂಯೆ ನತ್ತೆ, ಅನಿ ಮಾನ್ಸಾಕ್ನಿ ತರ್ ತೊ ಮೆಜಿಚ್‍ನಶಿ. 3ಅನಿ ತ್ಯಾಚ್ ಗಾಂವಾತ್ ಅಪ್ನಾಕ್ ನ್ಯಾಯ್ ನಿರ್‍ನಯ್ ಕರುನ್ ದಿವ್‍ಸಾಟಿ ಮನುನ್ ತ್ಯಾ ನ್ಯಾಯ್ ಕರ್‍ತಲ್ಯಾಕ್ಡೆ ಸದ್ದಿಚ್ ಯೆವ್ನಗೆತ್ ಎಕ್ ಘೊಮರಲ್ಲಿ ಬಾಯ್ಕೊಮನುಸ್ ಹೊತ್ತಿ. ಅನಿ ತೆಕಾ ತಿ, “ಮಾಜ್ಯಾ ವಿರೊದ್ಯಾಚ್ಯಾಕ್ನಾ ಮಾಕಾ ನ್ಯಾಯ್‍ ನಿರ್‍ನಯ್ ಕರುನ್ ದಿ” ಮನುನ್ ಸಾಂಗಿ. 4ತ್ಯಾ ನ್ಯಾಯ್ ಕರ್‍ತಲ್ಯಾನ್ ಸುಮಾರ್ ದಿಸಾ ತಿಚ್ಯಾ ವಿಶಯಾತ್ ಟಕ್ಲೆ ನಾಸ್ವುನ್ ಘೆವ್ಕ್ ನಾ. ಖರೆ ಆಕ್ರಿಕ್ ಎಗ್ದಾ ತೆನಿ “ಮಿಯಾ ದೆವಾಕ್ ತರ್ ಭಿಂಯ್ ನಾ, ಅನಿ ಮಾನ್ಸಾಕ್ನಿ ತರ್ ಮೆಜಿಚ್‍ ನಾ, 5ಜಾಲ್ಯಾರ್‍ಬಿ ಹ್ಯಾ ಘೊಮರಲ್ಲ್ಯಾ ಬಾಯ್ಕೊಮನ್ಸಿಕ್ ಮಿಯಾ ಕಾಯ್ತರ್ ತಿರ್‍ಮಾನ್ ಕರುನ್ ದಿವ್ಚೊ, ಅನಿ ತಿಚೊ ಹಕ್ಕ್ ತಿಕಾ ಗಾವಿ ಸರ್ಕೆ ಕರುಚೆ, ಮಿಯಾ ತಿಕಾ ಕಾಯ್ಬಿ ನಿರ್‍ನಯ್ ಕರುನ್ ದಿನಸ್ಲ್ಯಾರ್, ಸದ್ದಿ ಯೆವ್ನ್, ತಿ, ಮಾಜೆ ಟಕ್ಲೆ ಖಾತಾ!” ಮನುನ್ ಯವ್ಜುನ್ ಘೆಟ್ಲ್ಯಾನ್. ಅನಿ ತಿಕಾ ಎಕ್ ನಿರ್‍ನಯ್ ಕರುನ್ ದಿಲ್ಯಾನ್.

6ಅಶೆ ಧನಿಯಾನ್, ತೆಂಕಾ “ತೊ ಬುರ್ಶ್ಯಾ ನ್ಯಾಯ್ ಕರ್ನಾರೊ ಕಾಯ್ ಮನ್ತಾ ಮನುನ್, ಆಯ್ಕಲ್ಯಾಸಿ!” 7ತರ್ ಅತ್ತಾ, ದೆವ್ ಅಪ್ನಾಕ್ಡೆ ದಿಸ್ -ರಾತ್ ಮಾಗ್ತಲ್ಯಾ ಅಪ್ನಾಚ್ಯಾ ಲೊಕಾಕ್ನಿ ನ್ಯಾಯ್ ಕರುನ್ ದಿ ನಾ ಕಾಯ್? ತೊ ಲಗ್ಗುನಾಚ್ ತೆಂಕಾ ತೆನಿ ಮಾಗಲ್ಲೆ ದಿ,ನಾ ಕಾಯ್? 8ಮಿಯಾ ತುಮ್ಕಾ ಸಾಂಗ್ತಾ. ತೊ ಲಗ್ಗುನಾಚ್ ತೆಂಕಾ ನ್ಯಾಯ್ ಕರುನ್ ದಿತಾ.

ಖರೆ, ಮಾನ್ಸಾಚೊ ಲೆಕ್ ಹ್ಯಾ ಜಗಾತ್ ಯೆಲ್ಲ್ಯಾ ತನ್ನಾ, ಲೊಕಾಂಚ್ಯಾ ಮನಾತ್ನಿ ವಿಶ್ವಾಸ್ ಹೊತ್ತೆ ತೆಕಾ ಬಗುಕ್ ಗಾವ್ತಾ ಕಾಯ್? ಮಟ್ಲ್ಯಾನ್.

ಫಾರಿಜೆವಾಚಿ ಅನಿ ತೆರ್‍ಗಿ ವಸುಲ್ ಕರ್‍ತಲ್ಯಾಚಿ ಕಾನಿ

9ಅಪ್ನಿ ಬರೆ, ಅನಿ ಹುರಲ್ಲಿ ಸಗ್ಳಿ ಲೊಕಾ ವಾಯ್ಟ್ ಮನುನ್ ಯವ್ಜುನ್ಗೆತ್ ರ್‍ಹಾತಲ್ಯಾ ಲೊಕಾಕ್ನಿ ಜೆಜುನ್, ಹಿ, ಕಾನಿ ಸಾಂಗಟ್ಲ್ಯಾನ್.

10“ಎಗ್ದಾ ದೊಗೆ ಜಾನಾ ಹೊತ್ತೆ, ತೆನಿ ದೊಗೆಬಿ ಮಾಗ್ನಿ ಕರುಕ್ ಮನುನ್ ದೆವಾಚ್ಯಾ ಗುಡಿಕ್‍ ಗೆಲ್ಲ್ಯಾನಿ. ಎಕ್ಲೊ ಎಕ್ ಫಾರಿಜೆವ್, ಅನಿ ಅನಿ ಎಕ್ಲೊ ತೆರ್‍ಗಿ ವಸುಲ್ ಕರ್‍ತಲೊ ಪಾಪಿ ಮಾನುಸ್”.

11ಫಾರಿಜೆವ್ ಅಪ್ನಾಚ್ಯಾ ಎವ್ಡ್ಯಾಕ್ ಧುರುಚ್ ಇಬೆ ರ್‍ಹಾಲೊ, ಅನಿ ದೆವಾ ಮಿಯಾ ತುಕಾ ಧನ್ಯವಾದ್ ದಿತಾ. ಮಿಯಾ ಸಗ್ಳ್ಯಾಂಚ್ಯಾ ಸರ್ಕೊ, ಅಸ್‍ಬುರ್ಕೊ, ಸಾಂಗಟಲ್ಲೆ ಕರಿನಸಲ್ಲೊ, ನಾ ಹೊಲ್ಯಾರ್, ಎಕ್ ವೆಭಿಚಾರ್ ಕರ್‍ತಲೊ ಮಾನುಸ್ ನ್ಹಯ್.

ಮಿಯಾ ತಬಕ್, ತ್ಯಾ ತೆರ್‍ಗಿ ವಸುಲಿ ಕರ್‍ತಲ್ಯಾ ಪಾಪಿ ಮಾನ್ಸಾ ಸಾರ್ಕೊ ನ್ಹಯ್. 12“ಮಿಯಾ ವಾರಾತ್ ದೊನ್ ದಿಸ್ ಉಪಾಸ್ ಕರ್‍ತಾ, ಅನಿ ಮಾಜ್ಯಾ ಉತ್ಪನ್ನಾತ್ಲೊ ಧಾತ್ಲೊ ಎಕ್ ವಾಟೊ ತುಕಾ ದಿತಾ”, ಮನುನ್ ಮಾಗ್ನಿ ಕರ್‍ಲ್ಯಾನ್.

13ಖರೆ, ತೊ ತೆರ್‍ಗಿ ವಸುಲ್ ಕರ್‍ತಲೊ, ಪಾಪಿ ಮಾನುಸ್, ಧುರುಚ್ ಇಬೆ ರ್‍ಹಾಲೊ, ತೆನಿ ಟಕ್ಲೆ ವೈರ್ ಕರುನ್ ಅಪ್ನಾಚೆ ಡೊಳೆ ಸೈತ್ ಸರ್‍ಗಾಕ್ ಲಾವುಕ್ನಾ, ಅಪ್ನಾಚೆ ಹಿರ್‍ದೆ ಬಡ್ವುನ್ ಘೆಟ್ಲ್ಯಾನ್, ಅನಿ “ದೆವಾ ಮಿಯಾ ಎಕ್ ಪಾಪಿ ಮಾನುಸ್, ಮಾಜಿ ದಯಾ ಕರ್!” ಮಟ್ಲ್ಯಾನ್.

14ತನ್ನಾ ಜೆಜುನ್, ಮಿಯಾ ತುಮ್ಕಾ ಸಾಂಗ್ತಾ, ತೊ ತೆರ್‍ಗಿ ವಸುಲ್ ಕರ್‍ತಲೊ, ದೆವಾಚ್ಯಾ ನದ್ರೆತ್ ನಿತಿವಂತ್ ಹೊವ್ನ್, ಆಶಿರ್ವಾದ್ ಘೆವ್ನ್ ಗೆಲೊ. ತ್ಯಾ ಫಾರಿಜೆವಾಚಿ ಮಾಗ್ನಿ, ದೆವಾಕ್ ಮಾನುಕ್ ನಾ.

ಜೆ ಕೊನ್ ಅಪ್ನಾಕುಚ್ ವರ್‍ತಿ ಕರ್‍ತ್ಯಾತ್, ತೆಂಕಾ ಖಾಲ್ತಿ ಕರುನ್ ಹೊತಾ, ಅನಿ ಜೆ ಕೊನ್ ಅಪ್ನಾಕುಚ್ ಖಾಲ್ತಿ ಕರ್‍ತ್ಯಾತ್, ತೆಂಕಾ ವರ್‍ತಿ ಕರುನ್ ಹೊತಾ, ಮನುನ್ ಸಾಂಗಟ್ಲ್ಯಾನ್.

ಜೆಜು ಬಾರಿಕ್ಲ್ಯಾ ಪೊರಾಕ್ನಿ ಆಶಿರ್ವಾದ್ ದಿತಾ

ಮಾತೆವ್ 19:13-15; ಮಾರ್ಕ್ 10:13-16

15ಉಲ್ಲ್ಯಾಸ್ಯಾ ಲೊಕಾನಿ, ಅಪ್ನಾಚ್ಯಾ ಪೊರಾಂಚ್ಯಾ ವರ್‍ತಿ ಹಾತ್ ಥವ್ನ್ ಆಶಿರ್ವಾದ್ ಘೆವ್ನ್ ಜಾವ್‍ಸಾಟ್ನಿ ಮನುನ್, ಜೆಜುಕ್ಡೆ ಘೆವ್ನ್ ಯೆಲ್ಯಾನಿ, ಹೆ ಬಗುನ್ ಜೆಜುಚ್ಯಾ ಶಿಸಾನಿ ತೆಂಕಾ ಜೊರ್ ಕರ್‍ಲ್ಯಾನಿ. 16ಖರೆ ಜೆಜುನ್, ಪೊರಾಕ್ನಿ ಅಪ್ನಾಕ್ಡೆ ಬಲ್ವುಲ್ಯಾನ್, ಅನಿ, ಪೊರಾಕ್ನಿ ಮಾಜೆಕ್ಡೆ ಯೆವ್ಕ್ ಸೊಡಾ, ತೆಂಕಾ ಅಡ್ವುನಕಾಶಿ, ಕಶ್ಯಾಕ್ ಮಟ್ಲ್ಯಾರ್, ದೆವಾಚೆ ರಾಜ್ ಅಸ್ಲ್ಯಾಕ್ನಿಚ್ ಸಮಂದ್ ಪಡಲ್ಲೆ. 17ಯಾದ್ ಥವ್ನ್ ಘೆವಾ! ಜೆ ಕೊನ್ ಎಕಾ ಬಾರಿಕ್ಲ್ಯಾ ಪೊರಾ ಸರ್‍ಕ್ಯಾ ಬರ್‍ಯಾ ಮನಾನ್, ದೆವಾಚೆ ರಾಜ್ ಸ್ವಿಕಾರ್ ಕರಿನಾ, ತೊ,ಕನ್ನಾಚ್ ತ್ಯಾತುರ್ ಭುತ್ತುರ್ ಜಾಯ್ನಾ ಮಟ್ಲ್ಯಾನ್.

ಎಕ್ ಸಾವ್ಕಾರ್ ಮಾನುಸ್

ಮಾತೆವ್ 19:16-30; ಮಾರ್ಕ್ 10:17-31

18ಜುದೆವಾಂಚ್ಯಾ ಎಕ್ಲ್ಯಾ ಮುಖಂಡಾನ್ ಜೆಜುಕ್, “ಬರ್‍ಯಾ ಗುರುಜಿ, ಮಾಕಾ ಕನ್ನಾಚ್ ಮರಾನ್ ನಸಲ್ಲೆ ಜಿವನ್ ಗಾವುಚೆ ತರ್, ಮಿಯಾ ಕಾಯ್ ಕರುಚೆ?” ಮನುನ್ ಇಚಾರ್‍ಲ್ಯಾನ್.

19ತನ್ನಾ ಜೆಜುನ್ ತೆಕಾ, “ಮಾಕಾ ತಿಯಾ ಬರೊ ಮನುನ್ ಕಶ್ಯಾಕ್ ಮನ್ತೆ? ದೆವಾಕ್ ಎಕ್ಲ್ಯಾಕ್ ಸೊಡುನ್ ಕೊನ್ಬಿ ಬರೊ ನ್ಹಯ್”. 20“ತುಕಾ ತರ್ ಖಾಯ್ದೆ ಗೊತ್ತ್ ಹಾತ್, ವೆಭಿಚಾರ್ ಕರುನಕೊ, ಜಿವಾನಿ ಮಾರುನಕ್ಕೊ, ಚೊರುನಕ್ಕೊ, ಕೊನಾ ವರ್‍ತಿಬಿ ಝುಟೊ ಅಪ್ವಾದ್ ಘಾಲುನಕ್ಕೊ, ತುಜ್ಯಾ ಬಾಯ್ಕ್ ಅನಿ ಬಾಬಾಕ್ ಮರ್‍ಯಾದ್ ದಿ” ಮಟ್ಲ್ಯಾನ್.

21ತನ್ನಾ ತ್ಯಾ ಮಾನ್ಸಾನ್ “ಮಿಯಾ ಬಾರಿಕ್ ಅಸ್ತಾನಾಚ್ಯಾನುಚ್ ಹಿ ಉಪಾದೆಸಾ ಪಾಳುನ್ಗೆತ್ ಹಾಂವ್”, ಮಟ್ಲ್ಯಾನ್.

22ಹೆ ಆಯ್ಕಲ್ಲ್ಯಾ ತನ್ನಾ, ಜೆಜುನ್ ತೆಕಾ “ಖಾಲಿ ಎಕ್ ಕಾಮ್ ತಿಯಾ ಕರ್‍ತಲೆ ಹುರ್‍ಲಾ; ತುಜೆ ಮನುನ್ ಹೊತ್ತೆ ಸಗ್ಳೆ ಇಕ್, ಅನಿ ಯೆಲ್ಲೆ ಪಯ್ಸೆ ಗರಿಬಾಕ್ನಿ ದಿ, ಅನಿ ಸರ್‍ಗಾರ್ ತುಕಾ ಸಾವ್ಕಾರ್ಕಿ ತಯಾರ್ ಕರುನ್ ಥವಲ್ಲಿ ರ್‍ಹಾತಾ, ಮಾನಾ ಯೆವ್ನ್ ಮಾಜ್ಯಾ ಫಾಟ್ನಾ ಯೆ”, ಮಟ್ಲ್ಯಾನ್. 23ಹೆ ಆಯ್ಕಲ್ಲ್ಯಾ ತನ್ನಾ ತ್ಯಾ ಮಾನ್ಸಾಕ್, ಲೈ ಬೆಜಾರ್ ಹೊಲೊ. ಕಶ್ಯಾಕ್ ಮಟ್ಲ್ಯಾರ್, ತೊ ಲೈ ಸಾವ್ಕಾರ್ ಹೊತ್ತೊ.

24ಜೆಜುನ್ ತೊ ಮಾನುಸ್ ಬೆಜಾರ್ ಹೊಲ್ಲೆ ಬಗಟ್ಲ್ಯಾನ್, ಅನಿ, “ಸಾವ್ಕಾರ್ ಹೊತ್ತ್ಯಾ ಮಾನ್ಸಾಕ್, ದೆವಾಚ್ಯಾ ರಾಜಾತ್ ಗುಸ್ತಲೆ ಮಟ್ಲ್ಯಾರ್, ಕವ್ಡೆ ಕಸ್ಟ್ ಹಾಯ್! 25ಎಕ್ ಸುಯೆಚ್ಯಾ ಡೊಳ್ಯಾತ್ನಾ ಎಕ್ ಒಂಟೆ ಪಾರ್ ಹೊಯ್ಲ್, ಖರೆ ಎಕ್ ಸಾವ್ಕಾರ್ ಮಾನ್ಸಾಕ್ ತವ್ಡ್ಯಾ ಸಸಾರಾನ್ ದೆವಾಚ್ಯಾ ರಾಜಾತ್ ಗುಸುಕ್ ಹೊಯ್ನಾ!” ಮಟ್ಲ್ಯಾನ್.

26ಹೆ ಆಯ್ಕಲ್ಲ್ಯಾ ಲೊಕಾನಿ,“ತಸೆಜಾಲ್ಯಾರ್, ಕೊನ್ ಬಚಾವ್ ಹೊನಾರ್?” ಮನುನ್ ಇಚಾರ್‍ಲ್ಯಾನಿ.

27ತನ್ನಾ ಜೆಜುನ್,“ಮಾನ್ಸಾಕ್ ಸಾಧ್ಯ್ ನಾ, ಖರೆ,ದೆವಾಕ್ ಸಗ್ಳೆ ಕರುಕ್ ಸಾದ್ಯ್ ಹಾಯ್” ಮನುನ್ ಜಬಾಬ್ ದಿಲ್ಯಾನ್.

28ತನ್ನಾ ಪೆದ್ರುನ್, “ಬಗ್, ಅಮಿ ತರ್ ಅಮ್ಚೆ ಘರ್ -ದಾರ್ ಸೊಡುನ್ ತುಜ್ಯಾ ವಾಂಗ್ಡಾಚ್ ಹಾಂವ್”, ಮಟ್ಲ್ಯಾನ್.

29ತನ್ನಾ ಜೆಜುನ್ ತೆಂಕಾ, “ಹೊಯ್, ಮಿಯಾ ತುಮ್ಕಾ ಖರೆಚ್ ಸಾಂಗ್ತಾ, ಜೊ ಕೊನ್ ದೆವಾಚ್ಯಾ ರಾಜಾ ಸಾಟ್ನಿ ಘರ್ ಹೊಂವ್ದಿ, ಬಾಯ್ಕೊ ಹೊಂವ್ದಿ, ಭಾವಾಕ್ನಿ ಹೊಂವ್ದಿ, ಬಾಯ್-ಬಾಬಾಕ್ನಿ ಹೊಂವ್ದಿ, ಪೊರಾಕ್ನಿ ಹೊಂವ್ದಿ ಸೊಡ್ತಾ, 30ತೊ ತೆಚ್ಯಾ ಜಿವನಾತ್, ತೆಚೆನ್ಕಿ ಜಾಸ್ತಿಚೆ ಘೆತಾ. ಅನಿ ಆಕ್ರಿಚ್ಯಾ ಕಾಲಾತ್ ಕನ್ನಾಚ್ ಮರಾನ್ ನಸ್ತಾನಾ ಝಿತ್ತೊ ರ್‍ಹಾತಲೆ ಭಾಗ್‍ಬಿ ತೆಕಾ ಗಾವ್ತಾ”, ಮಟ್ಲ್ಯಾನ್.

ಜೆಜು ತಿನ್ವೆಪಟಿ ಅಪ್ನಾಚ್ಯಾ ಮರ್‍ನಾಚ್ಯಾ ವಿಶಯಾತ್ ಬೊಲ್ತಾ

ಮಾತೆವ್ 20:17-19; ಮಾರ್ಕ್ 10:2-34

31ಜೆಜುನ್ ಬಾರಾ ಶಿಸಾಕ್ನಿ ಬಲ್ವುನ್ ಘೆಟ್ಲ್ಯಾನ್, ಅನಿ ತೆಂಕಾ, “ಆಯ್ಕಾ! ಅತ್ತಾ ಅಮಿ ಜೆರುಜಲೆಮಾಕ್ ಜಾವ್ಕ್ ಲಾಗ್ಲಾಂವ್, ಥೈ ಪ್ರವಾದ್ಯಾನ್, ಮಾನ್ಸಾಚ್ಯಾ ಲೆಕಾಚ್ಯಾ ವಿಶಯಾತ್ ಲಿವಲ್ಲೆ ಸಗ್ಳೆ ಖರೆ ಹೊತಾ”. 32ತೆಕಾ ಥೈ ಜುದೆವ್ ನ್ಹಯ್ ಹೊತ್ತ್ಯಾ ಲೊಕಾಂಚ್ಯಾ ಹಾತಿತ್ ಧರುನ್ ದಿವ್ನ್ ಹೊತಾ. ತೆನಿ ತೆಕಾ ಎಡ್ಸಡ್ತಾತ್, ತೆಚಿ ಮರ್‍ಯಾದ್ ಕಾಡ್ತ್ಯಾತ್, ಅನಿ ತೆಕಾ ಥುಕ್ತ್ಯಾತ್. 33ತೆನಿ ತೆಕಾ, ಬಾರ್‍ಕೊಲಾನಿ ಮಾರ್‍ತ್ಯಾತ್, ಅನಿ ತೆಕಾ ಜಿವಾನಿಚ್ ಮಾರ್‍ತ್ಯಾತ್. ಖರೆ ತಿನ್ ದಿಸಾಂಚ್ಯಾ ಮಾನಾ ತೊ ಝಿತ್ತೊ ಹೊತಾ, ಮನುನ್ ಸಾಂಗಟ್ಲ್ಯಾನ್.

34ಖರೆ ಶಿಸಾಕ್ನಿ ತೆನಿ ಸಾಂಗಟಲ್ಲ್ಯಾ ಎಕ್‍ಬಿ ಗೊಸ್ಟಿಚೊ ಅರ್ತ್‍ ಹೊವ್ಕ್ ನಾ. ತ್ಯಾ ಗೊಸ್ಟಿಯಾಂಚೊ ಅರ್ತ್‍ ತೆಂಚೆಕ್ನಾ ನಿಪ್ವುನ್ ಥವಲ್ಲೊ ಹೊತ್ತೊ, ಅನಿ ತೆಂಕಾ ಜೆಜು ಖಲ್ಯಾ ವಿಶಯಾತ್ ಬೊಲುಲಾ ಮನುನ್ ಕಳುಕುಚ್ ನಾ.

ಜೆಜು ಎಕ್ ಕುಡ್ಡ್ಯಾ ಭಿಕಾರ್‍ಯಾಕ್ ಗುನ್ ಕರ್‍ತಾ

ಮಾತೆವ್ 20:29-34; ಮಾರ್ಕ್ 10:46-52

35ಜೆಜು ಜೆರಿಕೊ, ಮನ್ತಲ್ಯಾ ಗಾಂವಾಂಚ್ಯಾ ಜಗ್ಗೊಳ್ ಯೆವ್ನ್ ಪಾವಲ್ಲ್ಯಾ ತನ್ನಾ, ಥೈ ಎಕ್ ಕುಡ್ಡೊ ಭಿಕಾರಿ, ರಸ್ತ್ಯಾಚ್ಯಾ ದಂಡೆಕ್ ಭಿಕ್ ಮಾಗುನ್ಗೆತ್ ಬಸಲ್ಲೊ. 36ಲೊಕಾಂಚೊ ತಾಂಡೊ ಥೈತ್ನಾ ಪಾರ್ ಹೊವ್ನ್ ಜಾತಲೆ ಆಯ್ಕುನ್ ತೆನಿ, “ಹೆ ಕಾಯ್ ಹೊವ್ಲಾ ಹಿತ್ತೆ” ಮನುನ್ ಇಚಾರ್‍ಲ್ಯಾನ್.

37ತೆನಿ ತೆಕಾ, “ನಜರೆತಾಚೊ ಜೆಜು ಹಿತ್ನಾ ದಾಟುನ್ ಜಾವ್ಕ್ ಲಾಗ್ಲಾ” ಮನುನ್ ಸಾಂಗ್ಲ್ಯಾನಿ.

38ತನ್ನಾ ತೊ, “ಜೆಜು! ದಾವಿದಾಚ್ಯಾ ಲೆಕಾ! ಮಾಜಿ ದಯಾ ಕರ್”, ಮನುನ್ ಬೊಬ್ ಮಾರುಕ್‍ಲಾಲೊ.

39ಇದ್ರಾಕ್ ಹೊತ್ತ್ಯಾ ಲೊಕಾನಿ ಗಪ್‍ರಾಮ್ ಮನುನ್ ತೆಕಾ ಡೊಳೆ ಕಾಡ್ಲ್ಯಾನಿ, ಖರೆ ತೊ, ಅನಿ ಉಲ್ಲೆ ಜೊರಾನಿ,“ಜೆಜು! ದಾವಿದಾಚ್ಯಾ ಲೆಕಾ! ಮಾಜಿ ದಯಾ ಕರ್!” ಮನುನ್ ಬೊಬ್ ಮಾರುಕ್‍ಲಾಲೊ.

40ತಸೆಮನುನ್, ಜೆಜು ಇಬೆ ರ್‍ಹಾಲೊ, ಅನಿ “ತ್ಯಾ ಕುಡ್ಡ್ಯಾ ಮಾನ್ಸಾಕ್ ಮಾಜೆಕ್ಡೆ ಘೆವ್ನ್ ಯೆವಾ” ಮಟ್ಲ್ಯಾನ್. ತೊ ಜಗ್ಗೊಳ್ ಯೆಲ್ಲ್ಯಾ ತನ್ನಾ, ಜೆಜುನ್ ತೆಕಾ.

41“ತುಜೆಸಾಟ್ನಿ ಮಿಯಾ ಕಾಯ್ ಕರುಚೆ ಮನುನ್ ತಿಯಾ ಮನ್ತೆ?” ಮನುನ್ ಇಚಾರ್‍ಲ್ಯಾನ್. ತನ್ನಾ ತೆನಿ, “ಗುರುಜಿ, ಮಿಯಾ ಅನಿ ಪರ್ತುನ್ ಬಗುಕ್ ಪಾಜೆ!”ಮಟ್ಲ್ಯಾನ್.

42ತನ್ನಾ ಜೆಜುನ್ “ತರ್ ಬಗ್! ತುಜ್ಯಾ ವಿಶ್ವಾಸಾನ್ ತುಕಾ ಬರೆ ಕರ್‍ಲ್ಯಾನ್”, ಮಟ್ಲ್ಯಾನ್.

43ತನ್ನಾ ತಾಬೊಡ್ತೊಬ್ ತೆಕಾ ದಿಸುಕ್‍ ಲಾಗ್ಲೆ, ಅನಿ ದೆವಾಕ್ ಧನ್ಯವಾದ್ ದಿವ್ನಗೆತ್ ತೊ ಜೆಜುಚ್ಯಾ ಫಾಟ್ನಾ ಗೆಲೊ. ಹೆ ಬಗಟಲ್ಲ್ಯಾ ಸಗ್ಳ್ಯಾ ಲೊಕಾನಿ, ದೆವಾಕ್ ಧನ್ಯವಾದ್ ದಿಲ್ಯಾನಿ.

Currently Selected:

ಲುಕ್ 18: NTSii24

Highlight

Copy