लूका 5

पहीला सेवक खे बुलायो जानो

(मत्ती 4:18-22; मरकुस 1:16-20)

1एक दिन जब गर्दी वोका पर गिर पडती थी. अरु परमेश्वर को वचन सुनती थी. अरु व्हा गनेसरत की नद्दी, किनार पर खडा था. ते असो हुयो. 2कि वोने नद्दी, किनार दो डोंगा लग्या हुया देख्या. अरु डिम्बर वोका पर से उतरीखे जाल धोय रा था 3वे डोंगा मे से एक पर जो शमौन की थी. चडी खे. वोने वोका से प्रार्थना करी. कि किनार से थोडो जमीन हटयी ले चल. जब व्हा बठीखे दुन्या खे डोंगा पर से उपदेस देन लग्यो.

4तब वे बात करी चुक्या ते शमौन से बोल्यो. खोल मे ली चल. अरु मंछी पकडन का लिये अपनी जाल डाल.

5शमौन ने वोखे उत्तर दियो. कि हे स्वामी. हम ने पुरी रात मेहनत करी अरु कुछ नी पकड्यो. तेभी तरा बोलना से जाल डाल्यु. 6जब वुनने असो कर्या. ते खुप मंछी घेरी ली. अरु वुन कि जाल फटन लगी गी. 7येका पर वो ने अपना साथआला खे जो दूसरा डोंगा पर था. हिसारो कर्यो. कि अयखे हमखे सात दे अरु वो ने अयखे. दो डोंगा ह्या तक भरी ली कि वे डूबन लगी. 8यो देखीखे शमौन पतरस यीशु का पाय पर गिर्यो. अरु बोल्यो. हे परमेश्वर. मरा पास से जा. क्‍युकि मी पापी इन्सान आय.

9क्‍युकि येत्ती मंछी खे पकड्यो जाना से वोखे अरु वोका साथआला खे खुप अचम हुयो. 10अरु वसो य जब्दी को बेटो याकूब अरु यहून्ना खे भी. जो शमौन, सात मे था. अचम हुय जब यीशु ने शमौन से बोल्यो. मत डर आब से तू इन्सान खे जिन्दो पकड्‍यो कर्हे.

11अरु वू डोंगा का किनार पर ली आयो अरु सब जमीन मे कुछ छोडी खे वोका पीछे चलि दियो.

कोड खे अच्छो कर्यो जानो

(मत्ती 8:1-4; मरकुस 1:40-45)

12जब वू कोय नगर मे थो. ते देख्यो. व्हा कोड से भर्यो हुयो एक इन्सान थो. अरु व्ह यीशु खे देखी खे मेडा, उपर गिर्यो. अरु प्रार्थना करी. कि हे परमेश्वर अगर तू चाह्ये ते मेखे अच्छो करी सकस हइ.

13वो ने हात सामे करी खे वोखे पकड्यो अरु बोल्यो मी चाहुस की तू अच्छो हुय जा अरु वोको कोढ तुरुत अच्छो हुयो. 14जब वो ने वोखे बतायो. कि कोय, से नी बोलनू. पर जय खे अपना आप खे याजक खे बता. अरु अपनो अच्छो होन, बारे मे जो कुछ मूसा ने चडावो ठयरायो हइ ओखे चडा. कि वुन पर गवइ हुये.

15पन वो की चर्चा अरु भी फैलती गय. अरु बडी की गर्दी वो की सुनन, लिये अरु अपनी बिमारी से अच्छो होन, लिये जमा हुया. 16पन वु जंगल मे अलग जयखे प्रार्थना कर्या करतो थो.

लखवो को रोगी खे अच्छो

(मत्ती 9:2-8; मरकुस 2:1-12)

17अरु एक दिन असो हुयो कि वु उपदेस दि रो थो. अरु फरीसी अरु व्यवस्थापक व्हा बठ्या हुया था. जो गलील अरु यहूदीया, हर एक गाव से. अरु यरुशलेम से आया था. अरु अच्छो करण, लिये परमेश्वर को सामर्थ्य वोका सात थो. 18अरु देख कोय दुन्या एक इन्सान खे जो बिमारी को मारो हुयो थो. खटीया पर लयो. अरु वे वोखे अंदर ली जान अरु यीशु का सामने रखन को उपाय ढूडता था.

19अरु तब गर्दीकरण वोखे अंदर नी लीजय सक्यो ते वुनने छपर पर चडी खे अरु कवेली अलग करी खे. वोखे खटीया सहीत बीच मे यीशु का सामने उतारी दियो. 20वोने वुन को विश्वास देखीखे वोका से बोल्यो. हे इन्सान. तरा पाप माफ हुया.

21जब शास्त्री अरु फरीसी वाद विवाद करण लग्या. कि यो कोन आय. जो परमेश्वर की नीन्दा करस हइ? परमेश्वर खे छोडी कोन पाप की माफी करी सकस हइ?

22यीशु ने वुन, मन की बात जानीखे. वुन से बोल्यो कि तुम अपना मन मे, वाद विवाद करी रास हइ? 23सोपो का हइ? का यो बोलनु. कि तरो पाप माफ हुया. या यो बोलनु कि उट. अरु धुम फिर? 24पन येका लिये कि तुम जान कि इन्सान को बेटो खे जमीन पर पाप की माफ करण को भी अधिकार हइ वो ने वु बिमार को मारा हुया से बोल्यो. मी तरा से बोलूस. उट अरु अपनी खटीया उठइ खे अपना घर मे जा.

25वु तुरुत उनका सामने उठा. अरु जोका पर वु पड्यो थो वोखे उठइ खे. प्रभु की महिमा करतो हुयो अपना घर चली गयो. 26जब सब अचम्भा हुया अरु प्रभु की महिमा करण लग्यो. अरु खुप डरीखे बोलन लग्या. कि आज हम ने नवी बात देखीस हइ.

लेवी खे बुलायो जानो

(मत्ती 9:9-13; मरकुस 2:13-17)

27अरु येका बाद व्हा बाहेर गयो. अरु लेवी नाम एक पैसा लेनवालो खे चुगी की चौकी पर बठ्यो देख्यो. अरु वोका से बोल्यो. मरा पीछे चल. 28जब व्हा सब कुछ छोडी खे उट. अरु वोका पीछे चल दिया.

29अरु लेवी ने अपना घर मे वोका लिये बडी मेजवानी करी. अरु चुगी लेनआला अरु दुसरा तरप की जो वोका सात खान खे बठ्या था एक बडी गर्दी थी. अरु ओका पिछे अयगा था, 30अरु फरीसी अरु वु, शास्त्री वुन का सेवक से यो बोलीखे कुरकुर लग्या. कि तु चुगी लेनवाला अरु पापी, सात क्‍यु खास-पीस हइ?

31यीशु ने वु खे उत्तर दियो. कि डॉक्टर अच्छा कपडा, लिये नी पन बीमार का लिये जरुरती हइ. 32मी धर्मीहोन खे नी. पन पापी खे मन फिराव का लिये बुलान आयोस.

उपास, बारे मे सवाल

(मत्ती 9:14-17; मरकुस 2:18-22)

33अरु वुन ने वोका से बोल्यो. यहून्ना को सेवक ते बरोबर उपास रखस अरु प्रार्थना कर्या करस हइ. अरु वोसो य फरीसीहोन का भी. पन तरा सेवक तो खास पीस हइ. 34यीशु ने वु से बोल्यो, तुम बरात से जब तक दुलो वुन, सात र्हेस. उपास करी सकस.

35पन वे दिन आह्ये. जिन मे दुलो वुन से अलग कर्यो जाह्येय. जब वे वु दिन मे उपास कर्हे.

36वो ने एक अरु दृष्‍टान्‍त भी वुन से बोल्यो. कि कोय इन्सान नवा कपडा मे से फाडीखे जुनो कपडा मे थेगडो नी लगाय. नी ते नवा फटी जाह्ये अरु व्हा थेगडो जुनो मे, बराबर भी नी खाय. 37अरु कोय नवा अंगूर को रस जुना मडका मे नी भर्हेते. नी ते नवो अंगूर को रस नवा मडका खे फोडीखे बोहय जाह्ये. अरु मडको भी फुटी जाह्ये. 38पन नवा अंगूर को रस नवा मडका मे भरनो चाह्ये. 39कोय इन्सान जुना अंगूर को रस पीखे नवो नी चाहतो क्‍युकि व्हा बोलस हइ. कि जुनो ही अच्छो हइ.

Currently Selected:

लूका 5: NTGnn24

Highlight

Copy