ሜቴ ማጻፋ ጊዶ ቆፋ
ጊዶ ቆፋ
ሜቴ ማጻፋ ጌቴቲዛ ሃ ማጻፋይ ሳሎቲኔ ሳኣይ ሜቲዳ ሜታ ጊሻስ፥ ኣሳ ዜሬ ዪዳ ዩሳ ጊሻስ፥ ናጋራይኔ ዋዬ ዴኦይ ዶሜቲዳ ዶሜ ጊሻስ፥ ጾሳራኔ ኣሳ ዜሬራ ዲዛ ጋይቶቴ ጊሻስ ዮቴስ። ሜቴ ጊሻስ ናምኡ ዋና ዋና ሶሆታን ሻኬቲ ጼሌታናስ ዳንዳዬስ።
1. ሼምፖ ኢሲኒፔ ቢዲ ታማኔ ኢሲኖ ጋካናስ ዲዛ ሶሆይ ሳሎቲኔ ሳኣይ ሜቲዳ ሜቴ ጊሻሲኔ ኣሳ ዜሬስ ኮይሮ ታሪኬ ዮቴስ። ኣዳሜኔ ሄዋኒ ታሪኬይ፥ ቃዬሌኔ ኣቤሌ ታሪኬይ፥ ኖሄኔ ይሳ ሃ ታሪኬይ፥ ሄሳካ ባቢሎኔ ጊምቤ ታሪኬይ ዴኢዛይሲ ሃይሳና።
2. ሼምፖ ታማኔ ናምኣፌ ቢዲ ኢቻሽ ታሙ ጋካናስ ዲዛ ሶሆይ ኢስራኤሌ ኣሳስ ቤኒ ኣዋታ ታሪኬዛ ዮቴስ፤ ኢስታ ጊዶን ኮይሮይ ባ ኣማኖኒኔ ጾሳስ ኣዛዜቲዛ ሃኖታን ኤሬቲዳ ኣብራሃሜ፤ ሄሳፌ ቃሴ ኢዛ ና ዪሳቃ፥ ኢዛ ናዛ ና ያቆቤኔ ያቆቤ ናይታ ታማኔ ናምኣታ ታሪኬይ ካሌስ፤ ሃይቲ ያቆቤ ናይቲ ታማኔ ናምኣቲ፥ ታማኔ ናምኡ ኢስራኤሌ ዛሬታስ ኣኖ ጊዲዳይታ፤ ሄይታ ሄ ታማኔ ናምኡ ኢስራኤሌ ናይታ ጊዶንካ ዮሴፌ ዱማሲዲ፥ ሄሳካ ቃሴ ያቆቤኔ ኢዛ ናይታ ሃንኮ ኣቲዳ ኢስታ ኬ ኣሳራ ጊብጼ ቢታ ኤፊዳ ሃኖታ ሚን ጼሌስ።
ሃ ማጻፋይ ኣሳ ታሪኬ ዮቲዛይሳ ጊዲኮካ፥ ኡባፌ ኣዲ ኢዚ ዮቲዛይሲ ጾሲ ኦዳ ኦሶ ጊሻሳ። ጾሲ ሳሎታኔ ሳኣ ሜዳ ታሪኬዛ ዮኦ ዶሚዲ፥ ጾሲ ባ ኣሳስ ቆፒዛ ቆፋ ኣጎንታይሳ ሂዶታን ቆንጪሲሼ ፖሌስ፤ ሃ ማጻፋ ጊዶን ሃ ጋጻፔ ሄ ጋጻ ጋካናስ ዮቴቲዛ ታሪኬዛ ጎዳይ፥ ናጋራንቻታ ፒርዲዛይኔ ቃጻዪዛይ፥ ባ ኣሳ ካሌዛይኔ ማዲዛይ፥ ኢስታ ታሪኬዛ ሃኖታካ ጊግሲዛይ ባ ሁኤን ጾሳ። ሃይሲ ቤኒ ማጻፋይ ጻፌቲዳይሲ ኣሳ ኣማኖ ታሪኬዛ ማዝጋቢዲ ኦይካናሲኔ ሄ ኣማኖይካ ሚኒ ዴኣና ማላ ኦናሳ።
ሃ ማጻፋይ ኦይኪዳ ኩሜ ቆፋ
ሜቴ 1፡1—2፡25
ናጋራኔ ሜቶ ዶሜ 3፡1-24
ኣዳሜፔ ቢዲ ኖሄ ጋካናስ ዲዛ ሃኖታ 4፡1—5፡32
ኖሄኔ ባሻ ሃ 6፡1—10፡32
ባቢሎኔ ጊምቤ 11፡1-9
ሴሜፔ ቢዲ ኣብራሃሜ ጋካናስ ዲዛ ሃኖታ 11፡10-32
ቤኒ ኣዋታ ኣብራሃሜ፥ ዪሳቃኔ ያቆቤ ዎዴ 12፡1—35፡29
ኤሳዌ ዬሌታ 36፡1-43
ዮሴፌኔ ኢዛ ኢሻታ 37፡1—45፡28
ኢስራኤሌ ኣሳይ ጊብጼን 46፡1—50፡26
Currently Selected:
ሜቴ ማጻፋ ጊዶ ቆፋ: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia