ሜቴ ማጻፋ 5
5
ኣዳሜ ዜሬ
1ኣዳሜ ዜሬ ሃይሳፌ ካሊዲ ጻፌቲዴስ፤ ጾሲ ኣስ ሜዳ ጋላስ ባና ሚሳቲሲዲ ሜዴስ።#ሜ 1፡27-28 2ኣዴኔ ማጫስ ኦ ሜዲ ኢስታ ኣንጂዴስ። ኢስታ ሜዲ ኣስ ጊ ሱንዴስ።#ማቶ 19፡4፤ ማር 10፡6
3ኣዳሜይ 130 ላይ ዴኢዲ ባና ሚሳቲዛ ኣቱማ ና ዬሊዲ ኢዛ፥ «ሴቴ» ጊ ሱንዴስ። 4ኣዳሜይ ሴቴ ዬሊዳፔ ጉዬ 800 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 5ኣዳሜይ ሙሌራ 930 ላይ ዴኢዲ ሃይቂዴስ።
6ሴቴይ 105 ላይ ዴኢዲ ሄኖሴ ዬሊዴስ፤ 7ሴቴይ ሄኖሴ ዬሊዳፔ ጉዬ 807 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 8ሴቴይ ሙሌራ 912 ላይ ዴኢዲ ሃይቂዴስ።
9ሄኖሴይ 90 ላይ ዴኢዲ ቃይናኔ ዬሊዴስ፤ 10ሄኖሴይ ቃይናኔ ዬሊዳፔ ጉዬ 815 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 11ሄኖሴይ ሙሌራ 905 ላይ ዴኢዲ ሃይቂዴስ።
12ቃይናኔይ 70 ላይ ዴኢዲ ማላልኤሌ ዬሊዴስ፤ 13ቃይናኔይ ማላልኤሌ ዬሊዳፔ ጉዬ 840 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 14ቃይናኔይ ሙሌራ 910 ላይ ዴኢዲ ሃይቂዴስ።
15ማላልኤሌይ 65 ላይ ዴኢዲ ያሬዴ ዬሊዴስ፤ 16ማላልኤሌይ ያሬዴ ዬሊዳፔ ጉዬ 830 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 17ማላልኤሌይ ሙሌራ 895 ላይ ዴኢዲ ሃይቂዴስ።
18ያሬዴይ 162 ላይ ዴኢዲ ሄኖኬ ዬሊዴስ፤ 19ያሬዴይ ሄኖኬ ዬሊዳፔ ጉዬ 800 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 20ያሬዴይ ሙሌራ 962 ላይ ዴኢዲ ሃይቂዴስ።
21ሄኖኬይ 65 ላይ ዴኢዲ ማቱሳላ ዬሊዴስ፤ 22ማቱሳላ ዬሊዳፔ ጉዬ ሄኖኬይ 300 ላይ ጾሳ ኡፋይሲሼ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 23ሄኖኬይ ሙሌራ 365 ላይ ዴኢዴስ፤ 24ኢዚ ጾሳ ኡፋይሲሼ ዲን ጾሲ ኢዛ ኤኪዳ ጊሻስ ቤቶንታ ይዴስ።#ኢብ 11፡5፤ ዩሁ 14
25ማቱሳላይ 187 ላይ ዴኢዲ ላሜኬ ዬሊዴስ፤ 26ማቱሳላይ ላሜኬ ዬሊዳፔ ጉዬ፥ 782 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 27ማቱሳላይ ሙሌራ 969 ላይ ዴኢዲ ሃይቂዴስ።
28ላሜኬይ 182 ላይ ዴኢዲ ኣቱማ ና ዬሊዲ፥ 29«ሃ ናዚ ጎዳይ ቃንጊዳ ቢታ ቦላን ኑና ኑ ዳቡራፔ ሼምፒሳና» ጊዲ ኖሄ ጊ ሱንዴስ።#5፡29 ኖሄ ጉሲ ኢብራዌታ ቃላራ ሼምፖ ጉሳ። 30ላሜኬይ ኖሄ ዬሊዳፔ ጉዬ 595 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 31ላሜኬይ ሙሌራ 777 ላይ ዴኢዲ ሃይቂዴስ።
32ኖሄይ 500 ላይ ዴኢዲ ሴሜ፥ ካሜኔ ያፌቴ ዬሊዴስ።
Currently Selected:
ሜቴ ማጻፋ 5: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia
