ሜቴ ማጻፋ 23
23
ሳራ ሃይቆ
1ሳራይ 127 ላይ ዴኢዳፔ ጉዬ፥ 2ኢዛ ካናኔ ቢታን ዲዛ (ኬብሮኔ ጌቴቲዛ) ቂሪያቴ-ኣርባኤ ካታማን ሃይቂን ኣብራሃሜይ ሳራስ ዬኪዴሲኔ ካዮቲዴስ።
3ኣብራሃሜይ ባ ማቼይ ኣሃ ኣቻፌ ሂቴታኮ ቢዲ፥ 4«ታኒ ኢንቴ ጊዶን ኢማ፤ ታ ማቼዮ ሞጋናስ ታስ ኢንቴ ጋዴፔ ሞጎሶ ባይዜርኬቲ!» ጊዴስ።#ኢብ 11፡9፤ 13፤ ሃዋ 7፡16
5-6ሂቴቲ ኢዛስ፥ «ጎዶ! ኑኒ ኔና ዮቲዛይሳ ሲያ፤ ኔኒ ኑ ጊዶን ጊታ ኣሳ፤ ኔኒ ኔ ማቼይ ኣሃ ኑ ዱፎፔ ኔና ሎኢዳሶን ሞጋ፤ ኔኒ ኔ ማቼይ ኣሃ ሞጋናስ ባ ዱፎ ኦኒካ ኔና ዲጌና» ጊ ዛሪዳ።
7ኣብራሃሜይ ዴንዲ ኤቂዲ ሂቴታ ሃላቃታ ሲንን ዚጊዴስ። 8-9ኢዚ ኢስታስ፥ «ኢንቴ ታና፥ ‹ኔ ማቼይ ኣሃ ሞጋ› ጊኮ ሲዪቴ፤ ጾሃሬ ና ኤፍሮኔስ ኢዛ ጋዴዛ ጋጻን ዲዛ ማኪጴሌ ጌቴቲዛ ጎንጎሎዛ ታስ ዱፎስ ባይዛና ማላ ኩሜ ዋጋን ኑና ዛልኢሴርኬቲ» ጊዴስ።
10ሄ ዎዴ ኤፍሮኔይ ካታማ ፔንጌን ሺቂዳ ባ ኣሳ ሂቴታ ጊዶን ዴስ፤ ሄሳ ጊሻስ ሂቴቲ ዉሪ ሲዪሺን ኣብራሃሜስ፥ 11«ሄሳ ማላ ጊዴና፤ ታ ጎዶ! ታ ዮቲዛይሳ ሲያ፤ ታኒ ጋዴዛካ ኢዛ ጊዶን ዲዛ ጎንጎሎዛካ ታ ኔስ ሃይሳ ኣሳ ሲንን ኢማዲስ፤ ኔካ ኔ ማቼይ ኣሃ ሞጋ» ጊዴስ።
12ኣብራሃሜይ ሃላቃታ ሲንን ቃሴካ ዚጊዲ፥ 13ኣሳይ ሲዪሺን ኤፍሮኔ፥ «ታ ዮቲዛይሳ ሲያርኪ! ታኒ ሄ ጋዴዛስ ዋጋ ቃንጻና፤ ኔ ታፔ ኤካርኪ! ሄን ታኒ ታ ማቼይ ኣሃ ሞጋና» ጊዴስ።
14-15ኤፍሮኔይ ኣብራሃሜስ ዛሪዲ፥ «ታ ጎዶ! ታኒ ዮቲዛይሳ ሲያ፤ ጋዴዚ 400 ሳቂሌ ቢራ ጻላ ኬሲዛ ጋዴ ጊዲዳ ጊሻስ ሃይሲ ኔ ጊዶኒኔ ታ ጊዶን ኣይኮካ ጊዴና፤ ኔ ማቼይ ኣሃ ኢዛን ሞጋ» ጊዴስ። 16ኣብራሃሜይ ሂቴ ኣሳይ ሲዪሺን ኤፍሮኔይ ጊዳ ዋጋ 400 ሳቂሌ ቢራ ኤፍሮኔስ ኢሚዴስ።
17ማሚሬ ካታማ ኣቻን ማኪጴሌን ዲዛ ኤፍሮኔ ጋዴን ዲዛ ጎንጎሎይኔ ሄ ጋዴን ዲዛ ሚይ ዉሪ፥ 18ካታማ ፔንጌን ሺቂዳ ሂቴ ኣሳ ኡባ ሲንን ዎጋን ኣብራሃሜ ጋዴ ጊዲዴስ።
19ሄሳፌ ጉዬ ኣብራሃሜይ ባ ማቾ ሳራ ኣሃ ካናኔ ቢታን (ኬብሮኔ ጌቴቲዛ) ማሚሬ ካታማ ኣቻን ዲዛ ጎንጎሎን ሞጊዴስ። 20ሄሳ ጊሻስ ሄ ጋዴዚኔ ጋዴዛን ዲዛ ጎንጎሎዚ ሂቴታ ሲንን ዎጋን ኣብራሃሜስ ጊዲዴስ።
Currently Selected:
ሜቴ ማጻፋ 23: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia
