Матвей 4
4
1Сыбӧрын Исуссӧ Лов нуӧтіс кушмуӧ, медбы кульыс Сійӧ ылӧтліс. 2Исусыс кӧслуналіс#4:2 кӧслунавны ─ ютӧг, сёйтӧг кеймӧмӧн овны нёльдас лун, нёльдас ой да ӧддьӧн тшыгьяліс. 3Сэк Сы дынӧ локтіс ылӧтлісь да шуис: «Тэ кӧ Енлӧн Зон, висьтав, этна иззэс ась пӧртчӧны няньӧ». 4Исусыс сылӧ висьталіс: «Гижӧм: "Дзир ӧтік няньӧн оз понды овны мортыс, а Енсянь петӧм быд кылӧн"».
5Сэсся кульыс вайӧтіс Исуссӧ вежа Ерусалим карӧ да сувтӧтіс Вежа Керку#4:5 Вежа Керку ─ храм вылӧ. 6Сылӧ висьталіс: «Тэ кӧ Енлӧн Зон, уськӧтчы тасянь улӧ. Гижӧм тай: "Ассис ангеллэсӧ тшӧктас видзӧтны Тэ сьӧрын. Киэз выланыс нуӧтасӧ Тэнӧ, медбы коктӧ из бердӧ эн дойд"». 7Исусыс паныт висьталіс: «Сэтӧн гижӧм и сідз: "Аслат Дӧсвидзись Енлісь мыласӧ#4:7 мыла ─ терпение эн пешлы!"»
8Кульыс сэк кайӧтіс Исуссӧ вылын керӧсӧ да мыччаліс быдӧс олан муэзсис быдпӧлӧс бурсӧ да басӧксӧ. 9Сыбӧрын Исусыслӧ шуис: «Копыртчан кӧ меным муӧдззас, сэк нійӧ быдӧс Тэныт сета». 10Исусыс висьталіс: «Вешшы ме дынісь, сотана! Вежа Гижӧтыс тай висьталӧ: "Аслат Дӧсвидзись Енлӧ копрась, Сылӧ ӧтнаслӧ кысъяв#4:10 кысъявны ─ служить!"»
11Сэк кульыс колис Исуссӧ. А Сылӧ отсавны локтісӧ ангеллэз.
Исус мунӧ Галилея муӧ
(Мк. 1:14-15; Лк. 4:14-15)
12Иоансӧ пуксьӧтісӧ. Этія йылісь кылӧм бӧрын Исусыс бертіс Галилея муӧ. 13Назаретсис Сія муніс овны Капернаум карӧ, Галилея ты#4:13 ты ─ озеро дорӧ. Сія муыс вӧлі Завулон да Неффалим#4:13 Завулон да Неффалим ─ Яковлӧн, мӧд нимнас кӧ шуны, Израильлӧн зоннэз увтырлӧн. 14Сідз керсис Енсянь юӧртісь Исай пыр висьтавлӧмыс:
15─ Завулонлӧн му, Неффалимлӧн му,
саридз#4:15 саридз ─ море дорӧт туй вылын Иордан ю сайын,
ентӧдтӧм отира#4:15 ентӧдтӧм отир ─ язычники Галилея му!
16Пемытын олісь отир казяліс дзар югытсӧ.
Кулан вуджӧр увтын оліссеслӧ югытыс югйӧвтіс.
17Сія кадсянь Исусыс пондіс юӧртны-висьтавлыны: «Бергӧтчӧ умӧль керӧммезныт дынісь! Енӧжись Юралӧмыс матын ни!»
Медодзза велӧтчиссез
(Мк. 1:16-20; Лк. 5:1-11; 6:17-19)
18Галилея ты дынӧт мунікӧ Исусыс казяліс кык вонӧс: Симонӧс, кӧдалӧн мӧд нимыс Петра, да сылісь Ӧндрей вонсӧ. Кыкнанныс кыяннысӧ#4:18 кыян ─ сеть вӧтьӧны вӧлі ваас. Нія эд вӧлісӧ чери кыйиссез. 19Исусыс нылӧ шуис: «Локтӧ Ме сьӧрӧ! Ме тіянӧс кера морт кыйиссезӧн». 20Кык вон сэк жӧ колисӧ кыяннысӧ да мунісӧ Сы бӧрсянь. 21Одзлань мунікӧ Исус казяліс пыжись мӧдік кык вонӧс: Яковӧс да Иоанӧс. Ныкӧт вӧлӧм Зеведей айныс. Нія вочӧны вӧлі кыяннэсӧ. Исусыс корис и нійӧ. 22Нія колисӧ пыжсӧ, айнысӧ да мунісӧ Исусыс сьӧрӧ.
23Исусыс ветлӧтіс Галилея муӧт, велӧтіс синагогаэзын#4:23 синагога ─ иудейезлӧн кейман керку. Сія висьтасис Енлӧн Юралӧм йылісь Бур Юӧрсӧ, отирсӧ веськӧтіс быдкодь висьӧмись да быд шогӧтісь. 24Сы йылісь юӧрыс паськаліс Сирия муыс пасьта. Исусыс дынӧ быдлаын вайӧтлісӧ быдкодь шогӧтӧн шогаліссесӧ: зубытсянь да сэрпӧсь ловсянь пессись-мырсиссесӧ#4:24 пессьыны-мырсьыны ─ страдать, усяліссесӧ, параличӧн личкӧм отирӧс. Сія быдӧннысӧ веськӧтліс. 25Исусыс сьӧрын ветлӧтіс унася-уна отир: Галилеяись, Дас карлӧн муись, Иудеяись, Иордан ю сайын муись да Ерусалим карись.
Керӧс вылын велӧтӧм
(Лк. 6:20-23)
Currently Selected:
Матвей 4: БЮ19
Highlight
Share
Copy
Want to have your highlights saved across all your devices? Sign up or sign in
