Wenía 8

Enẽ txivã nasháti ivo yoã

1Askái Noé, niitero yoinavorasĩ, yoini iná ati ivorasĩ aká katsése rãtxã avé kãtxía chinãsho, Yové Koĩni niwe yonomaĩnõ waka txitavíi nashápakéi. 2Askái maĩsho ene kayarasĩ tovíkaĩa ivo enéi, naí shavapashõ ene kaya vepẽnáa ivo enéi, oi ikí askásevioi aí. 3Askávai 150 shavá tavái, chinã ashõchta ene nashá nashápakékaĩi. 4Askái 7 oshe nokói, aaivo oshẽsevi 17 shavánamã rãtxa Ararate matopa rakápakei kaí. 5Askái waka nashái isi 10 oshe nokói, naaivo oshe rakáa venapa, matórasĩ varíkéchtai.

6Askávai 40 shavá tavákémaĩnõ Noepa rãtxã oro ãwẽ sawẽchna ivo kepẽki. 7Askávaíki, “mai varíkéai”, ravãki, oka ãwẽ yonoa noya noyakawãi matsíkawãsi. 8Askávaíki txipo noma yonoóki, “waka nashái mai varíkémara oĩóta”, iinã. 9Aská akĩ noma ãwẽ yonoa, anõ tsaópakéti yama oĩketani okĩ rãtxa chinãvarãóki. Wakase rakáa, mai tachima oĩtani ãwẽ omaĩnõ, mevi ãwẽ weáshoá anõ ãwẽ tsaópakei omaĩnõ atxivaíki arimẽse rãtxã naneóki. 10Aská anosho 7 shavákase manávaíki rãtxãsho arimẽse noma yonoóki. 11Ãwẽ aská aka itãi iokarãki yãtã oliveira mani pei venáka tokõsho tachikarãi. Ãwẽ askámaĩnõ, “waka nashái”, iinã tanaki. 12Aská oĩinã 7 shavákase manáóki. Askávaíki noma ãwẽ yonoóa iokarãóma.

13Aatiãro 601 vari aya. Naaivo vari txitavía, oshe rakáa venapa, waka nashái, mai mãkõkaĩi. Askámaĩnõ ãwẽ rãtxa peshé txoyo avaikĩ, mai mãkõkaĩa meraki. 14Askávai txipo, oshe ravévakĩ nokói 27 shavánamã mai katsése mãkõkaĩi.

15Askánamãsho Yové Koĩni aa tanamakĩ. 16“Rãtxãsho kayakaĩ, mĩ aĩ, mĩ vakerasĩ, mĩ vakẽ aĩvorasĩ aatíi. 17Atonĩ mĩ kãtxía ivo yoinavorasĩ keyoki poshakõi arí. Yoini peiyavorasĩ, yoini venekavo, maĩ noyõ ikiyavorasĩ, maĩ meshoyavo aká, revovaĩi ave maitiónõvo”, akĩ.

18Ãwẽ askámaĩnõ, Noé, ãwẽ aĩ, ãwẽ vakerasĩ, ãwẽ vakẽ aĩvorasĩ aatii poshókõvo. 19Yoinavorasĩ atõ aĩnĩ askásevi aoi, katsése rãtxãsho poshókõóvo, peiyavorasĩ, yoini venepavorasĩ, maĩ noyõ ikiya, maĩ meshoya aatíi. 20Askávai txipo anõ maki ati tapo#8.20 Naaivo taporasĩro shasho mashko ipawa akĩ. Aská avaikĩ yoini anõ eséyatima, chai anõ eséyatima ivo aká ato atxivaíki, Yavé maki ashõki.

21Yavé ãwẽ aská ashõa noékawã sheteinã arí vanai. “Txipokiri yoramẽsho mai ea veí netãotĩpá. Yora aaivoi kanii vakechtasho anõ ikírvi ichnáro. Txipokiri neskátõ chinã viayavorasĩ ato keyootĩpá. 22Ramaro mai askái inoi rakámaĩnõ, piti merámaa enétĩpá. Askávai matsika, shanaka, varikarãi, oi txinĩ, shavákawãi, yamékawãi akí tapiskatsa”, ikí.

Currently Selected:

Wenía 8: YKV

Highlight

Copy