San Marcos 6:41-43

Ja̧'wa̧nü̧ ttü̧'ȩjä̧mä̧ji̧ o'ka'a Jesú-mä̧ ji̧mü̧tȩ jäwä trigo o̧si̧ ja̧'wa̧ta̧nü̧ po̧i̧ ta̧ju̧ru̧ 'chu'ädü mo̧ro̧jä̧ra̧'a̧ topünü̧ Dio-rü, Dio ppädü esewinü̧. Ja̧'wa̧nü̧ eseunu̧ Dio-rü pä'äji̧'ka̧ u̧wo̧juȩtä̧u̧rü trigo o̧si̧ 'te'ädo'ü iyinü̧ jua'a yabo ttü̧ja̧rü̧ ttiyä'cha pä'ü. Ja̧'wa̧ta̧nü̧tä̧ po̧i̧ ta̧ju̧ru̧'i̧nä̧ o'katoi'ünä̧tä̧ ttiyä'chäkuäunä̧ jȩpi̧nü̧. Isopäi'ünä̧ suttädi'omȩbü päi'ünä̧ o'katoi'ünä̧tä̧ kuinä̧tü̧; Ja̧'wa̧nü̧ jä̧ji̧ o'ka'a, kka̧kui̧päji̧ttü̧mä̧ doce-nü̧ okä su̧'pȩnü̧ päi'ünä̧ ka̧ka̧ti̧nä̧tü̧ po̧i̧ttü̧'i̧nä̧, trigo o̧si̧ttü̧'i̧nä̧, jü̧nä̧.