Camba 6:1-4

Wa ɓo' ci camb ñimin ŋ adinaani, te ɓa raakka ɓi komaaki cafaƴ, safaal ca hotta ne cafaƴ caŋ ɓo' ca moɗiɗ, ɓa ɓayya ɓitiɓ ngaŋ ɓi neɓ ɓa nga ɓa. Ŋ ineem, Nikiɗi woosa ne : « Ŋ heyɗi faɗisse ɓo' a maañ na iiki ŋ tum nga ɗe, laam a huf dong. Hutiiniŋ kipes kiŋ ɗe hey nike kiis teemet na kiis ndaŋkiyaah-kanak (120). » Ŋ jamanoocaam, wa raakeen ɓi puŋkal ŋ kehƴi, te ɓa raakisseen. Ɓeem ɓeɗ nikee jalmbaaca ɗeɓgaan te tiik ciŋ ɓa kerhuuɗ. Ɓa rimkohee ngaŋ safaal ca na cafaƴ ca.