Génesis 23
23
Sara Dadi
1Sara ciento veintisiete wari akax dadi. 2Sara pexe ichapa awẽ ade Quiriat-arbá awẽ ade wetsa Hebrón aduax dadi. Bai Canaán aduax Sara daadu Abraham shinabetsai siaidi.
3Awĩ ma daadu hititawu yui kai Abraham kadi: 4“Ẽ chaikiduawiax ẽ batu adu ikiyuiyudi ewẽ awĩ ẽ baiwanu ea bai inakawe peiuxũ”, Abrampa atu wadi.
5Hititawawe duiyana kebadiwu: 6“Diaiwũ duku dikawe. Mi dukuwede sharakui bia Diospa kañawadi. Mewẽ awĩ na bai sharakui adu baiwawe. ‘Dudu baiwayabawe’, nu bia waiba”, hititawawe Abraham wadiwu.
7Hititawawe uĩyaiwudu Abraham widinakawata baikiri wepepakekawãdi. 8Naskata atu yuidi: “Ewẽ awĩ ẽ dudu baiwanu Sóharpa awẽ wake Efrón ea yuixutakawe 9Ea bawa kidi inanu peiuxũ. Naatiiwi pei putaxu ẽ winu awẽ ade Macpelá. Naskaxu ẽ iwu inu naskake ewẽ kaiwuu nadu baipakexanuwu”, Abraham idi.
10Hitita Efrón atuwe tsauxu pexe ichapadu kaĩti aduxu Abrahampa kebadi. Awẽ kaiwuwawe dikaiwudu naskatari na yurawawe wuwawuwaĩkakĩ pexe ichapa kaĩti aduxu nawaweri dikadiwu. 11Efrónpa Abraham yuidi: “Ewẽ diaiwũ ẽ bia inakui naa bai bawa kidi. Ewẽ kaiwuwawe uĩyaiwudu ẽ bia inai mewẽ awĩ mi baiwanu”, wadi.
12Hititawawe uĩyaiwudu awiana Abraham baikiri wepepakekawãdi. 13Naskata Efrón naatiiwi yurawawe uĩyaiwudu yuidi: “Naa baiuxũ ẽ bia pei inayai wiwe nadu ewẽ awĩ ẽ baiwanu”, Abrahampa wadi.
14Efrónpa kebadi: 15“Ewẽ diaiwũ ea dikawe naa bai cuatrocientos pei. Cuatrocientos pei uduax nu askawatanaiba. Mewẽ awĩ baiwawe”, Efrónpa Abraham wadi.
16Naa shinawutii cuatrocientos pei sapa Abrahampa na pei tanadi naskax weyabiswu awara peiuxũ inabetsabiswu. Hititawawe uĩyaiwudu pei sapa Abrahampa Efrón inadi. 17Efrónpa awẽ bai Macpelá idi. Naa bai adu bawa kidi ita iwiwuri na chaiba pexe ichapa awẽ ade Mamré nawu Abrahamna idi. 18Hititawawe uĩyaiwudu Abrahamweta Efrónpa shinadiwu yurawaweri uĩyaiwudu pexe ichapa kaĩti aduxu.
19Abrahampa awẽ awĩ Sara bawa kidi bai Macpelá adu baiwadi Mamré chaiba awẽ ade wetsa Hebrón bai Canaán adu. 20Na bai hititawuna ibis nawu Abrahamna idi awẽ kaiwuu wisti nadu baipakexanuwu.
Currently Selected:
Génesis 23: mtsB
Highlight
Share
Copy
Want to have your highlights saved across all your devices? Sign up or sign in
