Salamo 8
8
SALAMO Ny voninahitr’Andriamanitra sy ny fahambonian’ny olona
1 Tao amin’ny tahirin-kiran’ny filohan’antoko-mpihira. Hampiarahina amin’ny jejilava. Salamo nataon’i Davida.
2TOMPO Andriamanitray ô,
endrey ny halehiben’ny voninahitrao
manerana ny tany tontolo!
Nataonao manoatra ny lanitra ny fiandriananao.
3Kanefa ny feon’ny ankizy madinika#8.3 And voatsiahy ao amin’ny Mt 21.16.,
eny, ny feon’ireo zaza mbola minono aza
no anoheranao ny mpandrafy Anao;
ary izany dia toy ny manda natsanganao
hampanginanao ireo fahavalonao
sy izay te hamaly ratsy.
4Raha jereko ny lanitra asan-tananao
sy ny volana aman-kintana napetrakao eny,
5dia mba inona moa ny olombelona no tsarovanao,
sy izay zanak’olombelona no karakarainao#8.5 Ampit Sal 144.3; Jôb 7.17.?
6Fa nataonao latsaka kely noho ny anjely izy#8.6 latsaka... izy: jereo Sal 29.1 sy nta; 82.1.,
ka nosatrohanao voninahitra sy fiandrianana;
7nampanjakainao amin’ny asan-tananao:
nataonao ho eo an-tongony ny zava-drehetra#8.7 And 5-7: Heb 2.6-8. –And 7: 1Kôr 15,27; Ef 1.22.,
8dia ny omby aman’ondry sy osy
mbamin’ny bibidia any an-tsaha,
9ny voro-manidina sy ny trondron-dranomasina
izay miriaria manaraka ny onjan-driaka.
10TOMPO Andriamanitray ô,
endrey ny halehiben’ny voninahitrao
manerana ny tany tontolo!
Currently Selected:
Salamo 8: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
