Salamo 48
48
SALAMO Ny tanànan’ilay Mpanjaka lehibe
1 Tononkira. Salamo nataon’ireo terak’i Kôra # 48.1 Jereo Sal 42.1 sy nta. .
2Lehibe ny TOMPO Andriamanitsika,
hany ka mendrika hoderaina fatratra
ao an-tanànany, ao an-tendrombohiny masina#48.2 Jereo Sal 2.6..
3Tsara fideza ny tendrombohitra Tsiôna
sady fifalian’ny vahoaka eran-tany:
tendrombohitra fonenan’ny Tompo#48.3a tendrombohitra fonenan’ny Tompo: jereo Is 14.13 sy nta.,
tanànan’ilay Mpanjaka lehibe#48.3b Jereo Mt 5.35..
4Ao an-dapany ao Andriamanitra
no miseho ho fiarovana avo.
5Indreny mpanjaka mivorivory,
dia miara-mandroso hamely an’i Tsiôna;
6kanjo nahatazana, dia nidonàka,
nangorohoro ka riatra nandositra.
7Nihovotrovotra foana teo izy ireo,
nanaintaina toa vehivavy hiteraka;
8mova tsy ny rivotra avy any atsinanana,
izay mahapotika sambo goavana,
no nifofofofo nianjady taminy.
9Araka ny henonay no mbola hitanay
ao an-tanànan’ny TOMPOn’izao rehetra izao,
ao an-tanànan’ilay Andriamanitray!
Izy Andriamanitra no mampijoro azy hatrany.
Fiatoana
10Eto anivon’ny tempolinao, Andriamanitra ô,
no ametsovetsoanay ny fitiavanao.
11Hatrany am-paran’ny tany ny lazanao,
ka hatrany koa no hiderana Anao.
Feno fahamarinana ny tananao ankavanana;
12ary, noho ny fitsarana ara-drariny navoakanao,
dia aoka hifaly ny olona ao an-tendrombohitra Tsiôna,
aoka hiravo ny mponina ao an-tanànan’i Joda!
13Mitanjozora manodidina an’i Tsiôna
ka isaonareo ny tilikambony,
14banjino tsara ny màndany,
ary diniho fatratra ny lapany;
dia ho azonareo tantaraina
amin’ny taranaka any aoriana
15fa io Andriamanitra io no Andriamanitsika mandrakizay,
ary Izy mihitsy no hitantana antsika hatrany hatrany.
Currently Selected:
Salamo 48: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
