Salamo 115
115
SALAMO An’Andriamanitra irery ny voninahitra
1Aza izahay, ry TOMPO ô, aza izahay
fa Ianao ihany no omem-boninahitra,
noho ny fitiavanao sy ny toetranao mahatoky.
2Ahoana no ilazan’ireo hafa firenena hoe:
Mba aiza ity Andriamanitrareo#115.2 Jereo Sal 42.4,11.?
3Ilay Andriamanitray dia any an-danitra,
ka efany avokoa izay tiany hatao.
4Ny sampin’ny hafa firenena kosa
dia volafotsy amam-bolamena;
zavatra notefen’olombelona ireny:
5manam-bava fa tsy miteny;
mana-maso fa tsy mahita;
6manan-tsofina fa tsy mandre;
manana orona fa tsy manambolo;
7manan-tanana fa tsy mandray;
manan-tongotra fa tsy mandeha;
ary ny tendany tsy mahaloa-peo.
8Ho tahaka azy anie izay manao azy
sy izay rehetra mitoky aminy#115.8 And 4-8: jereo 135.15-18; Apôk 9.20.!
9Ry fokon’i Israely ô, matokia ny TOMPO.
–Heriny sy ampingany Izy#115.9 Misy antokon’olona anankiroa mifamaly manonona ireto and 9-11 ireto.!
10Ry taranak’i Aharôna#115.10 I Aharôna sy ny taranany no mpisorona teo amin’i Israely fahiny (jereo Eks 23.1,43). ô, matokia ny TOMPO.
–Heriny sy ampingany Izy!
11Ry mpanaja ny TOMPO ô, matokia ny TOMPO.
–Heriny sy ampingany Izy!
12Mahatsiaro antsika ny TOMPO ka mitahy:
–Hotahîny anie ny fokon’i Israely!
–Hotahîny anie ny taranak’i Aharôna!
13–Hotahîny anie ny mpanaja AZY!
–Hotahîny anie na ny kely na ny lehibe#115.13 Ampit Apôk 19.5.!
14Hohamaroin’ny TOMPO anie ny ankohonanareo,
dia ny anareo sy ny an’ny zanakareo!
15Hitahy anareo anie ny TOMPO,
Mpanao ny lanitra sy ny tany!
16Ny lanitra dia an’ny TOMPO;
ny tany kosa nomeny ny olombelona!
17Tsy ireo maty no hidera ny TOMPO
na ireo mitsitra any an-toera-mangina;
18fa isika velona no misaotra ny TOMPO
manomboka izao ka ho mandrakizay.
Haleloià!
Currently Selected:
Salamo 115: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
