Taetas Na kori lengana na omea nira tara marea tana buka de
Na kori lengana na omea nira tara marea tana buka de
Ia Taetas e chikai na tinoni ni Jentael te lia na Kristin me sanga solehanaa ia Pol tana nina ago tana lotu. Pol e mamare vania ia Taetas tahuna te toha visu ia Taetas i Krit, me morosi taonia na lotu inge. Tana leta de, ia Pol e marea tolu na omea boroha. Chikai, ia Pol e paratanga vania ia Taetas na nidira naunau ira na tinoni leholeho tana lotu, matengana i Krit e danga na tinoni sekoseko. Rukanina, e kori vania ia Taetas ke sasanidira diadia visa na ala-ala ni tinoni lotu, na mane tuali nira, na daki tuali nira, na borau nira, ma ira na slev. Ma ira na daki tuali kara sasanidira ira na daki vaolu. Tolunina na omea te marea ia Pol, ia e kori vania ia Taetas na didiana na mamauri ni Kristin, na toha tana rapo kolu visa tinoni. Ira kara mui na vaisekolihi, ma kara mui na vaisuhuni, ma kara mui na vaivotahi tana lotu.
Na omea tara marea tana buka de
Na tuturihana nina valagu ia Pol (1:1-4)
Na naunau talana na tinoni leholeho tana vale lotu (1:5-16)
Na ago koludira ira na ala-ala ni tinoni diadia tana lotu (2:1-15)
Na hua ta kara agosia ira na Kristin (3:1-11)
Na kokodena nina valagu ia Pol (3:12-15)
Currently Selected:
Taetas Na kori lengana na omea nira tara marea tana buka de: mln
Highlight
Share
Copy
Want to have your highlights saved across all your devices? Sign up or sign in
© 2024 (active), Wycliffe Bible Translators, Inc. All rights reserved