Rut Na kori lengana na omea nira tara marea tana buka de
Na kori lengana na omea nira tara marea tana buka de
Ide na tutuguna koi Rut, e chikai tutugu talana solehana. Ia e chikai na daki ni Moab te toha i Israel tana tahu seko solehana te laba danga na vailabu, vahai tara marea tana buka tara soloa Ira Na Tinoni Pede. Koi Rut e tauhaa ia Malon, e chikai na tinoni ni Israel. Tahuna te mate basiaa ia Malon koi Rut, me tihisi lengaa koi Rut nina ago talana vania koi Naomi na vungona, ma nina sasahavi leho vania nidira God ira na Israel. Mi bukena mai, me tauhaa ia chikai laka na kamana na tauna luhi. Tana nina tauha vaolu koi Rut, me lia ia na kakavena ia Deved, nidira tinoni taovia leho ira na Israel.
Tana na tutugu tara mare taonia tana nidira buka Ira Na Tinoni Pede, ara tihisi lengaa na omea seko te tala sangaa ia Yawe God ke laba vanira nina tinoni vivili tahuna tara leleo salihia. Ma na buka koi Rut e tihisi lengaa nina sausau leho ia God te sau vania chikai na daki ni vera tovosi, te leleo dia tatana na God ni Israel, me vahania ia me lia kolu nina tinoni ia God.
Na omea nira tara toha tana buka de
Koi Naomi e visu kolua koi Rut i Betlehem: 1:1-22
Koi Rut e chaulia ia Boas: 2:1—3:18
Ia Boas e tauhaa koi Rut: 4:1-22
Currently Selected:
Rut Na kori lengana na omea nira tara marea tana buka de: mln
Highlight
Share
Copy
Want to have your highlights saved across all your devices? Sign up or sign in
© 2024 (active), Wycliffe Bible Translators, Inc. All rights reserved