Lúcas 17

Caibidil XVII

Naċ ḃfuil Dia na ḟéiċeaṁ ag aón dúine, 22 agus go tiocfaiḋ Críosd a nam naċ saóilṫeor.

1Agus a duḃairt sé ris na deisciobluiḃ, Ní héidir naċ dtíocfuid sgannalaċa!: aċd is trúaġ don tí, tré a dtigid síad! 2Do bfearr ḋó cloċ ṁuilinn do ċur fá na ṁuinéul, agus a ṫeilgean ann sa ḃfairrge, ná áon don ṁuinntir ḃigsi sgannlaċaḋ.

3Taḃraiḋ ḃur naire ḋíḃ féin: Má ṗeacaiġeann do ḋearḃraṫair ad aġaiḋ, imḋearg é; agus má ní sé aiṫriġe, taḃair maiṫeaṁnus dó. 4Agus má ṗeacaiġeann sé ad aġaiḋ seaċd nuáire sa ló, agus go ḃfillfe sé ċugad seaċd nuáire sa ló, ag ráḋ, Atá aiṫreaċas oram; taḃair maiṫeaṁnus dó.

5Agus a duḃradar na heasbuil ris, A Ṫiġearna, méuduiġ ar gcreideaṁ. 6Agus a duḃairt an Tiġearna, Dá mbeiṫ oiread ġráinne musdaird do ċreideaṁ aguiḃ, déaraḋ siḃ ris a gcrann sicaminso, Eiriġ as do ḟréaṁaċ, agus curṫar an sa ḃfairge ṫú; agus do uṁloċaḋ sé ḋaóiḃ. 7Agus cía aguiḃ, agá ḃfuil searḃḟoġantuiḋe a treaḃaḋ no a coiṁéd treada, lé a naibéoraḋ sé ar an mball, an tan do ṫiocfaḋ sé ón ḃfearann, Imṫiġ agus suiḋ sios ar an bord? 8Aċd a né naċ aibéora sé ris, Ullṁuiġ an ní íosas mé ar mo ṡuiper, agus cuir do ċrios ṫort, agus friṫeóil daṁsa, no go niṫe mé agus go niḃe mé; agus tar éisi sin iṫsi agus iḃ? 9An mbía buiḋeaċas aige ar a tsearḃḟoġantuiḋe úd do ḃriġ go ndearna sé na neiṫe do haiṫneaḋ ḋe? Ní ṡaóilim gormbía. 10Augs is mar sin dáoiḃsi, an tan do ḋéantaói gaċ uile ní dár haiṫniuġaḋ ḋíḃ, abruiḋ, Is searḃḟoġantuiḋe neaṁṫarḃaċa sinn: óir do rinneamar an ni do ḃi dfíaċaiḃ oruinn do ḋéanaṁ.

11Agus tárla, ag dul súas dó go Hierúsalém, gur ġaḃ sé tré lár na Samária agus na Galilé. 12Agus an tráṫ do ċuáiḋ sé a sdeaċ go baile áiriġe, tárladar deiṫneaḃar fir lóḃar air, do ṡeas a ḃfad úaḋ: 13Agus do árduiġeadar a nguṫ, ag ráḋ, A Iósa, a Ṁaiġisdir, déana trócaire oruinn. 14Agus an tan do ċunnairc sé íad, a duḃairt sé riu, Imṫiġiḋ foillsiġiḋ siḃ féin do na sagartuiḃ. Agus tárla, ag imṫeaċd doiḃsion, gur glanaḋ íad. 15Aċd fear aca, mar do ċuinnairc sé é féin ar na ṡlánuġaḋ, dfill sé air, ag molaḋ Dé do ġuṫ ṁór, 16Agus do ṫuit sé ar a aġuiḋ agá ċosaiḃsean, ag breiṫ ḃuiḋeaċais ris: agus buḋ Samaritánaċ an fearso.

17Agus ar ḃfreagra Diósa a duḃairt sé, A né naċ ḃfuilid deiṫneaḃar ar na nglanaḋ? agus a náonḃar cáit a ḃfuilid? 18Níor friṫ ag filleaḋ do ṫaḃairt gloíre do Ḋía, aċd an coigcriġeaċso. 19Agus a duḃairt sé ris, Eiriġ, imṫiġ roṁad: do ṡlánuiġ do ċreideaṁ ṫú.

20Agus an tan dfiafruiġ na Ṗairisiniġ ḋe, Cía an tráṫ ṫiocfaḋ rioġáċd Dé, do ḟreagair sé iád agus a duḃairt sé, Ní ṫiocfa rioġaċd Dé récoiṁéd. 21Agus ní aiḃeóruid síad, Féuċ ann so! nó, féuċ ann súd! oír, féuċ, atá ríoġaċd Dé aguiḃ an ḃur measg. 22Agus a duḃairt sé ré na ḋeisciobluiḃ, Tiocfuiḋ a naimsir, an a mbia míangus oruiḃ áon do laéṫiḃ Ṁic an duine dfaicsin, agus ní ḟaicfiṫí. 23Agus a déarúid síad riḃ, Féuċ ann so; nó, féuċ ann so: aċd ná himṫiġ, agus na leanuiḋ iád. 24Oír aṁuil agus mar ḋeallruiġeas an tinnteaċ, ṡoillsiġeas ó náird go ċéile fáoi neaṁ, is mar sín ḃiás Mac an duine mart an gcéndna ann a lá féin. 25Aċd is éigin dó ar tús mórán dfulang, agus a ḋiultaḋ ón ċineaḋsa.

26Agus mar do ṫarla a laéṫiḃ Náoi, is mar sin fós ḃiás a laéṫiḃ Ṁic an duine. 27Do ḃádar ag iṫe, ag iḃe, ag posaḋ, agus ag taḃairt ċum posda, gus an lá ann a ndeaċaiḋ Náoi do náirc, agus táinic an dile, agus do sgris sí iád uile. 28Agus ar a nós gcéadna mar ṫarla a laéṫiḃ Lot; do ḃádar ag iṫe, ag iḃe, ag ceannaċ, ag reic, ag plantuġeaḋ, ag tógḃail tiġṫe; 29Aċd an lá ann a ndeaċaiḋ Lot amaċ as Sodom do fearaḋ teine agus ruiḃ ó neaṁ, agus do sgrios sé iúd uile. 30Is da réir so ḃias ar an lá ann a ḃfoillseoċṫar Mac an duine.

31Ann sa lá sin, an té ḃiás a tiġ, agus a ṁáoin ann sa tiġsin, ná tuirlingeaḋ sé ċum a dtógḃála: agus an tí atá ar an maċaire, na casaḋ sé tar a ais mar an gcéadna. 32Cuiṁniġe ar ṁnáoi Lot. 33Giḋ bé neaċ iárrfas a anam féin do ṡaḃáil caillfiḋ sé é; agus giḋ bé ċaillfeasa anam beoḋfuiḋ sé é. 34A deirim riḃ, béid diás a náoinleabaiġ ann sa noiḋċe úd; geuḃṫar lé háon aca, agus fúiġfiġṫear an fear eile. 35Beid diás ban ag bróinteóraċd a náoinḟeaċd; géuḃṫar lé mnáoi aca, agus fuigfiġṫear an dara ḃean. 36Beid diás fear ar an maċaire; géuḃṫar lé háon aca, agus fuigfiġṫear an fear eile. 37Agus ar ḃfreaga ḋóiḃsion a deirid ris, Gá háit, a Ṫiġearna? Agus a duḃairt seision riú, Giḋ bé ball a mbíu an corp, is ann sin fós ċruinneoċṫar na hiolair.

Currently Selected:

Lúcas 17: BedellG

Highlight

Copy