Matthaisioi Phrinzangpo 25

1Detsana rshnami rgyastridpo rang rangi odun khure baqpo na suse chha phyistâ bingkhan mi masheskhan bomo rchu natsoḵẖs chhok. 2Douniangna gao shangshan qao rshkangmed yodpin. 3Rshkangmedunis rangi odun khure marchik makhurs. 4Amma, shangshanunis ḵẖusuruniang mar tangse rangi odun nadrese khurs. 5Ni, baqpo yongma gorbana junga nyid ldem yang nyid loqs. 6Amma, thsani thsan phed la kushik thsor : Ltashik, baqpo hlep! Kho nasuse chha bingshik! 7Detsana de baqston mabakhanun jung langs, yang oduni syarun rshtubs. 8Rshkangmedunis shangshanunla zes : Khyenti marpekana ngachâ tangshik chiazerbana ngachi odun shid. 9Amma shangshanunis tamlaniang zes : Ngacha nang khyentang nyiskpa michhoq, doba-sang thsongpauni shitia songshik yang khyenti phya nyosang! 10Ni, khong nyoa chhatsana baqpo hlep, yang de chetaq base yodkhanun baqpo nanyambo baqstoni gronla nanggoltek juks, yang zgo chhukpa song. 11De jukna e baqston mabakhanunang yongse juid : Kasa Ashipa, kasa Ashipa, ngachâ zgo phesang ju! 12Amma khos tamlaniang zes : Chhadkhika, ngas khyentanga zered : ngâ khyentang mishes. 13Dephya khyentang nyid thsade dukshik chiazerbana de jaqpoang nang dusthsodpoang khyentanga rshtaḵẖspa med.

14Chiazerbana yuliangna besla chhatsana rangi tsonunla yong zere khyongse rangi norun douni laqa tangskhan michik natsoḵẖs in. 15Chikchikpoa yambu qa, e chikchikpoa yambu nyis, e chikchikpoa yambu chikchik; khong sumka khonti laskhyudi thiksika tangs; tangsena khorang besla song. 16Dekana yambu qa thobse yod-khanpo rtsomse songse dounla thsong sprel base yang yambu qa khoa phel. 17Dya na tsoḵẖspo yambu nyis thobse yodkhanpoang yang yambu nyis phel. 18Amma, yambu chikchik thobse yodkhanpo songse seang rshkose rangi ashipi rshmulpo zbas. 19Dekana namza mangpioek rgalena, de tsonuni ashipao yonged yang khongikana rtsirtsi base lens. 20Yang, yambu qa thobse yodkhanpo yang yambu qa khure yongse zes : Kasa ashipa, yeres ngi laqa yambu qa tangspin, ziksang ju, yang yambu qa ngâ phelsed. 21Ni, khoe ashipaos khoa zes : Wa, noro nang chhespa tson, rgyala bas; nyuntseunika khyerang chhe, spa base duksedsuk, ngas khyerang mangmounika rshtanchuktuk. Rangi ashipi rgamoeang grimse duk. 22Dekana yambu nyis yodkhanpos yongse zes : Kasa Ashipa, yeres yambu nyis ngi laqa tangspin; ziksang ju, de nyiska menma yang yambu nyis ngâ phelsed. 23Khoe Ashipaos khoa mols : Wa noro nang chhespa tson, rgyala bas; nyuntseunika khyerang chhespa duksedsuk; ngas khyerang mangmounika rshtanchuktuk. Rangi Ashipi rgamooang grimse duk.

24Dekana yambu chikchik thobse yodkhanpoang shitia yongse zes : Kasa Ashipa, yerang matabspi sekana rshnge yang phyarba mayongskhan ongsikana zdamkhan rshante mi inmao ngâ rshtaḵẖspa yodpin. 25Yodpana nga jiksen songsena ngas yeri yambu seang zbas, ziksang ju, yeri inkhanpo yeranga thobed. 26Amma, khoe ashipaos khoa tamlaniang zes : Wa, nganpa nang skyonchan tson, nga matabspi sekana rshngakhanpo yang ongs maphyarbi sekana zdamkhampo in zere khyeranga rshtaḵẖspa yodpin. 27Dephya, ngi rshmulpo rshmulzdebkhanunla phel phingoha tangchao khyeri ka thsathsa inmin; yang, nga yongsena ngari norpo phelpo nadrese ngâ laqa yongnukpa. 28Dekana, yambû khoekana lene yambu rchu yodkhanpoa tangshik. 29Chiazerbana yodkhanun junga tangcha chhok, yang rtseaḵẖse phelkhan chhok, amma, chang medkhan-pekana khuriang yodkhanpoanĝ phingse khyercha chhok. 30Yang, do madrodkhan tsonpo phyistâ ṯhubpeang phingshik: der nguchao nang so murchao dukcha in.

31Mi-i Buthsao khoe chhezbrelika skokhanun jung nadrese yongmana detsana kho rangi chhezbrelika khrîka juksuk. 32Yang mithsirun jung khoe dunla dusha chhok, yang thsokhanis luwaq nang rawaq bar phea tsoḵẖspo khos khong rere nang rere bar pheok. 33Yang luklugun khuri trangsphyoqsla, ṟaṟugûn yon phyoqs la jaqtuk. 34Dekana, rgyalpos rangi trangphyosqsla yodkhanunla zeruk: Ho, hgi atiangna phronmochanun, yongshik, miyuli smeang tangtsana khyenti phya chotaq base yodkhan rgyastridpo thob-thsirika khyershik! 35Chiazerbana nga ltoqsedpin yang khyentes ngâ zachas tangs; nga skomsedpin yang khyontes ngâ thungchas tangs; nga janmek inmin yang khyentes ngâ brangsa tangs, 36qanjar yodpin yang khyentes ngâ goncha skons; nga mardea yodpin yang khyentang ngâ lta yongs; nga zgaqkhangeang yodpin yang khyentang ngi der yongs. 37Dekana, khadrangunis khoa tamlaniang zeruu: Kasa Ashipa, ngachas yerang ltoqspao thongse zachek namtangs ? Hana yeranga skomspao thongse yeranga thungchek nam tangs ? 38Yang ngachas yerang janmek thongse nam brangsa bas ? Hana qanjar thongse gonchek nam skons ? 39Yang ngacha yerang mirdechao hana zgaqkhangeang yodpao thongse yeranga (lta) nam yongs ? 40Yang, rgyalpos khongunla tamlaniang zeruk: : Chhadkhika ngas khyontanga zered : ngi de phonouniangna jung basang chhaqtsowa khyentes baspao ngâ baspa natsoḵẖs in. 41Dekana rgyalpos yenphyoqsla yodkhanunla zeruk: Wa domba phoqskhanun, ngi shitiana bingse Nganpao nang khoe skopauni phya ldanskhan rshtane dukchi meang songshik! 42Chiazerbana nga ltoqsodpin yang khyentes ngâ zacha matangs; nga skomsedpin yang khyentes ngâ thungchas ma tangs. 43Nga janmek inmin yang khyentes ngâ brangsa matangs; qanjar inmin yang khyentes ngâ goncha maskons; nga mardea yodpin yang zgaqkhangeang yodpin yang khyentang ngâ lta mayongs. 44Dekana khongunisang tamlaniang zeruk: Kasa Ashipa yerang ltoqsen hana skomsen hana janmek hana qanjar hana mardea hana kaqkhangeang, yang ngachâ thongse yeri jabshia nam maduks ? 45Detsana khos khongunla tamlaniang zeruk : Chhadkhika ngas khyontanga zered: Dyuniangna tsoq basang, chhaqtsek chiga mabaspao ngâ-ang mabaspa natsoḵẖs in. 46Yang dyun rshtane luskhan naḵẖsiang phoqtuk, amma, khadrangun rshtane dukchi sonluksiang (chhok).

Currently Selected:

Matthaisioi Phrinzangpo 25: SOMA

Highlight

Copy