मत्ति 19
19
खाति पोका बारेता
(मर्कुस १०:१-१२)
1इसु इदोइ काथा दोअ्कान्हुअ्सो वा गालिल माउजासो यर्दन झोरा पारातेङ यहुदियाको माउजाता थुकालि लोहि। 2द्याङगेलाइको बारा चेअ्सुगेलाइ वासेहेङ पिताइहि रो इन्ता वा एम्बालाइहेङ एल्पाहि।
3फरिसिगेलाइ वाकोता लोतेङ वासेहेङ काथाता फासेपालिको भाअ्सिङ हिअ्हि, “हाइ हासुङ हिदिङ खातिर बेअ्दोफा खातिपोलि मुनासिप हि?” 4कालाउ बुङ इसु दोअ्हि, “हाइ नेलाइ धरमकिताबता पर्हेका मान्थुसुन्हा? सिरजाइका एम्बालाइहेङ लाङफासो दोङ वाबाल रो बेबाल बान्हाइहि#सिरजाइ १:२७; ५:२ 5रो दोअ्हि, ‘इदोङखातिर द्याङ ताइको आबा, आमाइहेङ लाअ्तेङ ताइको बेअ्दोफा मिलितेङह्यावा रो इदोइ न्हेमि एलोङ जिउ जेनावा।’#सिरजाइ २:२४ 6एम्बालाइ एला न्हेमि माको, कालाउ बुङ एलोङ ज्यावा। इदोइखातिर परमेस्वर जाइहेङ एदोसाङ गासेका हि, इङकोहेङ हिदिङ द्याङ माखेनाको।”
7फरिसिगेलाइ इसुहेङ हिअ्हि, “मोसा हाइपालि खाति पोतेङ बेअ्हेङ लाअ्लि हुकुम पिहि?”#नियम २४:१-४; मत्ति ५:३१ 8इसु एम्बालाइहेङ दोअ्हि, “नेलाइको कोन्धाङ उन्ठुइ खान्तेङ थाङका हिनाङसिङ मोसा नेलाइहेङ बेअ्हेङ लाअ्लि मन्जुरि पिका एइ। कालाउ बुङ लाम्फासो इसिका मान्थुघाहि। 9का नेलाइहेङ दोअ्खा, जाइ दुराचारको खातिरबेगार ताइको बेअ्हेङ लाअ्तेङ भेनेङदोफा बिहु पावा, इङको दुराचार पावा। (कालाउ जाइ लाअ्काहेङ बिहु पाखे, इङको बुङ दुराचार पावा।)”#मत्ति ५:३२; १ कोरिन्थि ७:१०-११
10चात्यागेलाइ इसुहेङ दोअ्हि, “केअ् बेअ्को साइनो इसिकाङ जेङनु, बिहु मापालि दोङ रेम्का जेनावा।” 11इसु एम्बालाइहेङ दोअ्हि, “जाइहेङ परमेस्वर मन प्यावा, एम्बालाइ खिनिङ काङको दोअ्लि भोका इदोइ काथा र्हुलि द्वावा। 12हाइपानु बिहु मापाका खातिरगेलाइता आधेमि जोलोमसोङ हिजारा जेङखे। आधेमि द्याङ बान्हाइतेङ हिजडा जेङखे। आधेमिचाहिँ सादेलको सारभिको भाअ्सिङ बिहु मापासिङ हिखे। जाइ इदोइ काथा र्हुलि दोखे, वा इङको र्हुकाको।”
इसु जामालाइहेङ सोहोसाम्पा पिका
(मर्कुस १०:१३-१६; लुका १८:१५-१७)
13इङको पहर इसु जामालाइर्हुता खुर ताअ्तेङ पुकार पाप्याको दोअ्तेङ द्याङगेलाइ जामालाइहेङ वाकोता चुमाहि। तर चात्यागेलाइ इङको द्याङगेलाइहेङ हाकाराइहि। 14कालाउ बुङ इसु दोअ्हि, “जामालाइहेङ काङकोता लोलि पिसु, एम्बालाइहेङ मारोकेसु। हाइदोनु सादेलको सारभि इसिकालाइको भाअ्सिङ दोङ एइ।”
15कालाउ जामालाइर्हुता खुर ताअ्कान्हुअ्सो वा इन्तासो हानेहि।
गिर्हि द्याङ
(मर्कुस १०:१७-३१; लुका १८:१८-३०)
16एखे इसुकोता लोतेङ एमि दोअ्हि, “ओइ मास्टर, का हेअ्लाउ मानासाका ज्यान निङलि हाइ रेम्का काम पालि गोयाङ?”
17इसु वासेहेङ दोअ्हि, “रेम्का हाइ एइ इङको बारेता ना कासेहेङ हाइपालि हिअ्खेना? रेम्का ते एलोङ खिनिङ हि। कालाउ बुङ ना असिम ज्यान निङलि लाल्सा पान्हा पानु, परमेस्वरको हुकुमगेलाइ माने।”
18वा इसुहेङ हिअ्हि, “हिदोइ हुकुमगेलाइ?” इसु दोअ्हि, “ना मासेअ्, दुराचार मापा, माखु, ढाटाइतेङ दासि मापि।#दामालाअ्का २०:१३-१६; नियम ५:१७-२० 19ताइ आबा आमाइहेङ मान पा रो ताइको भेर्पा हिकालाइहेङ ताइमिहेङ भाइपाङ माया पा।”#दामालाअ्का २०:१२; नियम ५:१६; लेबि १९:१८
20इदोइ धाना द्याङ दोअ्हि, “इदोइ गोताङ ते का मानेकाङ हिघा। एला का ता हाइ घटि हि?”
21इसु वासेहेङ दोअ्हि, “ना जातिङको रेम्का जेङलि भोखेना पानु हानितेङ नाङकोदोसा हिका गोताङ पिअ्तेङ मान्थुकालाइहेङ पि। ना सादेलता टाका काउरि निनाना, कालाउ लोतेङ कासेहेङ पिताइ।”
22जेलाउ इङको धाना द्याङ इदोइ काथा हिङहि, वा र्हाइ दापातेङ हानेहि। हाइपानु इङकोको हेन्जा टाका काउरि हिघाहि।
23कालाउ इसु ताइको चात्यागेलाइहेङ दोअ्हि, “जातिङको, का नेलाइहेङ दोअ्ताङका, सादेलको सारभिता गिर्हि द्याङहेङ दुल्लि मुस्किल जेनावा। 24आरोङ का नेलाइहेङ दोअ्खा, धनि द्याङहेङ सादेलको सारभिता दुल्काखान्तेङ भुरुङ उटहेङ बिन्दुको कानाता दुल्लि सुकातावा।” 25इदोइ हिङतेङ चात्यागेलाइ भारभुसाइतेङ दोअ्हि, “कालाउ हासु मुक्ति निङलि द्वावा?” 26इसु एम्बालाइहेङ खान्तेङ दोअ्हि, “द्याङगेलाइ इसिका काथा पालि दोङ माद्वावा, कालाउ बुङ परमेस्वर खिनिङ गोताङ काथा पालि द्वावा।”
27कालाउ पत्रुस वासेहेङ दोअ्हि, “खाङ, केलाइ ते गोताङ काथा लाअ्तेङ नासेहेङ पिताइका हिन्हाहि। केलाइ चाहिँ हाइ निनाङ?”
28कालाउ इसु एम्बालाइहेङ दोअ्हि, “जातिङको, का नेलाइहेङ दोअ्खा, नेलाइ जाइ कासेहेङ पिताइका हिसुन्हा, नावा दुनियाता जेलाउ का द्याङको चान ताइको प्रतापको गादिता योमाङका, कालाउ नेलाइ बुङ तेन्हे गादिता योमस्वाना रो इस्राएलको द्याङगेलाइको तेन्हे खालहेङ निसाप पास्वाना।#मत्ति २५:३१; लुका २२:३० 29जाइ काङको मिङको भाअ्सिङ साअ्द्वार, दादाओने, बाइओने, आबा आमाइ, चान चामिन्दि, मिलिङ लाअ्का हि, इङको एसाइ गुना निनावा रो असिम ज्यान निनावा। 30कालाउ बुङ एला लाङका हेन्जा द्याङगेलाइ न्हुअ्तावा रो एला न्हुअ्का हेन्जाङ द्याङगेलाइचाहिँ लानावा।”#मत्ति २०:१६; लुका १३:३०
Currently Selected:
मत्ति 19: DHIM
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
