Matthew 16

NaFarasi eainoa aꞌe Jesus ihuli aꞌe namahi Keakua

(Mrk 8.11-13; Luk 12.54-56)

1NaFarasi ia ma naSatiusi la eo aꞌe nokaiꞌi Jesus. Kena nakama la eainoa aꞌe kama la ihuli aꞌe namahi Keakua. 2Ia Jesus eme aꞌe nakama la, “Keualoko kelaa nikapili isulu, ame okou eꞌike napuleulehu emea eꞌiva, okou ekakala ma, ‘Kaiao kemoana la memalino.’ 3Keualoko kelaa nisopo aꞌe, ame okou eꞌike napuleulehu emea, okou ekakala ma, ‘Keaho nei memaili.’ Okou emakino pela nahaꞌaku la ehuli aku nakipukipu naaho la. Ia niaina okou eꞌike anau ehuli aku namahi Keakua, okou oisemakino hea meiapihi mai imuli. 4Nakama saꞌino ia ma nakama sehalono Keakua la hihai iꞌike nahaꞌaku. Ia Keakua meihuli aꞌe nakama la namahi aia poi aia nihuli aꞌe ia Jonah la oia.” Kena Jesus ukiaꞌi naFarasi la nohaele ikaha.

Lolosi hamakonu naaoaꞌo esala

(Mrk 8.14-21)

5Kulana Jesus ma nakama kaukali aia la nihulo i kelaa vahi kemoana la, nakama la usili keko aꞌe nahalaoa. 6Jesus ekakala hamakaꞌu aꞌe nakama kaukali aia la ma, “Lolosi hamakonu ke{iist} kela naFarasi ia ma ke{iist} kela naSatiusi la.”

7Ia kena nakama kaukali Jesus la ukakala solakou ma, “Halaoa kakou la usili mai iuka.”

8Jesus namakino avale hea nakama la ekakala solakou, kena ime aꞌe, “Okou ikau kehakina hamaoni. Okea okou ekakala ma okou sehihalaoa? 9Okou oisemakino hea anau ehuli aku. Okou usili keualoko anau nikohikohi elima nahalaoa nohanai lima simaka nakama. Kena okou usili hoi napunaꞌeke namuli halaoa okou nikoe la. 10Ia okou usili keualoko anau nikohikohi ehiku nahalaoa nohanai haa simaka nakama. Kena okou usili hoi napunaꞌeke namuli halaoa okou nikoe la. 11Okou seailoa? Anau sekakala aku halaoa. Anau kakala aku ma okou ilolosi hamakonu ke{iist} naFarasi ma naSatiusi la.”

12Ia kena nakama kaukali Jesus uailoa pela kama la sekakala aꞌe ke{iist} kela epena halaoa ihuka. Kama la ekakala aꞌe lakou ilolosi hamakonu keaoaꞌo naFarasi ia ma naSatiusi la.

Peter eme aꞌe pela Jesus o keMesaea

(Mrk 8.27-30; Luk 9.18-21)

13Jesus ma nakama kaukali aia la ekaꞌa i keꞌina kapili aꞌe Caesarea Philippi. Kena Jesus evasili aꞌe nakama kaukali aia la, “Ea? Keonohenua la emakino oai ke{kama ekipu kama}? Nakakala lakou emea pehe?”

14Kena nakama la eme aꞌe Jesus, “Alakama emea ma kama la John Baptist. Alakama emea ma kama la Elijah, alakama emea ma kama la Jeremiah, ia alakama ekakala ma kama la hekama i nakama hakae nakakala Keakua.”

15Kena Jesus evasili aꞌe nakama kaukali aia la, “Ia okou emea ma oai anau?”

16Kena iko Simon Peter ime aꞌe, “Aꞌoe o keMesaea, kekama Keakua eola kahi.”

17Kena iko Jesus ime aꞌe, “Simon kama Jonah, aꞌoe ehakapu lia Keakua. Sehikama haꞌali aku i aꞌoe kehakaꞌoko la. Emeia Kamana anau i kevaelani ehuli aku imakino aꞌoe pela oai anau. 18Kena anau eme aku i aꞌoe Peter, aꞌoe hakupaa. Anau meihakuu hale loku anau iluna hakupaa nei. Ia kemake seisi namahi aia i keseu hale loku anau la. 19Anau meiau aku na{kii} kenoholana i kevaelani ilolosi aꞌoe.#16.19 Namea kela Keakua epui i kevaelani, aꞌoe meipui i kemaalama nei. Ia namea kela Keakua mehaakana i kevaelani, aꞌoe meihaakana i kemaalama nei hoi.”

20Kena Jesus epui aꞌe nakama kaukali aia la, isehaꞌali aꞌe alakama pela aia o keMesaea.

Jesus ukakala kemake aia

(Mrk 8.31–9.1; Luk 9.22-27)

21Keualoko la, Jesus eꞌamaka nohaꞌali aꞌe nakama kaukali aia la pela aia meihaele i Jerusalem nokili komaꞌi nahalono lihu. Nakama hamakua na{Jiu} ma namaakua hamakua ia ma nakama epolopolo nakuaa la meimeme haeꞌo kia aia. Kena nakama la mekaa aia imake. Ia keaho kanahakolu, aia meiola muli.

22Kena Peter uhakaꞌi Jesus ikaha ma nakama la, ihai aꞌe Jesus ma, “Seai Kealiꞌi. Namela meselavaa keapihi aku aꞌoe.”

23Jesus uhakiꞌe nome aꞌe Peter, “Haele ikaha manau Satan. Aꞌoe hihai ipui anau, maikinimea aꞌoe sehakaꞌoko nakipukipu Keakua, ia aꞌoe ehakaꞌoko nakipukipu nakama oia.”

24Kena Jesus ume aꞌe nakama kaukali aia la penei, “Poi hekama hihai ikaukali mai anau, kama na ikiaꞌi namea aia hihai, uhapili {kolosi} aia, kena ukaukali mai anau. 25Oai kekama ehakekele ilolosi kanaola, meilano keola hamaoni. Ia oai kekama eaunahie kekiaꞌi keola aia nokaukali mai anau, kama la meiko keola hamaoni la. 26Ame sekonu pela hekama ihakau namea hakoa i kemaalama nei, ia ulano keola hamaoni. Kama la selavaa kesui muli kanaola.

27“{Kama ekipu kama} meivaꞌai iho i namahi Kamana aia la, ia ma na{enselo} aia la. Kena kama la meivavae aꞌe nakuhana nakama hakoa, ikau ma hea kama ma kekama epena la. 28Anau eme aku kehamaoni. Imua okou hakoa meimake, alakama okou meiꞌike {kama ekipu kama} ehamai nohamakua i kenoholana aia la.”

Currently Selected:

Matthew 16: ojv

Highlight

Copy