Eksôdy 3
3
1Niandry ny ondrin’i Jetrao rafozany, mpisorona tao Midiana i Mosesy. Indray andro, rehefa avy nitondra ny ondry aman’osy tany ankoatra ny taniefitra izy, dia tonga tao Hôreba#3.1 I Hôreba izay antsoina koa hoe Sinay dia lazaina ho tendrombohitr’Andriamanitra satria ao Andriamanitra no hanambara ny tenany; jereo ny toko 19. tendrombohitr’Andriamanitra. 2Tao izy no nisehoan’ny anjelin’ny TOMPO tanaty lelafo teo afovoan’ny roimemy anankiray. Hitan’i Mosesy fa mirehitra afo ny roimemy, kanefa tsy nisy nahalevonana. 3Dia tapa-kevitra hanatona i Mosesy mba hizaha io fisehoana mahagaga io hahalalany izay antony tsy ahalevonan’ny roimemy. 4Rehefa hitan’ny TOMPO fa nanatona mba hizaha i Mosesy, dia tao afovoan’ny roimemy Izy no niantso azy nanao hoe:
–Ry Mosesy! Ry Mosesy!
Ka hoy ny navaliny Azy:
–Inty aho.
5Dia hoy ny TOMPO hoe:
–Aza manatona ny roimemy! Esory ny kapa amin’ny tongotrao fa tany masina ny toerana ijoroanao. 6Izaho no Andriamanitry ny rainao, Andriamanitr’i Abrahama sy i Itsehàka ary i Jakôba.
Dia nisaron-tava i Mosesy fa natahotra ny hijery an’Andriamanitra. 7Ary hoy ny TOMPO hoe:
–Efa hitako tokoa ny fahorian’ny vahoakako any Ejipta ary efa reko ny fitarainany noho ny famelezan’ireo mpampahory azy; eny, fantatro ny fijaliany. 8Koa tafidina Aho mba hanafaka azy amin’ny fahefàn’ny Ejiptianina, ka hampiakatra azy hiala amin’ny tany Ejipta mba ho any amin’ny tany tsara sy midadasika, any amin’ny tany tondra-dronono sy tantely#3.8 tany tondra-dronono sy tantely: dia tany mahatsara ny fiompiana (ronono) sy ny fambolena (ny tantely eto dia ilazana ranom-boankazo notehirizina fa tsy tantely avy amin’ny renitantely akory)., dia ny toerana misy ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita. 9Ankehitriny dia efa tonga eto amiko ny fitarainan’ny Israelita, ary efa hitako koa ny fahoriana izay ampijalian’ny Ejiptianina azy. 10Koa izao ankehitriny izao dia irahiko ho any amin’ny Farao ianao. Mandehana, avoahy hiala avy any Ejipta ny Israelita vahoakako#3.10 And 2-10: jereo Asa 7.30-34..
Manambara ny anarany amin’i Mosesy Andriamanitra
11Fa hoy i Mosesy tamin’Andriamanitra:
–Zinona moa aho no hankany amin’ny Farao ka hamoaka ny Israelita hiala avy any Ejipta?
12Ary hoy Andriamanitra hoe:
–Homba anao tokoa Aho; ary izao no porofo fa Izaho no naniraka anao: rehefa avy namoaka ny vahoaka israelita avy tany Ejipta ianao, dia hanao fanompoam-pivavahana amiko eto amin’ity tendrombohitra ity ianareo.
13Ka hoy i Mosesy tamin’Andriamanitra:
–Eny àry fa hankany amin’ny Israelita aho izao hilaza aminy hoe: «Ilay Andriamanitry ny razanareo no naniraka ahy ho atỳ aminareo.» Saingy hanontany ahy ny anaranao izy, koa inona no havaliko azy#3.13 Jereo 6.2-3.?
14Dia hoy Andriamanitra tamin’i Mosesy:
–Izaho no Ilay hatrizay ka ho mandrakizay. Koa izao no holazainao amin’ny Israelita: «Ilay hatrizay ka ho mandrakizay no naniraka ahy ho atỳ aminareo#3.14 Raha Andriamanitra milaza tena hoe: «Izaho no Ilay hatrizay ka ho mandrakizay», dia mandà ny hampahafantatra ny anarany manokana, toy ny ao amin’ny Mpits 13.18. Dkt hafa: «Izaho no Ilay Izaho», izany hoe: «Eo Aho, miaraka aminareo, amin’ny fomba hahitanareo Ahy»; na koa «Izaho no Ilay Misy», izany hoe mifanohitra amin’ireo andriamanitra hafa izay «tsy misy»; ampit Is 43.10. Ny matoanteny hebreo izay nadika hoe: «Izaho no» dia mitovy amin’ny anarana hebreon’ny Andriamanitr’i Israely; jereo ny naoty manaraka. –Ampit amin’ny Apôk 1.4,8 koa ity and ity..» 15Dia ampio hoe: «Ny TOMPO Andriamanitry ny razanareo, ilay Andriamanitr’i Abrahama sy i Itsehàka ary i Jakôba, no naniraka ahy ho atỳ aminareo.» Izany no anarako mandrakizay, ary izany no hahatsiarovana Ahy isaky ny taranaka mifandimby#3.15 Ny anaran’ilay Andriamanitr’i Israely dia i YHWH izay tsy fantatra ny tena fanononana azy. Nanomboka tamin’ny taonjato faha-4 tal J.K. ny Jiosy no nizatra tsy nanonona io anarana io intsony (mba tsy hanonontononana azy foana, jereo 20.7), fa nanao hoe «ny Tompo» matetika, na nanolo azy tamin’ny fomba fiteny hafa toy ny hoe Ny Lanitra, ny Anarana, ny Voninahitra ets. Koa rehefa misy anarana hoe YHWH ny rijan-teny hebreo masôretika, dia ny Tompo no nandikana azy ato amin’ity DIEM ity.. 16Mandehana, vorio ny loholon’i Israely ka ilazao hoe: «Ny TOMPO Andriamanitry ny razanareo, ilay Andriamanitr’i Abrahama sy i Itsehàka ary i Jakôba, no efa niseho tamiko ka nilaza fa nitsinjo anareo sy nahita ny fomba afitsoka anareo atỳ Ejipta; 17koa tapa-kevitra Izy fa hanaisotra anareo hiala amin’ny fahoriana atỳ ho any amin’ny tanin’ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita, dia tany tondra-dronono sy tantely#3.17 Jereo ny and 5 sy nta..» 18Hihaino anao ireo Israelita; koa mandehàna ianao sy ny loholon’i Israely mankany amin’ny mpanjakan’i Ejipta, ka lazaonareo aminy hoe: «Niseho taminay ny TOMPO Andriamanitry ny Hebreo, ilay Andriamanitray, koa mba avelao izahay handeha lalana telo andro ho any an-taniefitra hanolotra sorona ho AZY.» 19Kanefa fantatro fa tsy hamela anareo handeha ny mpanjakan’i Ejipta raha tsy terem-pahefana mahery#3.19 raha tsy terem-pahefana mahery: araka ny rijan-teny Samaritanina sy ny Septoazinta ary ny Latinina; ny RM kosa milaza hoe na dia voaterin’ny sandry mahery aza. . 20Izany no hanehoako ny fahefako tsy hay tohaina ka hamelezako an’i Ejipta amin’ny zava-mahagaga rehetra izay hataoko ao anatiny, ary aorian’izany vao halefany ianareo. 21Homeko tombontsoa eo imason’ny Ejiptianina ity vahoaka ity ka tsy hitondra tanam-polo mody. 22Ny vehivavy israelita tsirairay avy dia samy hangataka amin’ny vehivavy ejiptianina ao aminy na manodidina azy firavaka volafotsy sy volamena mbamin’ny fitafiana. Hampitondrainareo ny zanakalahinareo sy ny zanakavavinareo ireny, ka hataonareo fongana ny Ejiptianina#3.22 And 21-22: jereo 12.35-36..
Currently Selected:
Eksôdy 3: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
