Lukasa 16:11-12

De ma titi ma demoino gea hiadono Ngohi tato nako ngini ko idadiua niao itiai nia tagongo abe ma titi o duniaka ma tiwi nihiaturu, gea done onagona ahao inihidoaka nginika de o Horogaka ma kaya-kaya ma gou-goungu? Ko iwa! De igoungu naga o duniaka ma kiahonanga abe Ma Jou winihitagongo nginika la niahiaturu. Masara nako ma kiahonanga gea de ngini niao ko itiaiua, done sarakia niamake ti ngini ma hirete nia utumu o Horogaka? Gea ko idadiua niamake ma utumu o Horogaka nako to Una ai kiahonanga niao ko itiaiua o duniakahi naa.”