Matius 28:12-15

Yugurugu lagagwama, it ako ap enanggok inim wonggalagu lagagwarik, wene amburup mbabaluk, it ap enayegen werek suam watu lagagwa ako yoparip mbusi perak wisane erogo wogerelok, yugurugu dugwit, “‘Nit o hup nogo yugu ninigik, it Yesus ane welagwi menda akoen wagu lagarwik, Yesus eyave wolok winggao o,’ yiluk, andi adigat yugeregek nagu dogop. Eke, wene yi yagao ako at Gubernur aruk hunggu halok, anggin henovaga bigigu haoen, nit ninim wene yusogom.” Yugurugu lagagwama, it enayegen werek akoen yoparip mbusi perak ako hidugu lagagwarik, it imam-imam enasini en yugeragagwa ako wane-wane-at yagan lagagwa. Eke, wene ako andi, ap Yakuri enamwa ovok mbiganggu lagagwama, yogak aoat yagalagwi.