Nar 14
14
1An Aikoniam ilau netikiavan was le nimwa ahwak te Ju min an netakamuakar maka lan, moma nahuto ribor le Ju min mene nerem Krik netakamani nuparhienan lan.
2Mero Ju min, ierem min kasarosan nowa, netakaisulasul neki nerem Jentail marol ilar katat to pian ilar min.
3Mero to nar uk ilau netukuarik iken ruhu, netakamuakar asanen le Ieremera ierem rameni esas le nakaran te nevitan tahan mamofen nimtatin min mene narepuk min moma tapol le nelimin ilau.
4Mero nahuto le nauanu kenotaprai, an nevin netakairoupen Ju min, mero nevin netakairoupen apostelo mil.
5An Jentail min mene Ju min mene neremera tenilar netakarua to ilau mama takarol ahwohwa nar le ilau maru ilau.
6An ilau netikiahinatin netukuakam miavan Listra mene Derbe, nauanu mil taha Laikaonia, mene le ten iken min.
7An netukuausito in nakaran ut iken.
8An ieremim ker ramowata Listra, nelikin ravava, ierem nelikin ravava le netipu inen, ierem remesaliwakan ena.
9Ieremim uk netererou Paul ramakar; ierem nemrin neteramail hmahma lan neterhinatin moma nuparhienan ramarik lan to nolutan.
10An netereni le nakarapahman, Ail etuatu le nelikam. An neterivukit maliwak.
11An nahuto min netakaihm nar Paul ramol an netakaihwatin noian ilar mamani le nakaran Laikaonia, Wuhgin min kenaivi ieremim min ilar maitite to katar.
12An netakarhin netige Barnabas mama Jupiter, marhin kam Paul mama Merkiuri, mero in ka in ieremera le nakaran.
13An ierem le nuhwasigenan taha Jupiter, ierem ramarik le nemri nauanu, neterir nepukas ituga mene numanar mua le nausilua le nauanu, an neterama terhwasig, ilar nahuto.
14Mero apostelo mil Barnabas mene Paul netukuarou, netukhaupu nar kamiava lan, aetikiaivuk miavan le neki nahuto, netakamuasak mamuani,
15Nerem apa, retol nakamarol nar min uk? Kamlau mun ieremim mil am kama kamiar mene, iakamuausito in nakaran ut to kamiar muoma tenakaleleg le neiwean mun uk to Wuhgin lilen, ierem ramol neai mene ten mene tehe mene naremnar min le ilar.
16Ierem le nepsen neremim ierem min rknua muan ramapas nahuto min kamaivan le tehwaga min tenilar.
17Mero remesapasatuan nolapuan in, mero in ka ramol nar ut min, mamofena kam kamiar resipe le neai nihin mene nian te nowanapigen, mamol nekimiar rahmepus le nauganan mene nagienan.
18An netakamuani nar min uk mamuanhiau agsien am nahuto min muoma tesarhwasigan kam ilau.
19Mero Ju min kamasipe Antiok mene Aikonia netakarua iken mamaikeikei kam nahuto min, netakaru Paul marukakin atou le nauanu, nekin ilar rakahmo moma riknemis.
20Mero nahwak min netakamailil elauelau in, an neterermig muan le nauanu. An lauk in neterier ilau Barnabas miava Derbe.
21An netakamuausito in nakaran ut to mauanu ka, mamuatikun neremim ribor, an netikialeleg pen mun Listra mene Aikonia mene Antiok,
22Mamiaol asanen nanumu nahwak min, netakamuakeikei kam ilar muoma takamairik le nuparhienan, an muoma le nahwohwean min ribor katar takaikeikei maruan le niko te Wuhgin.
23An netukuahlau to ilar elder min le nelinahwak min, an netakameihwak mamaimek, an netukuahlau ilar to Ieremera, ierem ilar kenani nuparhienan lan.
24An netikiava miaier le Paisidia miava Pamfilia.
25An netukuanita nakaran Perka, netukuatite miava Atalia.
26An netukuasua iken miava Antiok, iken kamofen ilau to nasituan taha Wuhgin to work ilau keniaol ita.
27An ilau netikiava netikiahwafugen nahwak min mamuausito in narem nar min Wuhgin ramol kam ilau, an muoma reknatita tapin le nuparhienan kam nerem Jentail.
28An netukuarik resolan moma nian remerparup to nahwak min.
Currently Selected:
Nar 14: LEN1902
Highlight
Share
Copy

Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.