Filiputaamba sɛbɛ Nelmuoyamma
Nelmuoyamma
Pol yaa waaŋ Diiloŋ-nelma‑i baa Filiputaamba‑i ba nu-ma aa hũu-ma (Pɔpuɔr. 16.11-40). Ku huoŋgu-na, baa bel-o dii-yo kaso Yesu maama-na. Filiputaaŋ baa hiel moloŋo ba hɔlma-na baa coŋgoruoŋgu u kã ka hã Pol dii kaso‑i-na. Ba bĩ naacolŋo‑i Epafuroditi. Kufaŋgu maama yaa nuɔ‑i Pol nyɛgɛ̃ŋ sɛbɛ daayo‑i duɔ jaal-ba.
U duɔŋ a dii sirɛiŋa bɛi wuɔ ba nyaar *Neldɔdɔlma-na aa ba muonu-mɛi terni-na hiere. Wuɔ ba ta ba hiire ba fɛrɛ ŋaa Yesuŋ taa u hiire u fɛrɛ dumaa (sap. 1–2). U gbuɔya-bɛi wuɔ ba bel ba fɛrɛ coikartaamba-na, wuɔ da ŋ haa ŋ naŋga‑i Yesu‑i-na, ku yaa gbãa ce-ni nelviiŋ nuɔ Diiloŋo yufelle-na, Yuifu ba Diiloŋ-hũmelle wuɔsaaŋgu sĩ (sap. 3). U bi piiye baa-ba wuɔ ba yaŋ aa ba nunu ba-naa ba ce Itieŋo maacemma‑i (sap. 4).
U sɛbɛ huɔŋga-na hiere, u diyaa sirɛiŋa Diiloŋ-dũŋ-baamba-na wuɔ baŋ yeŋ Itieŋo horre-na, ba ta ba nyɛ. Wuɔ Yesuŋ hãa-ye kumaŋ, ku maaraa bĩmbĩnni‑i hiere, a ce dumaaŋo-na umaŋ duɔ haa u naŋga‑i yuɔ wɛima-na hiere, kutieŋo huɔŋga gbãa fɛ̃.
Currently Selected:
Filiputaamba sɛbɛ Nelmuoyamma: cme
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.