Markus Markusti mome tobogne sembe tibin nenerop yubu palilamap
Markusti mome tobogne sembe tibin nenerop yubu palilamap
Markusti yubu ane Yohanes-Markus as Yerusalemneri mome tobog. Yohanes-Markus poneko Yesusti wepto poghogne Petrus elkae wamog. Wamogti Petrusti Yesus sembe ambarelamsiogne ka'ebaogti, mome toro pibog (Pogsiog Nang 12:12, 25).
Markusti mome toro pibog nena, “Yesus Allah Elme wamogne poneko mog so'oag ua ulamogne sembe babe, ‘Mog so'oag nimi taulbahinun,’ aro seklero tebaogne sembe babe el nembahinun,” aro Markusti mome toro pibog. Yubu eneagna, Allahri mikipne Yesusag pibogne toman agha nimi maikno wali nenero ulamsiogneap, Allah yubu ambarelamsiog yubuap, phia yag lanaro ulamsiogneap, nimiri mali-malia uropne tam wailag nenero ulamogneap sembe Markusti mome toro pibog.
Markusti mome ene komoptobag wamlange, kekneba leka saogne ene [...] Markusti yubu 16:9-20 abolag pibapne nene, “Lomag mome samenag sirik momeag wamog kom,” aro el nenero pibap. Markus ponekori samenag mome toro pibog yubuna, ora nimiri amik sum eldi momeag nelepto, “Nen sarikto mome toro pibeberi, sabo nembaukap,” aro ulamek. Nimi nhon-nhondi, “Sabo nembaukap,” aro mome toro palilamekne abeneko yubu komoptobag leka lomag wamla mome nene ma'aro pibek. Samenag sirik momeag yubu nene orog, aghana amik mome komoptobag wamlange ma'aro pibek.
Markusti mome tobog yubu tam saekpare karebi agha a'ero-a'ero palilamap
1:1-13 - Allahri Elme Yesus wepto poghogne lag taogha
1:14—9:50 - Yesus mog so'o Galilea wamogha Allah yubu ambarelamsiogti, nimi wali nenelamsiogha
10:1-52 - Yesus mog so'o Galilea laplobi agha as Yerusalem sip palamogha
11:1—12:44 - Yesus as Yerusalem wa'ina Allahri Mem Ae Allah yubu ambarelamsiogha
13:1-37 - Yesusti tam amik uro yabilulne sembe ambarelamsiogha
14:1—15:47 - Yesus seklebaogti tebaogha
16:1-20 - Yesus nen kamag taogti, imag yingkiogha
Currently Selected:
Markus Markusti mome tobogne sembe tibin nenerop yubu palilamap: kklKOS
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.