Matius 13:20-21

Kirik phalag timbaogne sunuro lemnange neneko, Allah yubu ka'ebi agha elemag awi uro, ‘Saelbanun,’ aro torop nimi sembe lemna. Elemag yubu ka'ebandi tomnep aghana, nimi enekori wanaag yubu eneko yareng pelengka urop kom tanena, mo sesog sembe pongoro wamnep. Nimi enekori Allah yubu salero ul piropne sembe ora nimiri elag, ‘Seklebalul,’ aro ulamsengpa to, el luknubahengpa to tanena, kirik phalag timbaog saog nimi wamnepti, elem uro Allah yubu sae limnep.