Yuanis 12

Tinuadan akod ni Yisus nu inosak lanung so Bitania

(Mat 26:6-13; Mrk 14:3-9)

1Koonoman po om ologa' yo Rami-Rami Paska, miano yo si Yisus so Bitania, so kampung ni Lajarus iri linuli'an Niyo ri. 2Pookano yo nosiro si Yisus. Si Marta minomolak om si Lajarus minongurung mongokan. 3Lumogaa yo si Maria minongowit sompusung nu inosak#12:3: inosak; intawa: minyak lanung ado gawul sobana ko otaas. Tuadi yo niyo so akod ni Yisus om piido yo nu obuk niyo ri. Nolongkop rinuang nu waloi-i nu awau nu inosak lanung-i.#Luk 7:37-38 4Nga mutongaro yo ido mompomaid ni Yisus, ingoranan so si Yudas Iskariut, iri minongoraai-a sono so si Yisus nu, 5“Nokuro ka su dai niwoli ya inosak lanung oono orogo tolu naatus siin pirok, om nitaak siin-o so lobuw omiskin?” koo. 6Minutangar si Yudas soko iri okon-a ko bana nu oluluudan nu lobuw omiskin, nga iyo yo po moonakou. Iyo yo su pootou' nu ombubut poongianan nosiro nu siin, om obulit-o iyo monakou nu siin so ombubut iiri.

7Nga mutongaro yo si Yisus nu, “Posimaidan-a woinoi oono! Waalon niyo ono suat so runat polobongan so Aku. 8Dadan-a mido-ido so kou ong lobuw omiskin, nga Aku dai ya,” koo si Yisus.#Pom 15:11

Upakat momatoi so si Lajarus

9Osuang lobuw Yaudi nokorongou nu dii si Yisus so Bitania, indadi miano yo nosiro dii. Minian nosiro dii okon-a ko toroido nu mokisosambat so si Yisus, nga mokisisiou-a so si Lajarus, iri linuli'an Niyo ri. 10Iri yo ko' minuupakat wowaidon nu imam-i nu potoyon-a pudi si Lajarus, 11so' osuang lobuw Yaudi minonulak so nosiro om nopoimaid sono so si Yisus.

Inorumat si Yisus so Yirusalim

(Mat 21:1-11; Mrk 11:1-11; Luk 19:40)

12Susuab-i, norongou nu lobuw minian murami-rami nu Paska ri nu manou-panou-o si Yisus lumoga' so Yirusalim. 13Indadi monotaso yo nosiro nu raan nu palma#12:13: Adat nu iya oono, koduung lumoga' raja, monotas nosiro nu raan nu palma (Siowan Kamus Kitab) om nilapik so lalan sunduran nu raja, su' dai koingkag so tana' raja oono intawa kulos-kulos gondaran niyo no, ponondu'an nu mongorumat. om owito yo sumamung so Iyo maid nu gumonsok nu,

“Royowon Kinoringan!

Om royowon lobuw iitu,

iri sinuu'

nu TUHAN Kinoringan.

Borokatan-o nu Kinoringan

Raja nu lobuw Yaudi no!”

koo.#Lgu 118:25-26

14Iya oono, ginumandar si Yisus so uyog nu koladai. Indadi, notuman-o sono tinangar so Buuk nu Kinoringan nu,

15“Oo su lobuw nu bandar Siun,

ikod kou kilaa'!

Siowi raja mu no lumoga',

ginumandar

so uyog nu koladai!”

koo ri.#Ja 9:9

16Iya iiri dai po noilaan mai ong onu orati nu iri. Nga nosalib-o po Iyo om noluli'an koimbagu, noondoman mai nai' nu, onu yo po winaal nu lobuw so Iyo iiri, nokosurat-o so Buuk nu Kinoringan.

17Ongo lobuw nokosiou nu pinomaawan ni Yisus so si Lajarus polabus kiat so lobong-i, om minongoluli' so iyo ri, nosiro yo su nopotuturan nu pinuwaal Niyo ri. 18Iri yo ko' sinumamung lobuw suang-i so Iyo, so' norongou-o nosiro nu Iyo yo su minomaal nu koiran-iran iiri. 19Mutotongar-tongaro yo sono lobuw Parisi ri nu, “Siowi toko yo bo, kiawi' lobuw, nga maid so Iyo. D'ado yo sono koompusan nu kiawi' winaal toko,” koo.

Dinium si Yisus nu lobuw okon ko Yaudi

20Tinu-tinu lobuw okon ko Yaudi nokowaid so ongo lobuw minian so Yirusalim mongusaa' nu Rami-Rami Paska iiri. 21Lumogaa yo sono nosiro dii si Pilipus om mutongaro yo nu, “Oo tuan, mokisosambat kai so si Yisus,” koo. (Si Pilipus-o po lobuw Baitsaida so Galilia.)

22Miano yo si Pilipus pokoilo so si Andrias nu iri, om mukuupo yo nosiro mian paabar so si Yisus. 23Mutongaro yo si Yisus so nosiro nu, “Nologa' yo pongobontugan so Aku, Anak nu Riniba. 24Bana ya tongaron Ku so kou iitu nu, bang dai kopulo po somparang paroi-o, kakal-a sompoparong, nga bang kopulo yo, sumuang-o sono. 25Isai osokakan momikir suat so kowiawan niyo so wonuo tu, oliongan nai' nu kowiawan, nga isai dai osokakan momikir nu kowiawan so wonuo tu, kikowiawan iyo musingkolaid.#Mat 10:39; 16:25; Mrk 8:35; Luk 9:24; 17:33 26Isai mugogoma'on suat so Aku, subai maid so Aku, su' siombo polakan ku no, nai ya polak niyo. Om isai mugogoma'on suat so Aku, orumaton iyo ni Amo Ku,” koo si Yisus.

Nopotuturan si Yisus suat

so kopotoyan Niyo

27Mutongaro yo si Yisus nu, “Kosiono umagut inawo Ku no. Onu ka otoop tongaron Ku? Otoop Aku ka mutangar nu, ‘Oo Amo, polaiwo Aku yo kiat so kosonsora'an Ku oono,’ k'Aku? Nga dai otoop mutangar Aku nu ono, so' ono yo su tomod Ku lumoga', mongirasa nu kosonsora'an oono. 28Oo Amo, pointolango yo kuasa Mu,” koo si Yisus.

Nokorongou-o sono Iyo nu bongut kiat so surga nu, “Nokointolang Ku yo, om pointolangon Ku po koimbagu,” koo.

29Osuang lobuw dii nokorongou nu bongut iiri. Mutongaro yo nosiro nu, “Ono yo po korud,” koo. Nga kuwai ya minutangar nu, “Okon-a ono ko korud. Susuu'on ono nu Kinoringan mokimutangar-tangar so Iyo!” koo.

30Mutongaro yo si Yisus so nosiro nu, “Okon-a ko Aku su porongowon nu tangar iiri, nga kou yo su porongowon. 31Ono sono tu yo pongukuman nu wonuo tu. Kosiono tu yo ponusuban nu Wowaidon nu Moinat, iri mogkuasa nu wonuo tu. 32Nga suat so Aku, bang kosalib Aku yo, ingolan Ku kiawi' lobuw su' poimaid so Aku,” koo. 33Minutangar Iyo soko iri pokoilo nu poomatoi Niyo.

34Mutongaro yo lobuw suang-i so Iyo nu, “Nokosurat-o so buuk nu Ukum mai nu, Raja Nijanji nu Kinoringan oono dai matoi musingkolaid. Nokuro su tongaron Mu nu subai kosalib Anak nu Riniba? Isai ka Anak nu Riniba oono?” koo nosiro.#Lgu 110:4; Yis 9:7; Dan 7:14

35Sumombuto yo si Yisus nu, “Aku yo su onawau, om sontagal po onawau oono nai-nai so kou. Sunduri muyu yo gogoma'on muyu no nu laid po nai so kou onawau-o, su' dai kou kopanou so kotuongan. Lobuw mompanou so otuong, dai oilaan sunduran niyo no. 36Poimaid kou yo nu onawau oono nu laid po nai so kou no, su' musiliw kou nu lobuw miau so onawau,” koo. Notangar po Niyo iri, mulaiwo yo Iyo om dai yo sono minokisiou so nosiro.

Dai Poimaid ongo lobuw Yaudi so si Yisus

37Pudi pona osuang-o nowaal ni Yisus nu koiran-iran nosiou nosiro, dai ya poimaid nosiro so Iyo, 38tayon ong otuman tinangar ni Yisaya, poo'abar nu Kinoringan gulu ri nu,

“Oo Tuhan, d'ado lobuw poimaid

nu tuturan mai no.

D'ado lobuw kosiou

nu kobontugan Mu,”

koo ri.#Yis 53:1

39Dai nosiro poimaid, so' kitangar Kinoringan nilombus ni Yisaya nu,

40“Binolou Ku nosiro,

su' dai nosiro kosiou,

om pinokosog Ku inawo nosiro,

su' dai nosiro koorati.

Om dai nosiro mululi' tuui so Aku,

su' poli'an Ku nosiro,”

koo ri.#Yis 6:10

41Tinangar ni Yisaya soko iri so' nosiou-o niyo kobontugan ni Yisus, om si Yisus-o su kinuan niyo.

42Soko iri pona, osuang-a lobuw om pudi wowaidon nu Yaudi nopoimaid so si Yisus. Nga dai kooku' nosiro pointolang so' lumaa' nosiro nu dai poosuwon nu lobuw Parisi so waloi sosombooyangan. 43Mokiroyowon po nosiro so lobuw ko' so Kinoringan.

Tinongaran-o ni Yisus su mongukum

44Lumuapo yo si Yisus mutangar nu, “Isai poimaid so Aku, okon ko Aku ya su koimaidan niyo, nga poimaid po nu minonuu' so Aku no. 45Om isai kosiou so Aku, kosiou-a nu minonuu' so Aku no. 46Linumoga' Aku so wonuo tu soko onawau, su' isai poimaid so Aku no dai kopolak so kotuongan. 47Isai korongou nu pontudukan Ku no nga dai poimaid, okon-a ko Aku su mongukum so iyo. Okon ko monginsaad nu lobuw tomod Ku lumoga' so wonuo tu, sondiang ko' monapul. 48Isai dai monorima' so Aku om dai mongimaid nu totongaron Ku, ukumon ong wagu. Totongaron Ku no yo, pongukum Ku so iyo so pongoowi'an nu wonuo tu. 49Dai Aku ya mutotongaron mongowaid nu koinginan Ku kondiri, nga si Amo yo, ono minonuu' so Aku lumoga' no su poputangar so Aku nu onu yo po opatut niabar Ku. 50Om oilaan Ku yo nu kiawi' nisuu' Niyo koponaak nu kowiawan musingkolaid. Ono yo ko' ombo yo po nikodau ni Amo so Aku no, ono yo su nituturan Ku so kou,” koo si Yisus.

Currently Selected:

Yuanis 12: TomPWPgLgPn

Highlight

Copy