Гъэсэпэтхыдэхэр 4
4
ЕПЛӀАНЭ ӀЫХЬЭ
Ӏущыгъэр псом я щхьэщ
1ФыкъедаӀуэт, щӀалэхэ, фи адэ и ущие,
гупсэхуу фыщӀэдэӀут, акъыл хэфхыным
щхьэкӀэ –
2сэ фэ вжесӀэнур гъэсэпэтхыдэжьщ,
фызыхуэзущийр фымыщӀ ӀэщӀыб.
3Си адэ и жьэгужь щӀалэжь цӀыкӀуу
сыщыдэсым,
си анэ и щӀалэ гъэфӀэн закъуэу
сыщыщытым,
4си адэ сиущийурэ къызжиӀэрт:
«Уигу иубыдэ псалъэу уэркӀэ хэсхыр,
унафэу пхуэсщӀым утемыкӀмэ, гъащӀэ уиӀэщ.
5Ӏущыгъэрэ акъылрэ зэгъэгъуэт;
псалъэу бжесӀахэр уигу иумыгъэхуж икӀи
умыбгынэ.
6умыщӀ ӀэщӀыб Ӏущыгъэр – абы укъихъумэнщ,
гурыщӀэ дахэ хуэщӀи, укъызэтринэнщ.
7ЩыӀэкъым Ӏущыгъэм и щхьэ кӀуэ,
зэбгъэгъуэтыну ар хущӀэкъу.
Сыт уи Ӏэ къимыхьэми, акъылыр япэ уэ игъэщ#4:7 Е «Сыт убгъэдэмылъами, акъыл абыкӀэ зэгъэгъуэт»..
8Лъытэныгъэ хуэщӀи, уигъэлъэпӀэжынщ,
уи гур хузэӀупхмэ#4:8 Журт. «ӀэплӀэ епшэкӀмэ»., щытхъуи къыпхуихьынщ.
9Къыпхилъхьэнщ абы уэ щэн дахэ,
уи щӀыхьри лъагэу иӀэтынщ#4:9 Журт. «къыпщхьэратӀэгъэнщ абыхэм уэ къэгъагъэ блэрыр, щӀыхь пыӀэм я нэхъ лъапӀэмкӀи къотэнщ». КъикӀым теухуауэ зэддзэкӀауэ аращ.».
10КъызэдаӀуи, щӀалэ, псалъэу пхухэсхахэр
къащтэ,
итӀанэ гъащӀэ кӀыхь ухъунщ.
11Узыхуэзущийр Ӏущыгъэм и гъуэгущ,
узытезгъэувэри абы и лъагъуэ захуэхэрщ.
12УщрикӀуэкӀэ – щӀэкӀынущ уи лъэр хуиту,
ущрижэкӀи – улъэпэрэпэнкъым.
13Си ущие быдэу иригъуазэ, ухуэмыбэлэрыгъ;
уи гъащӀэр абы хэлъщи, тегъэт уи нэӀэ.
14БзаджащӀэхэм я гъуэгу утемыувэ,
щӀэпхъаджэхэм я лъагъуэ думычых.
15Зыщыдзей а гъуэгум, уримыкӀуэ,
уи щӀыб хуэгъази, блэкӀ.
16ЯщӀэнукъым абыхэм еши псэхуи,
бзаджагъэ гуэр ямыщӀэу щытмэ,
жей жыхуаӀэри яӀэнукъым,
зыгуэрым зэраныгъэ ирамыхыу щытмэ.
17Ялэжьмэ мыхъумыщӀагъэ –
я мэжэщӀалӀэ ягъэнщӀым хуэдэщ,
я псыхуэлӀэ зэрырагъэкӀри лей
зэрахьэрщ#4:17 Журт. «Хабзэншагъэм и щӀакхъуэр яшхри, щӀэпхъаджагъэм и санэр ираф». КъикӀым теухуауэ зэддзэкӀауэ аращ..
18ЗахуащӀэхэм я гъуэгу пщэдджыжь пшэкӀэплъ
къэщӀыгъуэм ещхьщ,
дыгъэпсым зиӀэтыху нэхъ ину
къызэщӀэблэу.
19Ауэ бзаджащӀэхэм я гъуэгу мазэхэ жэщым
хуэдэщ;
я гущхьэ лъапсэм къэкӀкъым
зыгъэлъэпэрапэр сытми.
20Си щӀалэ, си жыӀэ уи нэӀэ тегъэт;
си псалъэхэми уигу теухуауэ едаӀуэ.
21Абыхэм зэикӀ уатемыплъэкъукӀ,
ахэр зэикӀ уигу иумыгъэху;
22къэзыгъуэтымкӀэ ахэр гъащӀэщ,
ӀэпкълъэпкъымкӀи – узыншагъэщ.
23Псом япэ уигу щыхъу-щыщӀэхэм хуэсакъ,
аращ уи гъащӀэ гъуэгур зыунэтӀыр#4:23 Журт. «гъащӀэр къыщежьэр абдежщ». КъикӀым теухуауэ зэддзэкӀауэ аращ..
24ПцӀым зыщыхъумэ,
уи бзэгупэ псалъэ пхэнж
къытумыгъыхьэ.
25УтемыплъэкъукӀыу япэкӀэ плъэ зэпыт,
щрет уи гур хуэгъэзауэ а лъэныкъуэм.
26Гъуэгу захуэм узэрытемыкӀынум егупсыси,
шынагъуэншэ хъунщ уи кӀуапӀэр.
27Думыдзых ижькӀи, сэмэгукӀи,
хуэщӀ уи лъэр ем пэӀэщӀэ.
Currently Selected:
Гъэсэпэтхыдэхэр 4: АдгФЛ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2009, 2018, 2021
