ಅಪೊಸ್ತಲ್ 2

ಪವಿತ್ರಾತ್ಮಾಚ಼ ಯನ

1ಪಂಚಾಶತಮಾನ#2:1 ಪಸ್ಕಾಚಾ ಸನಾಚೆ ನಂತರ್ ಪನ್ನಾಸಾವ್ಯಾ ದಿಸಾತ್ ಯೆಹುದಿ ಲಾನಿಚಾ಼ ಸನ್ ಕರ್ತ್ಯಾತ ಹ್ಯಾ ದಿಸಾಲಾ ಪಂಚಾಶತಮಾನಾಚಾ಼ ದಿಸ್ ಮಂಥ್ಯಾತ ಸನಾಚಾ಼ ದೀಸ್ ಆಲಾ ತವಾ ತೀ ಸಗ್ಳಿ ಇಸ್ವಾಸಿ ಲೊಕ ಯಕಿಕ್ಡಸ್ ಮಿಳಾಲಿತ. 2ತವಾ ಅಬ್ಳಾತ್ನಿ ಯೊಕ್ ಸಬ್ದ ಯಗ್ದಮ್ ಆಲಾ ವಾರಮುಡಿಚೆಗತ್ ತ್ಯೊ ಸಬ್ದ ಹುತ್ತಾ. ತೆ ಬಸ್‌ಲ್ಯಾಲ್ಯಾ ಗರ‍್ಹಾತ್ ಸಗ್‍ಳ್ಯಾ ತ್ಯೊ ಸಬ್ದ ಬರ‍್ಲಾ ಹುತ್ತಾ. 3ಆನಿ ಯಗ್‌ಳ್ಯಾ ಯಗ್‌ಳ್ಯಾ ವ್ಹಯಿತ್ ಆಸ್‌ಲ್ಯಾಲ್ಯಾ ಇಸ್‌ಥ್ಯಾಚಾ ಜಿಬಿ ಶಾರ್ಕ್ಯಾ ತ್ಯನಾ ದಿಸಲ್ಯಾ, ಆನಿ ಪರತೇಕಾವ ತ್ಯಾ ಯೇಕ್ ಯೇಕ್ ಆಲ್ಯಾ. 4ತೀ ಸಗ್ಳಿ ಪವಿತ್ರಾತ್ಮಾನಿ ಬರ್‌ಲ್ಯಾಲಿ ಜಾ಼ಲಿತ ಆನಿ ದುಸ್ರೆ ದುಸ್ರೆ ಬಾಶೆತ್ನಿ ಬೊಲಾಯಾ ಲಾಗ್ಲಿತ ಪವಿತ್ರಾತ್ಮಾನಿಸ್ ತ್ಯ ಬಳ್ ತ್ಯನಾ ದಿಲ.

5ಖುಬ್ ಬಕ್ತಿವಾನ್ ಯೆಹುದಿ ತ್ಯಾ ಯಳಾತ್ ಯೇರುಸಲೇಮಿತ್ ಹುತ್ತ. ಹ್ಯಂಚಿಪ ದುನೆತ್‌ಲೆ ಪರತೇಕ್ ದೇಶೆತ್ನಿ ಆಲ್ಯಾಲಿ ಲೊಕ ಹುತ್ತಿತ. 6ತ್ಯೊ ಸಬ್ದ ಆಲಾ ತವಾ ಲೊಕ ಸಗ್ಳಿ ಯೇಕ್ ವ್ಹವುನ್ ಯವುನ್ ಪರತೇಕ್ ಜ಼ನ ಆಪ್ಲೆ ಆಪ್ಲೆ ಬಾಶೆತ್ ತೀ ಬೊಲ್‌ತ್ಯಾಲಿ ಬಗು‍ನ್ ಆಜಾಬ್ ಜಾ಼ಲಿತ. 7ತೇ ಸಗ್ಳ ಆಜಾಬ್ ವ್ಹವುನ್, “ಬಗಾ; ಹೆ ಬೊಲ್‌ತ್ಯಾಲ ಸಗ್ಳ ಗಲಿಲಾಯಾತ್ಲ ನವ್ಹ ಕ್ಯಾ? 8ಫನ್ ಆಮಿ ಪರತೇಕ್ ಯೊಕ್ ಆಮ್ಚೆ ಆಮ್ಚೆ ಸ್ವತಾಚೆ ಬಾಶೆತ್ ಹೆ ಬೊಲ್‌ತ್ಯಾಲ ಐಕ್‌ತ್ಯಾವ್ ನವ್ಹ, ಹ್ಯ ಕಸ? 9ಆಮ್ಚಿಪ ಪಾರ್ತಿ, ಮೆದಿ ಆನಿ ಎಲಾಮಿ, ಮೆಸೊಪೊಟೆಮಾ, ಯುದಾಯ್, ಕಪದೊಕ್ಯಾತ್ಲ, ಪೊಂತ್ಯಾತ್ಲ, ಆಶಾ. 10ಪ್ರಿಜಿಯಾತ್ಲ, ಪಾಂಪಿಲಿಯಾತ್ಲ, ಈಜಿಪ್ಟಾತ್ಲ, ಆನಿ ಸೆರೆನಿಚೆ ಜ಼ವಳ್ ಆಸ್‌ಲ್ಯಾಲ ಲೆಬಿಯಾ ಗಾವಾತ್ಲ ಆನಿ ಆಮ್ಚಾತ್ಲ ಥೊಡ ರೊಮಾತ್ಲ ಹಾತ್ತ. 11ಯೆಹುದಿ ಆನಿ ಯೆಹುದಿ ಧರ್ಮ ಪ್ಯಾಳ್‌ತ್ಯಾಲಿ ದುಸ್ರಿ ಲೊಕ ಕ್ರೆತಾ ಆನಿ ಅರಬಿ ದೇಶೆತ್ಲಿ ಜಾ಼ಲ್ಯಾಲಿ ಆಮಿ ಆಮ್ಚೆ ಆಮ್ಚೆ ಬಾಶೆತ್ನಿ ಹ್ಯಂಚಾನಿ ದೇವಾಚಾ ಮಹತ್ಕಾರಾಚೆ ಗುಶ್ಟಿತ್ ಸಾಂಗ್‌ತ್ಯಾಲ ಐಕ್‌ಲ್ಯಾ ಮನ್ಲಿತ. 12ಲೊಕ ಸಗ್ಳ ಗಾಬ್ರುನ್ ಆನಿ ಗುಂದ್ಳುನ್, ಹ್ಯ ಕ್ಯಾ ಆಸಲ್? ಮನ್ಹುನ್ ಯಕಾಮಕಾಲಾ ಇಚಾರಾಯಾ ಲಾಗ್ಲ.

13ಥೊಡ್ಯಾಂಚಾನಿ ಅಪೊಸ್ತಲಾನಾ ಬಗುನ್ ಹೇ ಖುಬ್ ದರಾಕ್ಷಿಚಾ಼ ರಸ್ ಪಿವುನ್ ನಿಶಾ ಚ಼ಡ್ಲಿ ಮನ್ಹುನ್ ಮಸ್ಕರಿ ಕಿಲಿ.

ಪೇತ್ರಾಚ಼ ಸಾಂಗ್ನ

14ಮಂಗ್ ಪೇತ್ರಾ ಉರಲ್ಯಾಲ್ಯಾ ಆಕ್ರಾಜಾ಼ನ್ ಆಪೊಸ್ತಲಾಂಚಿ ಸಂಗ ಉಠುನ್ ಉಬಾ ರಾಹುನ್. ಸಗ್‍ಳ್ಯಾನಾ ಐಕಜೊ಼ಗಾ ಜೊ಼ರಾನಿ ಆಸಾ ಮನ್ಲಾ ಯಹುದ್ಯಾನು ಯೇರುಸಲೇಮಿತಲ್ಯಾನು ಐಕಾ ತುಮಾನಾ ಸಮಜಾ಼ಯಾ ವ್ಹಯಿ ಜಾ಼ಲ್ಯಾಲಿ ಖನ್ಕತ್ ಫುಡುನ್ ಸಾಂಗ್ತೊ. 15ತುಮಿ ಮಂತ್ಯಾಚೆಗತ್ ಹಿ ಲೊಕ ಪಿವುನ್ ನಿಶಾ ಚ಼ಡಲ್ಯಾಲಿ ನವ್ಹತ. ಆತಾ ಸಕಾಳಚ಼ ನವು ಗಂಟ ತ್ಯವ್ಡಸ್!. 16ಫನ್ ಆತಾಹಿತ್ತ ಚಾ಼ಲತ್ಯಾಲ್ಯಾ ಖನ್ಕತಿಂಚೆ ಗುಶ್ಟಿತ್ ಪ್ರವಾದಿ ಜಾ಼ಲ್ಯಾಲಾ ಯೊವೆಲ್ ಆಸಾ ಬೊಲ್ಯಾ:

17ದೇವ್ ಆಸಾ ಮಂಥ್ಯೊ ಸೇವಟ್ಚಾ ದಿಸಾತ್ ಆಸ ವ್ಹಯಿಲ್ ಮಿ ಮಾನ್ಸಾನಾ ಮಾಜ಼ ಆತ್ಮ ದಿಯಿನ್ತವಾ ಪ್ಯೊರ್ಗ್ಯಾನಾ ಪುರಿನಾ ಭವಿಶ್ವಾನಿ ಸಾಂಗ್ನಾರ್ ತುಮ್ಚಾ ತರ್ನ್ಯಾನಾ ದರ್ಶಾನ ಗಾವ್ನಾರ ತುಮ್ಚಾ ವಡ್ಲಾನಾ ಸಪ್ನ ಪಡ್ನಾರ್

18ಆನಿ ಮಾಜ಼ ಆತ್ಮ ಮಿ ಮಾಜಾ ಸೆವಕ್ ಆನಿ ಸೆವಕಿಂಚಿವ ದೆನಾರ್ ತಿಬಿ ಭವಿಶ್ವಾನಿ ಸಾಂಗ್ನಾರ್.

19ಆನಿ ವರ್ ಅಬ್ಳಾತ್ ಅದ್ಬುತ ಖಾಲ್ ದರ್ಥೀವ ಚಿ಼ನ್ನ, ಮಂಜೆ ರಗಾತ್, ಇಸ್ಥು, ಆನಿ ಹವಚಿವಾಪ್ ಆಸ ಮಿ ದಾವಿನ್.

20ಆನಿ ದೀಸಾವ ಆಂದಾರ್ ಯನಾರ್ ಚಾ಼ಂದ್ ರಕ್ತಾಚೆಗತ್ ತಾಂಬ್ಡಾ ವ್ಹನಾರ್ ತವಾ ಪ್ರಭುಚ಼ ಯನ ಮೈಮೆಚಾ಼ ಆನಿ ಮೊಟಾ ದೀಸ್ ಯನಾರ್.

21ಪ್ರಭುಚಾ ನಾವಾನಿ ಮಾಗ್ನ ಕರ್ನಾರ‍್ಯಾ ಸಗ್‌ಳ್ಯಾಂಚ಼ ರಕ್ಶನ್ ವ್ಹನಾರ್. #ಯೊವೆಲ 2:28-32

22ಇಸ್ರಾಯೆಲ್ ಲೊಕಾನು ಮಿ ಸಾಂಗ್‌ತ್ಯಾಲ ಐಕಾ ನಜ಼ರೇತಿಚಾ಼ ಯೇಸು ಹಾ ಮನ್ಹುನ್ ತುಮಾನಾ ಠಾವ ಆಸ್‌ಲ್ಯಾಚೆಗತ್ ದೇವಾನಿ ತ್ಯಚಾ ಹಾತಾನಿ ಮೊಟಿ ಆನಿ ಚಮತ್ಕಾರಾಚಿ ಕಾಮ ತುಮ್ಚಿಪ ಚಾ಼ಲ್ವುನ್ ತ್ಯೊ ಆಪ್‌ಲ್ಯಾಲಾ ಆವಾಡಲ್ಯಾ ಮನ್ಹುನ್ ತುಮಾನಾ ತ್ಯನಿ ಶಾರ್ಕ ದಾವುನ್ ದಿಲ್ಯಾ. 23ಯೇಸುಲಾ ತುಮ್ಚಾ ತಾಬ್ಯಾತ್ ದಿಲ್ತಾ ತುಮಿ ಬುರ್ಶಾಂಚೆ ಮಜ಼ತಿನಿ ಶಿಲುಬೆವ ಗ್ಯಾತ್ಲಾಸಾ ಫನ್ ಹ್ಯ ಸಗ್ಳ ವ್ಹನಾರ್ ಮನ್ಹುನ್ ದೇವಾಲಾ ಠಾವ ಹುತ್ತ. ಹೀ ದೇವಾಚಿ ಯವಜ್ನಾ಼. 24ಯೇಸುನಿ ಮರ್ನಾಚಾ಼ ತರಾಸ್ ಗೆತ್ಲಾ. ಫನ್ ದೇವಾನಿ ತ್ಯಲಾ ಸುಡಿವ್ಲಾ ದೇವಾನಿ ಯೇಸುಲಾ ಮೇಲ್ಯಾಲ್ಯಾತ್ನಿ ಜಿತ್ತಾ ಕರುನ್ ಉಠಿವ್ಲಾ. ಮರ್ನಾಚೆ ಹಾತ್ನಿ ಯೇಸುಲಾ ದರಯಾ ಜಾ಼ಲ್ಹ ನಾಹಿ. 25ಯೇಸುಚೆ ಗುಶ್ಟಿತ್ ದಾವಿದಾನಿ ಆಸ ಸಾಂಗ್‌ಲ್ಯಾ, “ಪ್ರಭು ಕವಾಬಿ ಮಾಜೆ ಮೊರ‍್ಹ ಆಸ್‌ಲ್ಯಾಲಾ ಬಗ್‌ಲ್ಯಾ ಮೀ ಡಳು ನಾಹಿ ಆಸ ಮಾಜೆ ಉಜ಼ವ್ಯಾಂಗ್ನಿಸ್ ಹಾ.

26ಮನ್ಹುನ್ ಮಾಜ಼ ಮನ್ ಆನಂದಾನಿ ಬರ್‌ಲ್ಯಾ. ಮಾಜ಼ ತ್ವಾಂಡ್ ವವ್ಯಾಳ್‌ತ್ಯಾ, ಮಾಜ಼ ಶರೀರ್ ಆಶಾನಿ ಬರ‍್ಹುನ್ ಹಾ.

27ಕಾ ಮಂಜೆ ತು ಮಾಜಾ ಜೀವಾಚ಼ ಆತ್ಮ ಪಾತಾಳಾತ್ ಸುಡಿತ್ನಾಹಿಸ್, ಮಾಜಾ ಪವಿತ್ರ ಮಾನ್ಸಾಲಾ ಕುಜು಼ದಿಯಿತ್ ನಾಹಿಸ್.

28ಆಸ ಜೀವ್ನಾ ಕರಾಯಾ ವ್ಹಯಿ ಮನ್ಹುನ್ ತು ಮನಾ ದ್ಯಾವ್ಲಸ್ ತುಜೆ ಮೊರ್ಹಸ್ ಮನಾ ಆನಂದಾನಿ ಬರಿವ್ನಾರ್ ಮನ್ಹುನ್ ಸಾಂಗ್‍ಲ್ಯಾ. #ಕಿರ್ತನ್ 16:8-11

29ಮಾಜೆ ಬನ್ಹಿ ಬಾವ್ಹಾನು ಆಮಚಾ಼ ಪೈಲಾ ವಡಿಲ್ ರಾಜಾ಼ ದಾವಿದಾಚೆ ಗುಶ್ಟಿತ್ ಮಿ ತುಮಾನಾ ಖರ ಸಾಂಗ್ತೊ. ತ್ಯೊ ಮೆಲಾ ಆನಿ ತ್ಯಲಾ ಪುರ್ಲಾ ತ್ಯಚಿ ಮಸುರ್ಡಿ ಆಮ್ಚೆ ಮದ್ದಿ ಆಜ಼್ಪರೇತ್ ಹಾ. 30ದಾವಿದ್ ಯೊಕ್ ಪ್ರವಾದಿ ಜಾ಼ಲ್ಥಾ ಆನಿ ತುಜೆ ಪಿಳ್ಗಿತ್‌ಲ್ಯಾ ಯಕಾಲಾ ತುಜೆ ರಾಜ್ ಚಾ಼ಲಿವತ್ಯಾಲೆ ಖುರ್ಚಿವ ಬಸಿವ್ನಾರ್ ಮನ್ಹುನ್ ದೇವಾನಿ ತ್ಯಲಾ ಶಪ್ಪತ್ ದಿವುನ್ ವಚ಼ನ್ ದಿಲ್ಯಾಲ ತ್ಯಲಾ ಠಾವ ಹುತ್ತ. 31ದೇವ್ ಮೊರ‍್ಹ ಕ್ಯಾ ಕರ್ನಾರ್ ಮನ್ಹುನ್ ದಾವಿದಾಲಾ ಠಾವ ಹುತ್ತ. ಯೇಸು ಮರ್ನಾತ್ನಿ ಜಿತ್ತಾ ವ್ಹಯಾಚೆ ಗುಶ್ಟಿತ್,

ತ್ಯಲಾ ಪಾತಾಳಾತ್ ಶೊಡ್ನಾರ್ ನಾಹಿ ಮನ್ಹುನ್ ತ್ಯಚ಼ ಶರೀರ್ ಕುಜು಼ದಿಯಿತ್ ನಾಹಿಸ್ ಮನ್ಹುನ್ ಸಾಂಗ್ಲ. 32ಮನ್ಹುನ್ ದೇವಾನಿ ಯೇಸುಲಾ ಮರ‍್ನಾತ್ನಿ ಜಿತ್ತಾ ಕರುನ್ ಉಠಿವಲ್ಯಾಲ್ಯಾ ಹ್ಯಲಾ ಆಮಿ ಸಗ್ಳ ಸಾಕ್ಷಿ ಆಮಿ ತ್ಯಲಾ ಬಗ್‌ಲ್ಯಾ. 33ಯೇಸು ಸ್ವರ್ಗಾತ್ ಗೆಲಾ ಆತಾ ತ್ಯೊ ತಿಥ ಹಾ ದೇವಾಚೆ ಉಜ಼ವ್ಯಾಂಗ್ನಿ ಹಾ ಆತಾ ದೇವಾನಿ ಪವಿತ್ರಾತ್ಮ ಯೇಸುಲಾ ದಿಲ್ಯಾ. ಪವಿತ್ರಾತ್ಮ ದೇನಾರ್ ಮನ್ಹುನ್ ದೇವಾನಿ ಸಬ್ದ ದಿಲ್ತಾ ಮನ್ಹುನ್ ಯೇಸುನಿ ಆತಾ ತ್ಯ ಆತ್ಮ ದಿಲ್ಯಾ. ತುಮಿ ಬಗ್‌ತ್ಯಾಲ ಆನಿ ಐಕ್‌ತ್ಯಾಲ ಹ್ಯಸ್. 34ದಾವಿದ್ ರಾಜಾ಼ ಸ್ವರ್ಗಾತ್ ಗೆಲಾ ನಾಹಿ ಫನ್ ತ್ಯೊ ಸಾಂಗತ್ಯಾಲಾ ಕ್ಯಾ ಮಂಜೆ.

35ಮಿ ತುಜಾ ವಾದಿನಾ ತುಜಾ ಪಾಯಾಖಾಲ್ ಗಾಲಿ ಪರತ್ ತು ಮಾಜೆ ಉಜ಼ವ್ಯಾಂಗ್ನಿ ಬಸುನ್ ರ‍್ಹಾ. #ಕಿರ್ತನ್ 110:1 36ಮನ್ಹುನ್ ಸಗ್‌ಳ್ಯಾ ಯೆಹುದ್ಯಾಂಚಾನಿ ಹ್ಯ ಖರ‍್ಯಾನಿ ಸಮಜು಼ನ್ ಗಿಹ್ಯಾ ವ್ಹಯಿ. ತುಮಿ ಶಿಲ್ಬೆವ ಗಾಲ್ಹುನ್ ಮ್ಯಾರಲ್ಯಾಲ್ಯಾಲಾ ದೆವಾನಿ ಪ್ರಭು ಆನಿ ಕ್ರಿಸ್ತ ಮನ್ಹುನ್ ಥರಿವ್ಲಾ.

37ಹ್ಯ ಐಕ್ಲ ತವಾ ತ್ಯಂಚೆ ಶಾತಿತ್ ಕಾಟಾ ಬೊಚ಼ಲ್ಯಾಚೆಗತ್ ಜಾ಼ಲ್ಹಾ ತ್ಯಂಚಾನಿ ಪೇತ್ರಾಲಾ ಆನಿ ಅಪೊಸ್ತಲಾನಾ, “ಬಾವ್ಹಾನು ಆತಾ ಆಮಿ ಕ್ಯಾ ಕರಾಯಾ ವ್ಹಯಿ? ಮನ್ಹುನ್ ಇಚಾರ್ಲ.

38ಪೇತ್ರನಾನಿ ತ್ಯನಾ ತುಮ್ಚಾತ್ ಪರತೇಕ್ ಯಕಾನಿ ತುಮ್ಚಾ ಪಾಪಾಂಚೆಸಾಟಿ ಪಶ್ಚಾತಾಪಾನಿ ದೇವಾಕ್ಡ ಪರ್ತುನ್ ಯೇಸು ಕ್ರಿಸ್ತಾಚಾ ನಾವಾನಿ ಬಾಪ್ತಿಸ್ಮಾ ಗೆವ್ಹಾ. ತವಾ ದೇವ್ ತುಮ್ಚಿ ಪಾಪ ಮಾಪ್ಕರೀಲ್. ಆನಿ ದೇವಾನಿ ಸಬ್ದ ದಿಲ್ಯಾಲಾ ವರ್ ಪವಿತ್ರಾತ್ಮ ಗಿಸಿಲಾ. 39ದೇವಾಚಾ಼ ಸಬ್ದ ತುಮಾನಾ ತುಮ್ಚಾ ಪೊರಾನಾ ಖುಬ್ ದುರ್ ಆಸ್‌ಲ್ಯಾಲ್ಯಾ ಲೊಕಾನಾ ದಿಲ್ಯಾ. ಪ್ರಭು ಆಮ್ಚಾ ದೇವಾನಿ ಆಪ್ಲಿಪ ಹಾಕಟ್‌ಲ್ಯಾಲ್ಯಾ ಪರ್ತೇಕಾಲಾ ಹ್ಯೊ ಸಬ್ದ ದಿಲ್ಯಾ. ಮನ್ಲಾ.

40ಪೆತ್ರಾನಿ ಆನಿಕ್ ದುಸರ‍್ಯಾ ಸಬ್ದಾಂಚಾನಿ ತ್ಯನಾ ಖಡ್ಯಾವುನ್ ಹೇ ಬುರ್ಸೆ ಪಿಳ್ಗಿಚೆ ಶಿಕ್ಷಾತ್ನಿ ತುಮಿ ಚು಼ಕ್ವುನ್ ಗೆವ್ಹಾ ಮನ್ಲಾ.

41ನ್ಯಾಯಿ ತಿರ್ಮಾನಾಲಾ ಆತ್ ಜಾ಼ಲ್ಯಾಲ್ಯಾಂಚಿಪ್ನಿ ಚು಼ಕ್ವುನ್ ಗೆವ್ಹಾ ಮನ್ಹುನ್ ಸಾಂಗ್‌ಲ್ಯಾಲ ಐಕ್‌ಲ್ಯಾಲ್ಯಾ ಲೊಕಾಂಚಾನಿ ಬಾಪ್ತಿಸ್ಮಾ ಗಿತ್ಲಿ. ತೀಸಿ ಜ಼ವ ಜ಼ವಳ್ ತೀನ್ ಹಾಜಾ಼ರ್ ಲೊಕ ತ್ಯಂಚಿ ಸಂಗ ಮಿಸಾಳ್ಳಿತ. 42ಹಿ ಸಗ್ಳಿ ಅಪೊಸ್ತಲಾಂಚ಼ ಶಿಕ್ಷನ ಐಕ್‌ನ್ಯಾತ್ ಬಾವ್ಹಾಂಚೆ ಯಕಿತ್ ಮಿಳುನ್ ಖಾತ್ಯಾಲ್ಯಾತ್ ಮಾಗ್ನ ಕರ್ನ್ಯಾತ್ ರಾಹಿತಿತ.

ಇಸ್ವಾಸಿಂಚಾ಼ ಜೀವ್ನಾ

43ಅಪೊಸ್ತಲ್ ಖುಬ್ ಚಮತ್ಕಾರಾಚಿ ಕಾಮ ಆನಿ ಸಾಕ್ಷಿ ಕರಿತ ಆನಿ ಪರತೇಕ್ ಯಕಾಲಾ ದೇವಾವ ಭೆ ಆನಿ ಭಕ್ತಿ ಆಲಿ. 44ಸಗ್ಳಿ ಇಸ್ವಾಸಿ ಯಕಿಕ್ಡಸ್ ರಾಹಿತಿತ ತೀ ಆಪ್ಲ ಪರ್ತೇಕ್ ಯಾಕ್ ಸಾಮಾನ್ ವಾಟುನ್ ಗಿಹಿತಿತ. 45ಆಪ್ಲಿ ಜಿಮಿನ್ ಆನಿ ಆಪ್ಲ ಮ್ಹಾಲ್ಮಾತ ಇಕುನ್ ಆಲ್ಯಾಲ ಪೈಸ ಸಗ್ಳ ತ್ಯಂಚಿ ಗರಜ಼್ ಆಸ್‌ಲ್ಯಾನಾ ವಾಟುನ್ ದಿಯಿತಿತ. 46ಖಾಯಿಮ್ ದೇವ್ಳಾತ್ ಜ಼ಮತಿತ ತ್ಯಂಚಾ಼ ಸಗ್‌ಳ್ಯಾಂಚಾ಼ ಉದ್ದೆಸ್ ಯೊಕುಸ್ ಜಾ಼ಲ್ಥಾ ತೆ ಆಪ್‌ಲ್ಯಾ ಗರ‍್ಹಾತ್ನಿ ಬಾಕ್‌ರ‍್ಯಾ ಮುಡುನ್ ಸಗ್ಳಿ ಮಿಳುನ್ ಖಾಯಿತಿತ. ತ್ಯಂಚಿ ಖರಿ ಮನ ಆನಂದಾನಿ ಬರ್ಲಿ ಹುತ್ತಿತ. 47ತೀ ದೇವಾಲಾ ಸ್ತುತಿ ಕರಿತಿತ ಆನಿ ಲೊಕ ಸಗ್ಳಿ ತ್ಯಂಚಿ ಮಾಯಾ ಕರಿತಿತ ಖಾಯಿಮ್ ಖುಬ್ ಲೊಕ ರಕ್ಶನೆತ್ ಯಯಿತಿತ ಪ್ರಭು ತ್ಯನಾ ಸಗ್‌ಳ್ಯಾನಾ ಇಸ್ವಾಸಿಂಚಾ ಮೆಳ್ಯಾತ್ ಗಾಲಿತಾ.

Currently Selected:

ಅಪೊಸ್ತಲ್ 2: NTGMi23

Highlight

Copy