Lucas 4:9-12

Paj ti imosik yamat'iyi'iji ti ijioyiji puwa isi'il, yi'i jlaja Jerusalén. Ijioyi ape'e siupa toj pijia'm yi'i jlaja 'najla'wet, sekyi'i ijliuye'ne ti iyo'ate: —Siuka ijiatatajana'a jlasa'a'm pa Ina', 'yejne'n, sojmajyi'n ka 'nak ataj'le. Niwa inamtis iyo'ate, “Sinia' janjlo'wa napo jijliujwajnas poli jlele, ka in'ye'na'm siu'neje ka inoye'a'm. Ka ayejenie'e niwa jikioye, ti janki'm ajelia'm, ja 'nakayeyijna'a ti ja ke inoyiji'n siuti ja 'as kiajwe japa sisaj.” Jesús isiujlie ti iyo'ate: —Siuniwa Sinia' jlamtis yi'i ni ji'wet iyo'ate, “Ke ejejlit siunie Inka'niona ti Ana'.”