Ap'u 6:1-4

Naran m'ertu avrama kavnelnal arna nadep', a natr tav'et aviak asnr. Dav'a dui, avv'i a natn Atua, avlar tav'et, avv'i net m'ertu, kavla ti avp'eset kavua nki avrni uaki avrama kavv'i a naur. Laha, a Mlin Eia ivr ti a, “M'im'ilk ikav'ana m'a m'ertu ikel, sena ti iv'i m'ertu na nadep' uaki, v'eti p'etu pai ipanelnal ipav'amk pln ipanelru (120) uam anr.” Arna naran lera m'ertu lilil kinkin avlak arna nadep'. Itauatah a si lera ml, dui, avv'i a natn Atua, avm'atr m'er tav'et, avv'i net m'ertu. Dav'a, avlev' a natr dui asnr. Hir avv'i mlin lilil tituei, la m'ertu avvrurr nakl ha.