Ap'u 10

A Natn a Nua itauatah ani

(1 Krunikel 1:5-27)

1Ki laha iv'i nl nam'elar a natn a Nua, avv'i a Sem, a Ham m'ei a Sep'et. A natr dui aviak itauatah a naran nauei ilinkar nadep'.

2Hir a natn a Sep'et avv'i a Kuma, a Makuk, a Matai, a Savan, a Tupal, a Mesek m'ei a Tiras. 3Hir a natn a Kuma avv'i Askenas, a Rivat m'ei a Tukama. 4Hir a natn a Savan avv'i a Ilaisa m'ei a Tasis, a Kitim m'ei a Tutanim. 5M'ertu la avlak a p'ak nata ha avandan asnr, kavlak arna v'anuar. Hir udlani avv'ana arna v'nen ururaur, iviviln a nl nam'elar.

6Hir a natn a Ham avv'i a Kus, a Misraim, a Put m'ei a Kenan. 7Hir a natn a Kus avv'i a Sipa, a Havila, a Sapta, a Rama m'ei a Sapteha. Hir a natn a Rama arv'i a Sipa m'ei a Tetan.

8A Kus iv'i a tetian a Nimrut. Hin ima kav'i tertauamu na mlin lilil arna nadep'. 9A Nimrut iv'i dui lil iraharah arna nahn a Mlin Eia. Sena si lera m'ertu avvruri nakl, kavvr ti a, “A Nimrut lera iv'i dui lil iraharah arna nahn a Mlin Eia nakl.” 10V'anuan itauamu iv'i a Papel, a Ereh, Akat m'ei a Kalnei, arna v'anu iamk, nahan iv'i a Sinar. 11Iruh arna v'anu lera kadav'a a nut Asiria kahl v'anu iv'i a Nineva m'ei a Rehuput m'ei a Kala. 12Kahl a Resen arna p't nut na nut a Nineva m'ei a Kala. A Resen lera iv'i v'anu lil kasiv'r arki uraur.

13A Misraim iv'i a tetiar ardu a Lutim, ardu Anamim, m'er a Lehapim, m'er a Navtuhim, 14m'er a Patrusim, m'er hir a Kasluhim (arm'ertu a Vilistia m'er arm'ertu a Kavturim avaan asnr).

15A Kenan iv'i a tetiar a Saitun iv'i titiamu nan, m'ei a Het, 16m'er arm'ertu a Sepus, Amur, a Kikas, 17a Hivai, Aki m'er hir a Saini, 18Avat, a Semari m'er hir a Hamat. Laha, itauatah, arm'ertu la avaan arna nl nam'elan a Kenan ha, avunanut. 19Dari na v'anuar ardu a Kenan iter arna nut a Saitun. Inap'i lera, apav'el arna navanel kaier a Kerar ha, dav'a kaier nut a Kasa. Sarei, apasapa navanel ipav'a a Satam m'ei a Kamara m'ei Atma m'ei a Sepuim, dav'a kaier a Lasa. 20Arki lera avv'i a natn a Ham, isapa nl nam'elar m'a v'nenar, arna nadep'ar m'a v'anuar.

21Hir a natn a Sem kinkin aviak asnn. A Sep'et iv'i titiamu nan a Sem, la iv'i a tetiar a natn a Epa udlani ha. 22Hir a natn a Sem avv'i a Ilam, Asur, Arvaksat, a Lut m'ei Aram. 23Hir a natn Aram ml avv'i a Us, a Hul, a Keta m'ei a Mas. 24Arvaksat iv'i a tetian a Sala. A Sala iv'i a tetian a Epa. 25Dui arru ariak asn a Epa, tv'aln nahan iv'i a Pelek, sena ti arna naran nen atrpr nadep', tv'aln nahan iv'i a Suktan. 26A Suktan iv'i a tetian Almutat, a Selev, a Hasarmavet m'ei a Sera, 27a Haturam, a Usal, a Tikla, 28a Upal, Apimael, a Sipa, 29a Uvir, a Havila m'ei a Supap. Hir udlani avv'i a natn a Suktan. 30Hir avlak arna nut a Misa kaier ptha lil a Siva, la iter arna Is ha. 31Arki lera avv'i a natn a Sem, kavviviln kavsapa nl nam'elar m'a v'nenar, arna nadep'ar m'a v'anuar.

32Arki lera avv'i nl nam'elar a natn a Nua, kavviviln a m'ertuar arna v'anuar. V'anu udlani avandan asnr kavtupapr hir arna nadep' udlani itauatah a naran nauei ilinkar nadep'.

Currently Selected:

Ap'u 10: nmb

Highlight

Copy