Ruuka 9

Yeesu kaatuma abhatumwa bhaaye ekumi na bhabhiri

(Mataayo 10:5-15; Maariko 6:7-13)

1Yeesu ˆnaabhirikira abhatumwa bhaaye ekumi na bhabhiri. ˆNaabhayaana obhuturo bhwa okubhirimya ebhiwi mu-bhaanu, na obhuturo bhwa okuwosha amarwara. 2ˆNaabhatuma bhagende okuraasisha abhaanu amangʼana ga obhukama bhwa Nyamuwanga, na okuwosha abharwaye.

3Yeesu ˆnaabhwira abhatumwa bhayo ati, “Mu-rugendo rwemwe mwasiga okugega kiinu kyonekyone, mwasiga okugega insimbo, mwasiga okugega esandiko rya ngibho, mwasiga okugega ebhyokurya, mwasiga okugega giiyera, mwasiga okugega na gingibho gya okubharanywa. 4Abhaanu bhakabharamira mu-nyumba yooneyoone mwikare muyomuyo okuyikira anu murisooka mu-musi guyo. 5Abhaanu bhaakarema okubharamira mu-musi gwonegwone, musooke-wo, mukuukumuraga oruteeri rwa ku-maguru geemwe. Okukora kutyo, okuuja okweresha ati Nyamuwanga aabharema kwa okubha abheene bhoone ꞉bhaamuremere.”

6Niwe abheeyigira bhayo mbagenda, mbaturaga mu-magunguri okusooka rinu mbeengira rinu. ꞉Bhaariga mbabhwira abhaanu Amangʼana Amajomu, na okuwosha abharwaye bha mbaara gyone kutyo.

Yerode kaatitibhara

(Mataayo 14:1-12; Maariko 6:14-29)

7Amangʼana ga ebhikorwa bhya Yeesu ngayikira omukama Yerode Antipa. Yerode ˆnaatitibhara kwa okubha abhaanu abhandi ꞉bhaariga mbaaika ati, Yowana asuukire okusooka mu-bhafuuye, niwe kaatogwa Yeesu. 8Abhaanu abhandi, ꞉bhaariga mbaaika ati, omuragi Eriya#9:8 Eriya. Ni muragi wa kara. Ringira 1 Abhakama 17 okuyikira 2 Abhakama 2. niwe asubhire. ꞉Bhaariga bhariwo abhaanu abhandi, mbaaikaga ati, Yeesu ni wumwi wa abharagi bha kara niwe asuukire. 9Nawe, Yerode ˆnaaruguura ˆnaaika ati, “Yowana niwe ꞉naamubhutuuye-ko omutwe! Mmbe, niga uyo enuungwa amangʼana ga ebhikorwa bhyaye?” Okwambira ayo, Yerode ꞉aariga ˆneenda arorane na Yeesu.

Yeesu kaayaana abhaanu bhiwumbi bhitaanu ebhyokurya

(Mataayo 14:13-21; Maariko 6:30-44; Yowana 6:1-14)

10Bhunu abhatumwa bhayo ꞉bhaasubhire ku-Yeesu, ꞉bhaamutondeeye goone kutyo ganu ꞉bhaakorere. Yeesu ˆnaasiga abhaanu abhandi, ˆnaatangasha abhatumwa bhaaye, ˆnaagenda nabho ku-musi gunu ꞉gwatogwaga Bheetisayida. 11Nawe bhunu abhaanu ꞉bhaamenyere enu Yeesu ꞉aariga ari, mbamuseeta-yo. Yeesu ˆnaabharamira kujomu, ˆnaamba okubheeyigisha amangʼana ga obhukama bhwa Nyamuwanga. Na mu-bhaanu bhayo ꞉bhaariga bharimo abharwaye, bhoone Yeesu ˆnaabhawosha.

12Bhunu riisuubha ryarebhereeye okugwa, abhatumwa ekumi na bhabhiri bhayo, mbagenda mbabhwira Yeesu ati, “Anu kiri, ni mw-ibhara. Mmbe, raga abhaanu bhanu bhagende mu-magunguri ga ayeeyi, na mu-misi gya mu-masambu, abhaanu bhanyoore ebhyokurya na owa okumaama.” 13Yeesu ˆnaabhasubhya ati, “Emwe, ni emwe mubhayaane ebhyokurya!” Abhatumwa bheeki mbamusubhya ati, “Eswe kiri na mikaate etaanu na nswi ebhiri era, nawe abhaanu ni bhaafu. Oweenda kigende okugurira abhaanu bhanu bhoone kutyo ebhyokurya?” 14Na abhaanu abharume era, ꞉bhaariga bhari bhiwumbi bhitaanu. Yeesu ˆnaabhwira abheeyigira bhaaye ati, “Mubhabhwire bharooshe amagari bhaanu makumi gataanutaanu kutya.” 15Niwe, abhatumwa mbakora kutyo Yeesu ꞉aariga abharagiriiye, abhaanu mbeekara ansi bhoone kutyo.

16Yeesu ˆnaagega emikaate etaanu, na nswi ebhiri giyo. ˆNaaragamira ku-rwire, ˆnaakumya Nyamuwanga, ˆnaagibhuturabhutura, ˆnaayaana abheeyigira bhaaye bhagabhire abhaanu. 17Abhaanu mbarya, mbeeguta bhoone kutyo. Anu ꞉bhaamarire okurya, ebhyokurya mbisaaga, abheeyigira bhaaye mbakumanya bhikapo ekumi na bhibhiri.

Peetero kaaika ati Yeesu niwe Kiriisitu

(Mataayo 16:13-19; Maariko 8:27-29)

18Orusuku rumwi, Yeesu ꞉aariga ˆnaasaasaama Nyamuwanga abheeye na abheeyigira bhaaye era. Kimwi, Yeesu ˆnaabhabhuusha ati, “Abhaanu abhaanyaika ati ni anye niga?” 19Bheeki mbamusubhya ati, “Abhandi abhaaika ati, ni awe Yowana Omubhatiisha, abhandi ati, ni awe omuragi Eriya, nawe abhandi abhaaika ati, ni awe omuragi wa kara, usuukire era.”

20Yeesu ˆnaabhabhuusha kweki ati, “Emwe omwaika ati ni anye niga?” Peetero ˆnaamusubhya ati, “Ni awe Kiriisitu!#9:20 Kiriisitu. Okuriingʼaana na okwaika ati Masiya. Ni awe ꞉waatumirwe na Nyamuwanga okuuja mu-kyaro!” 21Yeesu ˆnaabhagaanya ati, bhaasiga okubhwira muunu riingʼana riyo.

Yeesu kaaikira orwa okwamba okufwa na okusuuka kwaye

(Mataayo 16:20-28; Maariko 8:30, 9:1)

22ˆNaabhabhwira ati, “Omwana wa Adaamu, eyeendwa anyoore ebhinyansho bhyafu, aremwe na abhakaruka bha Abhayawudi, na abhashengesi abhakuru, na abheeyigisha bha ebhiraagiro bhya Musa, ku-bhuteero bharimwita. Nawe orusuku rwa akasatu kimari Nyamuwanga arimusuura.”

23Kimwi, Yeesu ˆnaabhwira abhaanu bhoone kutyo ati, “Omuunu woonewoone akeenda okubha mwiyigira waani, asige okwiyenda omwene, eetwike omusarabha gwaye#9:23 Eetwike omusarabha gwaye. Kuyo ni kwikirisha Nyamuwanga ku-mutima gwawo gyone kutyo, na okubha wiikirisiishe Yeesu kufwira-ko. ku-nsiku, anseete. 24Kwa okubha, omuunu woonewoone akeenda okuwonʼya obhurame bhwaye omwene, aribhubhusha. Na omuunu akabhusha obhurame bhwaye ku-nsonga yaani, uyo niwe ariwonʼya obhurame bhwaye. 25Angu, ogubha-wo muyeeroki omuunu akanyoora ebhiinu bhyone kutyo ebhya ku-kyaro kunu, akamara okubhinyoora ˆnaafwa? 26Omuunu woonewoone unu arinyiswaririra anye, na ameeyigisho gaani, Omwana wa Adaamu woone arimwiswaririra, bhunu ariijira mu-bhugungyo bhwaye, na obhwa Esemwene na obhwa bhaamaraayika abhataakatiifu. 27Enibhabhwira ekimari ati, mu-bhanu muyambaaye anu, bhariwo abhandi bhatarifwa, bhakyari okurora obhukama bhwa Nyamuwanga!”

Yeesu kaayinduka obhusu

(Mataayo 17:1-8; Maariko 9:2-8)

28Bhunu ꞉aamarire okwaika amangʼana gayo, ngitura muna nsiku munaana kutya, Yeesu ˆnaagega Peetero, Yowana, na Yakobho, ˆnaariinya nabho mu-kiima okusaasaama Nyamuwanga. 29Bhunu ꞉aayikire mu-kiima, ˆnaamba okusaasaama Nyamuwanga. Kimwi, ˆnaayinduka obhusu. Gingibho gyaye, ngibha nyeru pee, ngingʼarabhya muno. 30Mbaaja-wo bhaanu bhabhiri mbaaikanaga na Yeesu. Abhaanu bhayo ni Musa na Eriya. 31Abhabhiri bhayo ꞉bhaariga mbangʼarabhya muno, na ꞉bhaariga mbaaikana nawe amangʼana ga okufwa kwaye Yerusareemu eyo.

32Mu-kabhaga kayo, Peetero na abheejaabho ꞉bhaariga mbawuunirira. Bhunu ꞉bhaasookere mu-ntiro, ꞉bhaarorere kutyo Yeesu ꞉aariga ˆnaangʼarabhya abheeye na abhaanu bhabhiri bhayo. Abhaanu bhayo ꞉bhaariga bhayambaaye amwi nawe. 33Bhunu abhaanu abhabhiri bhayo ꞉bhaagendaga, Peetero ˆnaabhwira Yeesu ati, “Ee Raatabhugenyi, ni kujomu ati kiri anu. Kyumbake anu bhiwuuna bhisatu bhitooto, ekimwi ekyawo, ekindi ekya Musa, na ekindi ekya Eriya.” Peetero ꞉aaikaga ganu atakumenya.

34Bhunu Peetero ꞉aariga akyaika gayo, mbataka era eriire ndibha-wo, ndibhasibhiirisha ndibhatuura agati. Peetero na abheejaabho mboobhaya muno. 35Obhuraka mbusooka mu-riire riyo mbwaika ati, “Unu niwe omwana waani. Niwe nisorere, mumwitegeereshe!” 36Anu obhuraka bhuyo ꞉bhwatemekere, Peetero na abheejaabho mbarora Yeesu ari omwene era. Amangʼana gayo ꞉bhataagabhwiriiye muunu woonewoone ku-nsiku giyo.

Yeesu kaasoosha ekiwi ku-mumura wumwi

(Mataayo 17:14-18; Maariko 9:14-27)

37Bhunu ꞉bhwakyeye, Yeesu na abheeyigira bhaaye abhasatu bhayo, mbooromoka okusooka mu-kiima, mbanyookana na riisangi rya abhaanu. 38Na agati wa abhaanu bhayo, ꞉aariga arimo omuunu wumwi. Omuunu uyo ˆnaamura obhuraka, ˆnaaika ati, “Ee Omwiyigisha, enikusabha, undingirire-ko omumura unu. Unu ni omwana waani wumwi weekiweeki. 39Ekiwi kikamugwataga, ekimukora ˆnaamwaya ˆnaagwa, riifiro ndimusooka mu-kanwa. Akagwa okurinda aatuuma-yo, kaamara ebhaga ereera muno, anyankire muno. 40Neesaasaamire abheeyigira bhaawo ati bhakisooshe-ko, nawe bhaataamibhwa.” 41Yeesu ˆnaaika ati, “Emwe orwibhuro runu rutari na bhwikirisha, bhanu muyabhire mu-mitima gyemwe, niriikara na emwe okuyikira rusukuki? Niribharindirira kuyikira rusukuki? Nuureete omwana waawo uyo anu.”

42Bhunu omwana uyo ꞉aariga ˆnaaja ku-Yeesu, ekiwi kiyo nkimugwisha ansi, nkimuyarashaga. Nawe, Yeesu ˆnaakisiiga kimusooke-ko. Ekiwi nkimusooka-ko, omwana uyo ˆnaawora. Kimwi Yeesu ˆnaamusubhya kw-isemwene. 43Abhaanu bhoone kutyo mbarora obhuturo na obhukuru bhwa Nyamuwanga, mbaruguura muno.

Yeesu kaaikira orwa akabhiri okufwa na okusuuka kwaye

(Mataayo 17:22-23; Maariko 9:30-32)

Bhunu abhaanu ꞉bhaariga bhakyaruguura ebhikorwa bhiyo bhyone kutyo, Yeesu ˆnaabhwira abheeyigira bhaaye ati, 44“Eneenda nibhabhwire amangʼana. Woori, mugeetegeereshe kujomu. Omwana wa Adaamu kaaja okugurwa, ˆnaatuurwa mu-mabhoko ga abhaanu.” 45Nawe, gayo Yeesu ꞉aabhwiriiye abheeyigira bhaaye, ꞉bhataasombookeeywe, kwa okubha riingʼana riyo ꞉ryariga rikyabhisirwe ku-bheene, bhaasiga okumenya insonga yeende-ko. Na ꞉bhaariga mboobhaya okumubhuusha iiguru ya riingʼana riyo.

Omukuru okukira abheejaabho

(Mataayo 18:1-5; Maariko 9:33-37)

46Agati wa abheeyigira bha Yeesu, ngibha-wo giimamba. Mbabhambashaanya ati ni wuuya omukuru okukira abheejaabho. 47Yeesu ˆnaamenya ubhwiganiirisha bhwebhwe. Kimwi ˆnaagega omwana omutooto, ˆnaamuyambaasha ayeeyi nawe, 48ˆnaabhabhwira ati, “Omuunu akaramira omwana omutooto rwa unu kw-isiina ryani, kaabha andamiiye anye. Na omuunu akandamira anye, kaabha aramiiye Nyamuwanga, unu antumire, kwa okubha, omutooto okukira bhoone kutyo, uyo niwe omukuru okukira bhoone kutyo.”

Omuunu akabha atakubharema, uyo ari ku-rubhaara rwemwe

(Maariko 9:38-40)

49Yowana ˆnaabhwira Yeesu ati, “Ee Raatabhugenyi, kirorere omuunu wumwi woone ˆnaabhirimya ebhiwi mu-bhaanu kw-isiina ryawo, nkimugaanya, kwa okubha omwene atari mwiyigira weejaasu.” 50Yeesu ˆnaamusubhya ati, “Mwasiga kumugaanya kweki, kwa okubha omuunu akabha atakurema amangʼana geemwe, uyo ari ku-rubhaara rwemwe.”

Abhasamaariya bhaarema okuramira Yeesu

51Akabhaga ka Yeesu okusubha mu-rwire ꞉kaariga kari ayeeyi okukuumira, niwe Yeesu ˆnaaramura okugenda Yerusareemu. 52Okwamba ˆnaatuma abhaanu bhatangate okugenda, bhoone mbagenda mbeengira mw-igunguri rimwi erya Abhasamaariya, insonga bhamuroosishe enu araasikirire na amangʼana agandi. 53Nawe, abhaanu bha Samaariya mbarema okumuramira, kwa okubha ꞉aariga ˆnaagenda Yerusareemu. 54Abheeyigira bhaaye, Yakobho na Yowana, bhunu ꞉bhaarorere gayo, mbamubhwira ati, “Ee Raatabhugenyi, oweenda kiragirire omuriro gwike okusooka mu-rwire gubhamare-wo [rwa kutyo omuragi Eriya ꞉aakorere]?”#9:54 Ringira 2 Abhakama 1:10-14.

55Nawe, bhunu ꞉bhaaikire gayo, Yeesu ˆnaabharingira, ˆnaabhagonya. [ˆNaabhabhwira ati, “Emwe mutakumenya ati ni mutimaki gunu muri nagwo.] 56Kwa okubha Omwana wa Adaamu ateejire okumara-wo bhaanu tari eejire okubheerusha.” Mmbe, mbagenda kw-igunguri erindi.

Abhaanu bhanu bheesire okuseeta Yeesu

(Mataayo 8:19-22)

57Bhunu Yeesu na abheeyigira bhaaye ꞉bhaariga mbagenda bhari ku-njira, omuunu wumwi ˆnaabhwira Yeesu ati, “Eneenda nikuseete woonewoone anu uraagende!” 58Yeesu woone ˆnaamusubhya ati, “Ebhibhwe bhiri na ginsenga na giinyonyi giri na amoosu, nawe Omwana wa Adaamu, atari na owa okumaamya omutwe gwaye.”

59Yeesu ˆnaabhwira omuunu owundi ati, “Nuunseete!” Omuunu uyo weeki ˆnaamusubhya ati, “Ee Raatabhugenyi, nuunyiikirisishe okwamba nigende nibhiike raata afuuye.” 60Nawe Yeesu ˆnaamusubhya ati, “Siga abhafuuye#9:60 Abhafuuye. Insonga ya riingʼana riyo, ringira Ruuka 15:24, 15:32; Abhaefeso 2:1. bhabhiike abhafuuye bheebhwe. Nawe awe, nuugende uraasishe abhaanu amangʼana ga obhukama bhwa Nyamuwanga.”

61Kweki, omuunu owundi, ˆnaabhwira Yeesu ati, “Ee Raatabhugenyi, eniija okukuseeta, nawe okwamba, unyiikirisishe nigende nirage abhaanu bha iika ewaani.” 62Yeesu ˆnaamubhwira ati, “Omuunu woonewoone akaamba okurima kimwi ˆnaafutata okuringira iinyuma, uyo, ateesire okubha omukosi wa emirimu mu-bhukama bhwa Nyamuwanga.”

Currently Selected:

Ruuka 9: kya

Highlight

Copy