युहन्ना 21:15-17
युहन्ना 21:15-17 LHM
ॱनी सम दी से छर्नी, येशुगी शीमोन् पत्रुस्ल युहन्नागी भु शीमोन् खो़त् हीब घयेत्ले ॱल्हक्मा ङल झ्यम्ब खुको़र्प्प? सीन्न ढीब बेत्। ॱनी पत्रुस्की लेम्बुल चोव ज्यीन्दक् ङे नीज्यरङ्ल झ्यम्ब यो़प्प दी नीज्यरङ्ल ॱस्यो़च्च्ये यो़क्केन् बेत्। ॱनी हुल येशुगी रङ् ङे लुक्टुक् घयेत्ल सम बीन्न ॱसो़ झ्यीब बेत्। हुनी फीच्च्य यङ् येशुगी युहन्नागी भु शीमोन् खोक्की ङल झ्यम्ब खुको़र्प्प? सीन्नी, यङ् हील पत्रुस्की चोव ज्यीन्दक् ङे नीज्यरङ्ल झ्यम्ब यो़प्प दी नीज्यरङ्ल ॱस्यो़च्च्ये यो़क्केन् बेत् झ्यीब बेत्। ॱनी येशुगी रङ् ङे लुक् घयेत् ॱसो़ज्यीत् झ्यीब बेत्। हुनी इक् यङ् फीच्च्य येशुगी युहन्नागी भु शीमोन् खोक्की ङल झ्यम्ब खुको़र्प्प? सीन्न ढीब बेत्। ॱनी हीगोदङ् लेम्म ॱसुम् थम्ब येशुगी हुन्दुक् झ्यीनी, पत्रुस् ॱसीम्ब दुक्न येशुल चोव ज्यीन्दक् नीज्यरङ्ल कुरीक् ॱस्यो़च्च्ये दुक्। ङ नीज्यरङ्ल झ्यम्ब खुको़र्त् झ्यीब बेत्। ॱनी येशुगी रङ् ङे लुक् घयेत्ल सम बीन्न ॱसो़ झ्यीब बेत्।
Bible App
Bible App for Kids
![[Unboxing Psalm 23: Treasures for Every Believer] Paths of Righteousness युहन्ना 21:15-17 ल्होमी](/_next/image?url=https%3A%2F%2Fimageproxy.youversionapi.com%2Fhttps%3A%2F%2Fs3.amazonaws.com%2Fyvplans%2F35790%2F320x180.jpg&w=640&q=75)
