MAROMU 10
10
1Wananyangu, itrongo nilionayo rohoni na mumilio wangu ha wanyangu, ɗe wao uhuyiwa. 2Nisuwalawia ushahidi amba wana djitihadi na Mungu, ɓadi kayaketsi hari mwa ujuzi. 3Ha iv̄o kawasujua uhaki ulawao ha Mungu, na iv̄o watsahao wadzipariye wao wenyewe uhaki, kawakuɓali indzia yahetsiwa ya umuhakisho wa Mungu. 4Mana Kristi, waye ɗe utsimidzifu wa iSharia, ile pare umuhakisho uke ha kula aaminio.
Uhuyifu kauna monyewe, uwo wa kula aamini
5Ini ɗe itrongo Musa aiangiha ju la uhaki ujao ha ndzia ya iSharia: «Mutru atsofanyao ãmuri zizo, atsoẽshi ha ndzia yazo.» 6Ɓadi uhaki ujao ha ndzia ya uaminifu usurongoa zini: «Usudzidzise moni haho: ‹Mbani ɗe atsoheao pev̄oni?› » (yaãni, ha ondromushukidza Kristi), 7«wala amba: ‹Mbani ɗe atsoshukao uzimu?› » (yaãni, ha ondromuhedza Kristi ulawa ha uwafu.) 8Ɓasi v̄av̄o uMuangishio urongoa trini? Urongoa: «Urongozi wa kariɓu na wawe, moni na ihanyo yaho, tsena moni na iroho yaho.» Na uwo ɗe urongozi wa uaminifu ɗe riuudzao. 9Mana neka ukuɓali ha ihanyo yaho amba: «Insa ɗe Raɓi», tsena neka uamini rohoni haho amba Mungu amuregeza hayi ulawa ha uwafu, v̄av̄o utsohuyiha. 10Mana uamini ha iroho, ɗe ijao na muhakisho, na ukuɓali ha ihanyo, ɗe ijao na uhuyifu. 11Mauri ɗe iheli uMuangishio urongoao: «Yotsi amuaminio katsoja haya.» 12Ha izo kav̄u tafauti ɓaina ya Muyahudi na Mugiriki: piyawo Mwalawo moja adjaãliao ha uwengi piya wao wamuombao. 13Mana v̄uangihwa: «Yotsi aombao lidzina la Mola atsohuyiwa.»
14Ha namuna jeje ɓasi watsoombao mutru alio amba kawamuamini? Au, ha namuna jeje watsoaminio mutru neka kawaparokia av̄umbulwa? Na ha namuna jeje watsokiao av̄umbulwe neka kav̄u mutru ajudzao? 15Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio#10:15 uMuangishio: Namuangaliye Izaya 52:7.: «Kweli amba yistawi yimindru#10:15 yimindru: Yaãni, umujilio wa wao wajudzao haɓari ndjema. ya wao wajudzao haɓari ndjema!»
16Ɓadi tsi piya ɗe watuĩ iHaɓari Ndjema. Mana Izaya arongoa: «Mwalangu, mbani ɗe aamini ihaɓari arikia nayo?» 17V̄av̄o uaminifu uja ha iyo mutru akiao, na iyo mutru aikiao, uja ha umutekelezeyo wa urongozi wa Kristi. 18Ɓadi nisudzisa: Hali kawakia? Ɗe ikinyume! uMuangishio usurongoa:
«liJi lawo livumu hari mwa piya ishiv̄andre ya tsi,
na marongozi yawo ata mupaka umwiso wa lidunia.»
19Ɓadi wami nisudzisa: Hali Israila kaijua? Trongo ya handra, Musa arongoa:
«Nitsotsotsa uwivu wanyu ha watru walio amba tsi nishani;
ha nishani ndzijinga, nitsotsotsa hadhaɓu zanyu.»
20Na Izaya asuɓutu arongoa:
«Tsiparihana na wao kawakonizunguha,
tsidziv̄enua ha wao kawakonitsaha.»
21Ɓadi yahusu Israila, arongoa:
«uMutsana piya tsiondzoa yimihono
ha umati kautuĩ wendza ukaidi.»
Currently Selected:
MAROMU 10: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
