Zekaria 13
13
1Maŋa kam konto ne amo wó pa se buli-yi puri de taa bura de pa David dwi tiina bam, de Jerusalem nɔn-bia bam, pa se ba wɛleera de ba digiru tem saare te yage.”
Jwona de sampwori taane
2Paŋwa Tu Baŋa Wɛ na tage tei to mo tento: “Dɛ dem konto ná yia, amo wó pa se jwona yera yam saare tega kam maama ne, se nɔɔna daa yé taa guli ya gula kɔtaa! A nam ta wó zeili sampwori sem de ba chichiri-lwanno tega kam ne. 3Ba wolo ta ná zaŋe o pworisi o bere nɔɔna, o tete tiina balo na loge‑o to mo wó ta ded‑o we, ‘Nmo maŋe se n te mo, de n na mɛ Baŋa Wɛ yere n pworisi vwa to.’ Ba laam wó zɔ‑o ba go, o na pworisi to ŋwaane.
4Dɛ dem konto ná yia, sampwora kalo maama ná lage o pworisi, chaveera wó ja kotu de veera yalo o na nɛ to. O daa bá kwei gare-nyenyaaro telo dwi Wɛ sampwori sem na zoore to o zo, o na lage se o gane nɔɔna to ŋwaane. 5Kotu maa wó ta we, ‘Ko zege a nɔn-donne maŋa ne varem yerane mo ye a totoŋe. Amo dae Wɛ sampwora.’ 6Nɔɔna maa ná bwei‑o we, ‘Bɛ mo ke ye n na fufwollu tento dwoŋi n nyɔɔne ne?’, o ta wó leiri-ba we, ‘A nɛ fufwollu tem a badwoŋi sɔŋɔ ne mo.’ ”
Nayero de pei taane
7Paŋwa Tu Baŋa Wɛ na tage tei to mo tento:
“Se-zɔɔ, zaŋe dɔɔm wone
se n jeeri a nayero wom
na bwola de amo to.
Yɔɔre n mage nayero wom,
se pei sem maama jage se jei.#Matiyu 26:31
Amo tete jeŋa nam mo wó zo se bia bam.”
8 Baŋa Wɛ na tage tei to mo tento:
“Tega kam ni jei maama ne,
nɔɔna bam popɔra betɔ wone,
kuni belei mo lage ba te,
se popɔra dedoa daare ba taa ŋwe.
9Popɔra dedoa kalo na daare to,
a lage a faŋe-ba a nii mo,
se a daare a fɔge a kwɛ-ba.
Ko wó taa nye de nɔɔno na kwei
lu-nyenno naa sabu-seŋa
o de mini wone
se o pa te taa lana fase tei to mo.
Nɔɔna bam konto laam maa wó ma
amo yere dem ba lwoori-ne,
ye amo de leiri-ba.
Amo wó ta ba taane we,
‘Ba ye a nɔɔna mo,’
ye ba de ta we,
‘Baŋa Wɛ mo ye debam Wɛ.’ ”
Currently Selected:
Zekaria 13: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
