Matiyu 22
22
Pɛ na ke kadiri o pa o bu to memaŋe
Luka 14:15-24
1Yezu déem ma maŋe memaŋe dedwoŋi o bere nɔɔna bam ye o we, 2“Wɛ telaao paare dem nam nye de pɛ wodwoŋi na lage se o ke kadiri o pa o bu.#Luka 14:16-24 3Pɛ wom ya tage nɔɔna badwonna mo se ba ba ba tɔge ba di kadiri dem. Dɛ dem na tu de yi to, o ma toŋe o tontoŋena se ba vo ba bwoŋi nɔɔna bam konto se ba ba. Ba maa wo sɛ se ba ba. 4O laam ma jwoori o toŋe o tontoŋena badwonna se ba vo nɔɔna bam tei. O maa we ba ta de nɔɔna bam we, ‘Ba-na, se amo ti woŋo maama yiga, ye a pa ba go na-bale de naane delo na nugi lanyerane to. Nam ba-na se dé di kadiri dem wodiu kom.’
5Nɔɔna balo ba na bwoŋi konto to yiga maa tera. Ba ma zaŋe ba vo ba boboŋa jei. Ba dedoa vei o kara mo. Dedoa ma vo se o ke o pipiu. 6Nɔɔna badaara bam ma ja pɛ wom tontoŋena bam ba bɛɛse ba go.
7Pɛ wom bane ma tiini de zaŋe. O ma toŋe o babɛ pa se ba vo ba go nɔn-gora bam konto ye ba daare ba zwɛ ba teo kom maama. 8O laam ma ta de o tontoŋena bam o we, ‘Kadiri dem woŋo maama ti ko yiga se dé di. Amo nam na tage se nɔɔna balo ba ba tɔge ba di to ya wo maŋe de kuri dem. 9Konto ŋwaane nwoŋi-na á vo teo kom pwooni, se á ná nɛ nɔɔno wolo maama, se á bwoŋi‑o se o ba o tɔge o di.’ 10O tontoŋena bam ma nwoŋi ba beeri teo kom maama ba la nɔɔna balo maama ba na nɛ to, ko ná ye nɔn-laaro naa nɔn-balwaaro de. Pɛ wom sɔŋɔ kom ma tiini ko su de nɔɔna bam.
11Pɛ wom laam ma nwoŋi se o zaane nɔɔna bam. O ma na nɔɔno dedoa na wora o na wo zo gare-ŋoŋo kolo na maŋe de kadiri dim to. 12Pɛ wom ma bwei‑o o we, ‘A badwoŋi, nmo ke tɛ mo n tɔge n wo ywo-seeni, ye nmo wo zo gɔrɔ kolo na lamma to?’ Nɔɔno wom maa ba jege taane se o ta. 13Pɛ wom laam ma ta de o tontoŋena o we, ‘Ja-na nɔɔno wonto á vɔ o jea de o nɛ, se á ja‑o á nwoŋi á de á yage lim jei ne, yaara na wo mɛ to, pa se o keeri ye o done o nwa.’
14Tɔ. Ko bere we, Wɛ bwoŋi nɔɔna dedɛ se ba ba o tei, ye ba fenfee yerane mo o kuri o guuri o nɔɔna bam wone.”
Lampwoo ŋweem taane
Maake 12:13-17; Luka 20:20-26
15 Farisi tiina bam laam ma zaŋe ba vo se ba bane ba nii ba na wó ke tei ba pa Yezu ŋɔɔne o tusi se ba ja‑o to.#Luka 11:53-54 16Ba ma le ba tɔgena badwonna se ba tɔge de Pɛ Herodi kwaga nɔɔna badwonna se ba vo Yezu tei. Ba ma vo ba ta ded‑o ba we, “Berem tu, dé yei we nmo ye chega tu, ye n yeini n bere nɔɔna Wɛ chwoŋa chekke. Nmo yiga tera de nɔɔna na boŋe kolo ba pa nmo to, ye n ta ba pɔɔre nɔɔna daane de n na ke-ba tei to. 17Dé nam lage se dé bwei nmo dé nii, debam Juu tiina ná ŋwe lampwoo dé pa logo kom Pa-faro wom, ko chɔge debam chullu na?” 18Yezu ma lɔre ba na jege boboŋ-balɔrɔ konto to, ye o leiri-ba o we, “Abam ye pipiri-nyena mo. Bɛ nam mo ye á lage se á ja-ne? 19Nam bere-ne sabu-dale delo dé na yeini dé ma ŋwe lampwoo to.” Ba ma le sabu-dale dem ba bere‑o. 20O ma nii ye o we, “Wɔ nyenyego de o yere mo ba sare ba yage de baŋa ne?” 21Ba ma leiri‑o ba we, “Ko ye Pa-faro wom mo.”
O laam ma ta de-ba o we, “Ko lamma. Á nam ta‑á ŋwe kolo na ye Pa-faro wom nyem to á pa‑o, se á daare á ta‑á pae Wɛ kolo de na ye o nyem to.”#Rom 13:7 22O na leiri-ba konto to, ko ma so-ba dedɛ. Ba laam ma yage o tei ye ba viiri.
Wɛ telaao ŋwea na wó taa ye tei to
Maake 12:18-27; Luka 20:27-40
23Dɛ dem konto ne, Saduka tiina badwonna déem ma zaŋe ba vo Yezu tei. Banto mo bere we, nɔɔno ná tega, o daa bá jwoori o bi. 24Ba ma vo ba ta de Yezu ba we, “Berem tu, Moses déem bere we, nɔɔno ná tega ye o de o kaane ba jege bia, o nyaane mo jege se o di kadeim dem se ba lo bia o zembaaro wom ŋwaane.#Nia Gulim 25:5 25Tɔ. Nu-bia barepɛ ya mo zoore debam teo ne. Ba nakwe wom ma di kaane ye o te o daare‑o ye o wo loge bu. Wolo na saŋe to laam ma di kaane wom. 26O de ma te, ye ko ke ba maama konto dwoŋi. 27Ba maama na tege to, kaane wom de laam ma te. 28Dé nam lage dé bwei dé nii, ba maama na di kaane wom to, ba laam ná tu ba bi toone wone, banto wɔ mo wó taa tei kaane wom?”
29Yezu ma leiri-ba o we, “Abam tiini á tusi mo. Abam nam wo lɔre Wɛ tɔn-dwoŋo kom berem dem, ye á ta yeiri Wɛ dam dem na ye tei to. 30Kokuri, nɔɔna ná tu ba bi toone wone, banto lage ba taa nye de Wɛ malese sem na ye tei to mo, ye ba ba di kaana, naa ba zo banna de. 31Ko nam ná ye twa biim dem, abam maŋe á wo gage kolo Wɛ na tage o bere abam ye ko popone o tɔnɔ kom ne to na? 32O nam tage we, ‘Amo ye Abaraham Wɛ, de Izaak Wɛ, de Jakob Wɛ mo.’#Nwoŋim 3:6 Ko bere we banto daa ta jege ŋwea mo o tei ne, kolo ŋwaane Baŋa Wɛ ye ŋwea tiina nyem mo se o dae twa nyem.”
33Nɔn-kɔgɔ kom na nigi Yezu berem dem na ye tei to, ko ma tiini ko ke-ba yaau.
Wɛ nia yam wone dɔ mo dana de dwoi maama?
Maake 12:28-37; Luka 20:41-44
34 Farisi tiina bam déem ma lɔre Yezu na ke tei ye o pa Saduka tiina bam daa ware taane ba ta to. Ba laam ma gwaane daane se ba na chwoŋa ba ja‑o. 35Ba wo dedoa na ye Wɛ nia yam zamesem tu to ma zaŋe o bwei‑o o we, 36“Berem tu, Wɛ nia yam maama wone dɔ mo tiini de dana de dwoi?” 37Yezu ma leiri‑o o we, “Ta‑n swoi n tu Baŋa Wɛ, de n bochare maama, de n wo maama, de n boboŋa maama.#Nia Gulim 6:5 38Dento nam mo ye Wɛ ni delo na ye yiga tu ye de dana to. 39Delo na saŋe to de tɔge konto dwoŋi ye de we: Ta‑n swoi n dwoŋi se ko maŋe de n tete.#Chullu 19:18 40Moses de faŋa faŋa Wɛ sampwori sem bera yam maama yɔɔre ya zege nia yalei yanto yera ne mo.”
41 Farisi tiina badwonna déem ma ba ba gilimi daane. Yezu ma zaŋe o bwei-ba o we, 42“Ko ná ye Wɛ Dam Tu Krista wom, abam boŋe we o jege se o nwoŋi wɔ dwi wone mo?” Ba ma leiri‑o ba we, “O wó taa ye Pɛ David dwi tu mo.” 43Yezu laam ma ta de-ba o we, “Ko nam wó ke tɛ mo ko taa ye konto? Wɛ Sin-laao kom pɛ se David ŋɔɔne Wɛ Dam Tu wom taane ye David bwoŋi‑o we, o Teiru. Faŋa faŋa to David tage o we:
44‘Yuu-tu Baŋa Wɛ tage de amo Teiru wom o we,
Ba n jeini amo jazem seeni
se a laam wane n dona bam
a ke nmo dam kuri ne se n ta‑n tei-ba.’#Lei 110:1
45David nam na seene o bwoŋi Wɛ Dam Tu wom o we o Teiru to, dé nam wó ke tɛ mo ye dé daa ta bwoi‑o we David dwi tu mo?”
46Yezu nam na tage konto to, nɔɔn-nɔɔno daa ma ware se o leiri kolokolo. Ko ma zege dɛ dem konto ne nɔɔna maama kɔre se ba daa bwei‑o taane.
Currently Selected:
Matiyu 22: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
