လက် 4:5-8

ဝါယ် အန် တီ ဘုဝ် ကာနမ် ဝီ တိုယ် ဇဝ် ယေဆူ၊ တဲး အန် ဇမ် ဒူင် စာ ကာဆဝ် အူ ပ့လုဝ့်၊ တဲး အန် ယွတ် မာန် မိူင် ဒွန် ပ့လုဝ့် ဒဲင် ကာဒါယ် နီ။ ဘုဝ် ကာနမ် ဝီ တဝ်း၊ “တဲး မဲ ယွတ် အာတီ ဒွန် မျုဝ်။ ဘော ကြုဝ်ကြာမ် တီ၊ ဘော ပွုန် ဘော အာဖုင် ဒင်ခုဝ် အန်၊ အုဝ် ဒီ ဒွါ တူတ့် ဒီ မဲ။ ဇိုဝ် တီ ဒွန် မျုဝ်၊ န့ မုး အုဝ် အီ အိုပ် တူတ့်။ အုဝ် ဘော အိုင် ဒီ ဒွါ ဒီ အာဆေ၊ အုဝ် ဟဲ့ ပွိုန် ဒွါ ဒီ ဝီ တီ။ ဆေ မဲ ဘော ကြိုပ် အုဝ်၊ ပီ ယိုဝ် မဲ တီ ဒွန် မျုဝ်၊ န့ ဒီ ဘဲန် ကြုဝ် မဲ။” အန် ဟဲ့ ဟွတ့် တဝ်း ပါယ် တီ၊ ဇဝ် ယေဆူ ဝီ တဝ်း ဒီ အန်၊ “ခဲင် ဘပ် ဇဝ်ဖြာ ဟဲ့ ဒဲမ် အုန် ပါယ် နီ။ န့ တဝ်း၊ ‘ဘေ လုဝ် ကြိုပ် မီ ဇဝ်ဖြာ၊ အီ မုး ဇဝ်ဖြာ ပီ ကြိုပ် ဘေ။ ဘေ လုဝ် ဘူင် ဂါန် ဇဝ်ဖြာ အူ ကာဒင် တီ၊ ကွဲ့ ကြိုပ် ပေါ ကာဒင်။’”