ပရ 1:4-5

အူ ဆီငဲ၊ ဒေါ ကွယ် ရိုမ် ဇဝ် ယေဆူ ဒူပ် ဒီဘဲ အန်၊ အန် ဝီ တဝ်း ဒီ ဂေ၊ “ဘေ မ့ပါဝ် လေး ဟာဝ် ရေတ့် မိူင် ယေရူဆာလဲမ်၊ တဲး ဘေ နှဝ့်၊ တဲး ဇဝ်ဖြာ အီ မုး ဂုန့် အုဝ် ကော ဘူင် ပီ ဒွိုမ် ကာလာင် အန် ဒီ ဘေ။ အုဝ် ဟဲ့ ဒွိုမ် ကာလာင် လွင် ကာဒိက် ဆတ်ဇာ ပဲ့ ဟဲ့ ဒွါ ဇဝ်ဖြာ ဒီ ဘေ။ အုဝ် ဟဲ့ ဒွိုမ် တဝ်း၊ ‘ဒါ ဆာရာ အာယောဟာန် ဟဲ့ စိုပ် ဒူအီ ခဲင် အိုမ်။ အာဝ် လှေန့်၊ အုဝ် ယီ ဒီ ဒွါ နဝ်း ဖွိုမ် ဇဝ်ဖြာ ဒီ ဘေ၊ တဲး န့ ကော နုဝ့် ခဲင် နဝ်း ဘေ။’”