Marcos 13
13
Nai Jesus nee taad enene, dega Nai Maromak ni Uum Kreda Tuu hii rahu
(Mateus 24:1-2; Lucas 21:5-6)
1Faklau telo, Jesus nor ni eskolanti room sai ois Uum Kreda Tuu. Room hina sai manura, Ura ni eskolanti iid atuud la Uum Kreda too, oid dega, “Mestri! Fei kook la! Uum Kreda Tuu uri kode didi. I haut tuu seir roo fae uri meit kode tus-tus.”
2Mahee Jesus ataan, “Uum Kreda uri kode didi! Mahee ba agi deis, roo hii dae rahu telo meit i ba nei haut iid fee hii fois bael.”
Sinal enlaa mundu meit soub
(Mateus 24:3-14; Lucas 21:7-19)
3Faklau telo idura, Jesus laa nii raelau Oliveira. Nii la-ura Ura mdei oid fei la Uum Kreda Tuu. I Ni eskolanti ubu faat maa kase nor Jesus mesa. Eskolanti ubu faat too fee: Pedro, Tiago, João nor André. 4Room tuuk, “Am-Nai! Favor iid nee sai siil enlaa Iit Tuu ni Teor-hua seir nafai too. Arfiil fee leolbaan idura raat maa? I sinal sabiid fee hii taadu?”
5Jesus ataan, “Iim neo mori manhati la roo baleob halaet iim. 6Deslaa roo rini hii maa oid Au gala dega, ‘Au fee Kristu, iid bae Nai Maromak promete fes muna soub.’ Room hii hlaet roo rini. 7Se iim fei roo fun huun, ka iim fliik teor turi dega roo fun huun nii hati-hati, iim baleob matau. Deslaa naam seirgaa hii taadu mun didi, mahee idura ba loos atuud mundu uri naha remata soub. 8Nasaun hii fun huun asour nasaun. Reun hii fun huun asour reun. Rae hii dalai nii hati-hati. I rae hii beil tuu! Naam seirgaa man sinal, man hiin iid ni troa sae, fedeis naha mdei aef.
9Iim manhati neo mori tus-tus! Deslaa roo hii maa fael iim, oid laa nii tribunal relijiaun ni. Roo hii dae iim nii uum kreda lala, i hii huut iim oid laa nii nai ulu room, deslaa iim toom Au. Mahee iim manhati nee sai Au Novidade Kode la room. 10I iim meit laa nee sai muun Au Novidade Kode la suku hailagaa nii mundu kiduri. 11Baleob mliuk! Se room huut o i oid laa tribunal, iim balikan matau. Balikan matau enlaa sabiid fee iim naha kase. Nii leolbaan kidura, iim hii kase lea sabiid fee Nai Maromak ni Espiritu Santu tafaar la iim, deslaa ba loos iim fee kase, mahee Nai Maromak ni Espiritu Santu fee kase.#Mateus 10:17-20; Lucas 12:11-12
12Nii uum lala kiid, se artuub seir fiar ma Au, ura ni bou nor kau fee hii nae saal oid loet ura. I se aan iid fiar ma Au, ni ama rasik fee hii loet ura. Manura meit se ina-ama fee fiar ma Au, ni ana fee hii loet room. 13Roo rini hii odi iim tustus, deslaa iim fiar ma Au. Mahee seen fee fiar manhati ma Au raat maet, Nai Maromak hii salva ura.”#Mateus 10:22
Neo mori mata mori, deslaa leolbaan terus fedeis soub
(Mateus 24:15-28; Lucas 21:20-24)
14Jesus kase manhati, dega, “Artuub klao tus-tus iid hii maa oid mrii i fun klao tus-tus nii Hati Santu, nii Nai Maromak ni Uum Kreda Tuu lala. Deslaa ura ba nei direitu laa mrii nii hati kidura, arfiil iim fei manura, iim meit fois telo hati kidura. (Seen fee lee teor hua idura, komprende la!) Seen fee nii provinsi Judeia tenki flaer soub la raelau.#Daniel 9:27; 11:31; 12:11 15Room tenki flaer hur-hur. Roo bae fee nii uum ahe, ba leob tafae siil laa uum lala oid huu namhati. 16Manura meit roo bae fee nii mrao, ba leob suli siil laa huu ni hena. Ura flaer manhati la ahe.#Lucas 17:31 17Leolbaan idura susar faklau la hiin bae fee eta ruu, nor seir bae fee hii nee suus la room ana, deslaa room flaer ba leob. 18Manura, kode faklau iim arohan la Nai Maromak la tempu klao kidura ba leob mou nii tempu uus tuu. 19Deslaa tempu terus ura, muit tus-tus. Fes Nai Maromak fun mundu uri raat nafai, roo ba eot terus tuu kiid manura. Idura faklau telo roo hii ba eot des terus iid tuu manura.#Daniel 12:1; Apokalipse 7:14 20Se Nai Maromak ba fun bada tempu terus idura, ba nei des artuub iid naha mori. Mahee deslaa Nai Maromak doim Ni artuub seir bae fee Ura loi soub, manura fee Ura fun bada tempu terus too.
21Arfiil leolbaan terus too raat soub, iim hii fliik roo dega, ‘Fei kok! Kristu labael uri!’ I roo selu dega, ‘Kristu her la-idura!’ Mahee iim ba leob fiar! 22Deslaa roo hii maa atuud lolo dega, ‘Au fee Kristu!’ Selu loi dega, ‘Au uri, Nai Maromak ni gugu nor lama.’ Room hii fun milagre aeh-aeh oid hlaet roo duu-sae. Room meit hii hlaet nor fun mou Maromak ni artuub room. 23Des manura, iim neo mori kod-koed! Deslaa leolbaan terus too ba raat maa hei, mahee Au tafaar enene la iim.
Roo Ana hii suli maa ois lalehan
(Mateus 24:29-31; Lucas 21:25-28)
24I Jesus nee sai loi la ni eskolanti room dega, “Arfiil leolbaan terus seirgaa meit soub,
Leolmata hii kokar,
hulai meit ba nee aer des.#Isaías 13:10; Ezequiel 32:7; Joel 2:10; 2:31; 3:15; Apokalipse 6:12
25Hiut room mou ois leol-lau,
i forsa hailagaa nii leol-lau hii dalai arbiru.’#Isaías 34:4; Joel 2:10; Apokalipse 6:13
26Faklau telo idura, man artuub hailagaa hina fei Au, Roo Ana, duu maa nor sbai. Manura roo hii fei Au namaer blilo nor kbiit tuu.#Daniel 7:13; Apokalipse 1:7 27I Au hii nee orde la Nai Maromak ni anju room ois lalehan laa alibur artuub seir bae fee Au loi telo soub too, ois mundu tema. Ois rae ulu raat rae ioo, ois leol-sae raat leol-duu, ois taes maen raat taes hina.”
Leolbaan terus tuu too man sinal iid dega Nai Jesus naha suli soub maa
(Mateus 24:32-35; Lucas 21:29-33)
28Jesus kase manhati dega, “Au lela-teor ois ai-fuu kiid gala ai figeira. Arfiil ai ura diki siil, idura atuud tempu uus fedeis soub. 29Manura meit, arfiil leolbaan terus bae fee Au tafaar la iim too, raat maa soub, idura atuud ke Au fedeis suli soub. 30Agora, iim anoin kod-koed! Ois artuub hailagaa ke hii mori bael uri, seir hii mori raat leolbaan terus too raat maa. 31Fedu lalehan nor rae uri hii remata, mahee Au Teor-hua hii nei manhati.”
Nai Jesus ni leolbaan suli maa, ba nei artuub iid taad
(Mateus 24:36-44)
32Jesus kase des loi dega: “Ba nei artuub iid fee taad leolbaan nor oras Au naha suli maa. Nai Maromak ni anju room her lalehan ba taad. Au rasik meit ba taad. Au Ama mesa lea fee taad.#Mateus 24:36 33Des manura, iim neo mori mata mori! Deslaa iim ba taad leolbaan saba fee Au suli maa.
34Ba agi des Au fois bael iim soub, mahee Au hii suli siil maa. Man roo iid laa rae roo. I ura ruu ni artuub uum lala oid fois mata la ni uma. I ura hae serbius la artuub iid-iida. Depois ura nee orde la roo bae fee ura fiar oid bali uum too kod-koed raat ura suli maa.#Lucas 12:36-38 35Manura meit iim tenki neo mori mata mori, deslaa iim ba taad arfiil fee uum ubu suli, suli leol mou ka, hoda-roo ka, belebuus kokaar ka, rae fuu buti, iim ba taad. 36Be fun laa molok hleeh ura suli maa iim boe bael.
37Naam bae fee Au tafaar la iim too, Au tafaar meit la roo hailagaa, ‘Iim neo mori mata mori manhati, oid gnaan Au maa.’ ”
[Raat nii uri, Nai Jesus meit para ni kase nor ni eskolanti room nii raelau Oliveira.]
Currently Selected:
Marcos 13: BMGM
Highlight
Share
Copy
Want to have your highlights saved across all your devices? Sign up or sign in
© 2023 Wycliffe Bible Translators Inc
