Markus 11
11
Zahi ta Yesu wa Urushalima
(Matiyu 21:1-11; Luka 19:28-40; Yuhanna 12:12-19)
1Dage tlɨne ɗɨma mbatla Urushalima, ɨna Betafaji fa Betani, mbatla ɗai na zaitun, je kafa sɨba gyagiyakɨ niwasɨ tsɨr a Yesu. 2Dɨ bɨla tlɨna ndu: “Tika ɗe taka wuna vuwa gwahɨ ta vɨna naka. Nda ɗamahɨya naka hinga mara wɨ lai zhakɨ ata ɗehehem ba wɨ daɗɨma ghɨmmusa ghamusu. Bɨtɨya nabuwai yakɨn. 3Kwabɨ tsiyana wɨ du hɨna ɗɨma maniwi jikana,bɨliya ndu Bakan jalu kuma ta piyeyagan conakɨn.”
4Aɗɨka je batlin mara lai zhakɨ a viya kam ata ɗahahen a vɨna darhɨ. Dɨ bɨtusai. 5Niwi sɨba tlɨnde tsatsir mbatlɨ dɨ tsiyatlɨna ndu, “Hɨna ta ɗɨma majikana hɨnda ta bɨta naka lai zhakɨ dzɨhɨ kana?” 6Sɨba gyagiyakɨ ka dɨ gɨsatlin wane bɨlatlɨna Yesu, dɨ zuwatlɨn dɨ batlɨnai a sɨba tsiyatlin dɨ baiyai. 7Dage tline biya lai zhakɨka Yesu,je tlɨne gwa kababo tatlɨna ghama lai zhakɨ ka, Yesu dɨ ghɨmusa gham. 8Sɨbɨ cas dɨ gwa kabɨ tatlina darhɨ, niwi dɨ ɓalala pe'eyayau ma tlipi a tsakɨn dɨ zɨna ta darhɨ. 9Sɨba tlɨn dɨ vɨnahɨ ɨna niya ta cɨɓɨ dɨ dzakwa zaka ka ndu,
“Hosana,
Tava gur ba busɨ ɗe ngɨna Bakam!
10Ghɨnsɨ ta va gur gwalfu mana buwaza ta malvu bama Dauda!
Hosana tira Ghɨnsɨ ɗe dɨna!”
11Yesu dagabɨ ɗama Urushalima, dɨ tɨlusa Kan garna Ghɨnsɨ, dɨ ndarna kutatau ndyam. Ama daga muku batlasai, dɨ bawusɨ dɨ piya Betanya ɨna sɨba gyagiyakɨ niwasɨ bahɨn tsɨr.
Yesu ɗɨma vɨn dɨna Tafir
(Matiyu 21:18-19)
12Dagabi tsa yu, tlin data piya a Betanya, mai data ta Yesu wai. 13Yesu daga bi naya dɨna tafir a saar a tlipi lɨsham, dɨ busɨ naya ko vɨrkɨza ga tu, daga busa cɨɓɨ tafir ka, dɨmara wi hamma tuwu ndɨ tlipi, adama dɨma wokaci ba vɨrkakɨ tusu. 14Yesu dɨ ɗɨnga dɨna tafirka ndu, "A ɗɨkɨn wɨ ma kara ta vɨrkɨ tafir a tuwa fu.” Sɨba gyagiyakɨ niwasɨ dɨ dɨkaiyagan e te ɗɨnga wanka.
15Dage tline ɗama Urushalima, Yesu dɨ zusa Kan garna na Ghɨnsɨ, dɨ dzakwa rakaka sɨbana mɨtsau ɨna kɨnakɨ aɗahɨ. Dɨ zakuta dlar ta sɨbana dzɨga mir ɨna tɨkɨn ta sɨbana mɨtsa bɨrbɨr, 16Yesu zuma wi dɨ kiya wiham dɨ ɗɨya a vuwa Kan garna na Ghɨnsu. 17Jete gyagiya sɨba ndu, “A rɨdla ndu, ‘Azara kanwana ndu ena tiya gil na ndyam sɨbɨ niya duniya'? Ama na dzɨgayye epepi ta sɨba kir!’”
18Sɨba kwambal gyaruni ɨna sɨba sɨna doka na Musa dɨ dɨkaya hamba ɗɨnga Yesu, aɗika dɨ dzakwa donaka darhɨ ba maa ghamusɨ, adama tlɨna ta lakusɨlakau, adama ndyam sɨbɨka cancama gyagiyakɨ tusɨ.
19Dagabi ɗɨma rɨdzɨ, Yesu ɨna sɨba gyagiyakɨ niwasɨ dɨ bawa tlɨnaya vuwa gwahɨ.
20Daga tsa yu, Yesu ɨna sɨba gyagiyakɨ niwasɨ data zirau, je tlɨne naya dɨna tafirka a tsɨfɨsai, adɨna kwapata tlerwanwasɨ. 21Bitrus dɨ ɗuwa ɨna hamba dzakwatlin dɨ ɗɨnga Yesuwa ndu, "Basɨnakɨ, Basɨnakɨ nai! Dɨna tafir bafɨye ɗɨmaya vɨn atsɨfɨsai!”
22Yesu dɨ gɨsa tlina ndu, “Tsɨ gaskewatɨ a Ghɨnsɨ. 23Agashɨ mɨna ta bɨlana ndyam badɨ ɗɨnga nakɨn ɗai du, tlakwa ɗɨkɨn fa wiya ɗe madzɨ gyarya, Kuma a ɗɨmma shakka ɗe canwasuka, ama dɨ tsa gaskewata ndu hambate ɗɨngau tlina ɗɨma tlɨn ɗɨmau, a ɗɨma tlin ndɨ wanka ka. 24Adama wanka mɨna ta bɨlana ndyam hamba hɨne rawau ɗe tiyaka gil ka, samika ndu na mar tlɨn sai, kuma tlɨna dzɨga tlɨn nina. 25Ndyam wokaci ba na tlane tiya gil ka, na tansa wihama canna a ghama wika, na zuwa tlɨnai, adama baana ba tɨ dɨ dɨna dɨ zuwana fegan lyapɨ nanai.” 26[Ama nata zuma lyapɨ naniwiyu, Baana na dɨna ma tɨma zuwana lyapɨ na nau.]
Tsɨya kɨ Aghama Iko na Yesu
(Matiyu 21:23-27; Luka 20:1-8)
27Dage tline ɗama Urushalima mɨnan. Yesu data nda ndɨma Bali gyarya ma tiya gil, sɨba kwanbal, fa sɨba sɨna doka na Musa, ɨna gyaruni dɨ buwa tlina tirusɨ. 28Jetline tsiyusa ndu, “Fa mar kalɓɨ ɗɨmakɨ nikim kutɨ kɨna yikwa? Wa tsafɨ darha?”
29Yesu dɨ gɨsatlɨna ndu, “Gana tsiyana kwutɨ wutɨ, nakabɨ gɨsanka mɨna bɨlana ko nikin kutɨkɨn mɨna ta ɗɨma awena kalpa. 30Bɨlɨyɨndza,wa dɨ tsa darhɨ Yuhanna ɗɨmaka baptɨsɨma? Ghɨnsɨwa ko ndɨ sɨnwa?”
31Dɨ ɗɨngaya tsafaya tlɨn du, “Mika ɗɨnga ndu, a bɨtla Ghɨnsaka, ta ɗɨnga ndu,‘madɨzai, nasankama ɨna Yohanawa?’ 32To miya ɗɨnga ndu ndɨ ta sɨnwa?” (Tlina ta laka-laka sɨbɨka dan asantlin sama ndu Yohanna ka ti Annabi)
33Je gɨsaya ndu, “Mi sɨmmau”
Jegɨsa tlɨna Yesu du, “mɨmma fega bɨlana ko mɨna ta ɗɨma nikin kutato kɨna ɗe kalpɨ nawe.”
Currently Selected:
Markus 11: MKF
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
