مادتھا 25
25
ناچھونگ رچوی رومس۔
1حضرت عیسیٰ مسیح مولس، ”نامکھے گیالثید نی اوت کھورتے ماگپا تُھوگا چھاکھانّی ناچھونگ رچُو ژوگس این۔ 2کھونگونی نانّگا لدادپا میدکھان ثنا تانگ شیسرابسچان ثنا یودپین۔ 3لدادپا میدکھان ثنا کوے اوت کھورس، اِین نانگ سکیونگتسے نانّگا نانچیسّی پھیا تھیبا سامار کھورّالا رجید۔ 4شیسراپچان گونّی اوت نیامپو اوت نانّگا نانچیسّی پھیا تھیبا سامارّانگ کھورس۔ 5ماگپا لیبّالا توس مانگپو گورپا کھونگ تشانگما نگالتے نیدلا سونگ۔“
6”تشانپھیدجیگا ’ماگپا لیبدوگ، تھوگّالا یونگشیگ‘ زیرتے سکاد تشور۔“ 7”ناچھونگ تشانگما لانگستے اوت گُون سالپو چوس۔ 8لدادپا میدکھان ثنا کوے شیسرابسچان ثنا کوا زیر، ’نگاجے اوت پو شیروگپا جوجو نگاجا سامار ژاپیگ تونّگانگ۔‘ 9کھونگونی زیرس، ’تانّگامید۔ نگاجے کھیوجا تانگنا نگاتانگ تشانگمالا نیونگون چھین، تیسانگ سامار تسونگکھونّیکا سونگتے کھیوجارانگی پھیا نیوس۔‘ 10کھونگون سامار نیوالا سونگتے مید زانے ماگپا لیب۔ ڈالڈیگ یودکھان ناچھونگّون ماگپا نیامپو باگستونّی ڈونلا سونگ یانگ گھوبو چوگس۔“
11”ستینگنے جان ثنا کوانگ یونگستے ماگپا زیرس، ’ فونو لے، فونو لے، نگاجے پھیا گھو پھیازادّانگ‘ 12اِین نانگ کھوے لانتانگس، نگے لدینبا زیرّاد، نگے کھیوجا شیسّامید۔“
13دورلدوستے حضرت عیسیٰ سی مولس، ”اِبنِ آدم کاجاگ تانگ توستشودّیکا لوگستے یونگچیسپو، کھیوجا گیوسمیدپا شانگ چوس۔“
یوگپو سومی رومس۔
14حضرت عیسیٰ مسیح مولس، ”نامکھے گیالثید نی بیسلا چھے سانگ سنگونلا میجیکّی کھورانگی یوگپوگون بودتے نور ستادکھان ژوگس این۔ 15کھوے یوگپو ریریا کھیود نانگجین مولّی پینے سکانگسکھانّی بُوری، تانگپوبوا ثنا ، نییسپابوا نیس، یانگ سومپابوا چیگ تانگستے کھورانگ بیسلا سونگ۔“
16”مولّی پینے بُوری ثنا تھوبکھانبوے تینّامالّا سونگتے، پینیبو لاسّی نانّگا تانگسپا تھیبا بُوری ثنا جور۔ 17تینّا ژوگس بُوری نیس تھوبکھانبوانگ تھیبا بُوری نیس جور۔ 18اِین نانگ بُوری چیگ تھوبکھانبوے سا ڈوستے سپونبوے پینے تانگسکھانبو واستے بورس۔“
19”توس مانگپوے ستینگنے مالِک لوگستے یونگس یانگ یوگپو سومکوے کانے سیروگ لینس۔ 20بُوری ثنا سکانگستے مول تھوبکھانبوے یانگ تھیبا بُوری ثنا کھیونگستے زیرس، سپونبولے نیرانگی نگا بُوری ثنا سالس، زیگسّانگ نگا تھیبا ثنا جور۔“
21”سپونبوے زیرس، گیالّا چوس، یوگپو زانگپو تانگ ایمان چان، کھیرانگ نیونگونجیکّی نانّگا ایمان چان لوسپا، نگے کھیورانّگا نور مانگپویکا وانگچھا تانگین، یونگ نگا نیامپو گامو چوس۔“
22”بُوری نیس سکانگستے مول تھوبکھانبوے زیرس، سپونبولے نیرانگی نگا بُوری نیس سالس، زیگسّانگ نگا تھیبا بُوری نیس جور۔“
23”سپونبوے زیرس، ما گیالّا سونگ، یوگپو زانگپو تانگ ایمان چان، کھیرانگی نیونگونجیکّی نانّگا ٹانگپو چوسپا، نگے کھیورانّگا نور مانگپویکا وانگچھا تانگین، یونگ نگا نیامپو گامو چوس۔“
24”تینے بُوری چیگ سکانگستے مول تھوبکھانبوے زیرس، ’سپونبولے، نیرانگ سنینگرجے میدکھان، کھورانگی ماتابکھانّی ساکیادّی کانے رنگاکھان تانگ ساون مایوگکھانّی ساکیادّی کانے اینکھانبو نگا گیوسیود پاسانگ‘ 25نگا نیرانّگا جیگستے، نیرانگی مولّی پینے بُوری سے یوگا واستے بورپین، نیرانگی پینیبو لوگستے نامس۔“
26”سپونبوے زیرس، یوگپو نگانپا، لاسمیلام۔ نگا نگارانگی ماتابکھانّی ساکیادّی کانے رنگاکھان تانگ نگے ساون مایوگکھانّی ساکیادّی کانے اینکھانبو کھیورانّگا گیوسیودتیانگ، 27کھیرانگی نگے پینیبو مولدزودکھانگی نانّگا چیپھیا ماتانگسپین؟ کالتیس تانگسپینّا، نگا یونگستے پھارنیامپو نگاری پینے لینتے یودڈو۔“
28”سپونبوے زیرس، کھوے کانے بُوری سکانگسکھانّی پینیبو لینتے بُوری رچُو یودکھانبوا تونگ 29تانگسکھانبو گیالّا چوستے کولکھانگونلا مانّگا تانگچیس ماتشاد کھونگی نانگنے لودتے چھین، اِین نانگ ماکولکھانگونّی کانے نیونگون یودکھانبوانگ کھیرین۔ 30ای پھانمیتھوگسّی یوگپو پھیلوگا مونڈیگی نانّگا پھونگ، تیرو ناگس ثانٹے جاستے نگوچیس تانگ سو ثیگچیس یونگین“
ستینگجوگی ٹھیمسچاد۔
31حضرت عیسیٰ مسیح مولس، ”اِبنِ آدم شان ّی نانّگا فرشتا تشانگما نیامپو یونگی توس، کھو گیالپوے تشولّا کھورانگی شان ّی ٹھیسّیکا دوگین۔ 32گیالکھاگ تشانگمے میگون کھوے لدُونلا لدوساین، لُوگ زی رامے ٹونے لوگّون پھیا تسوگسلا کھوے میگون سوسو پھیاین۔ 33کھوے یاسپا چھوگسلا لُوگ تانگ یوما چھوگسلا راما گُون بورین۔“
34”تینے گیالپوے یاسلا یودکھانگونلا زیرین نگے یابّی برکت سالکھانگون، کھیوجے نورسکال نامکھے گیالثیدپو لینّالا یونگ، کا بو کھیوجے پھیا دُنیا زادپانے پھارلا ڈالڈیگ زادتے این۔ 35نگا ستوگس زانے کھیوجے زان تانگس یانگ نگا سکومس زانے کھیوجے تونگچیس تانگس، ماشیسکھان اِین نانگ نگا کھیوجے کھانگپے نانّگا گاسوس جْوس ۔ 36نگا لجیرنیالّا یود زانے کوسلاگ سکونس، نگا زُومو یونگ زانے ستاستوگ چوس، یانگ نگا تسونکھانّگا یود زانے تھوگّالا یونگس۔“
37”تینے تے می ٹانگپوگونّی زیرین، مسیح لے، نام نیرانگ ستوگریا تھونگتے نگاجے کھارجی تانگس یا سکومسا تھونگتے تھونگچیس تانگس؟ 38نام نیرانگ ماشیسکھان تھونگتے نگاجے کھانگپے نانّگا گاسوس جْوس ، یا لجیرنیالّا تھونگتے کوسلاگ سکونس؟ 39یانگ زُومو یا تسونکھانّگا یودا تھونگتے نام تھوگّالا یونگس؟“
40”تینے گیالپوے زیرین، ’نگے کھیوجا لدینبا زیرّاد کھیوجے نگے فونو اُتھوکس چھونگشوگ چیگّا چوسکھانگون نگا چوستے این۔‘“
41تینے یوما چھوگسلا یودکھانگونلا زیرین، ”رنگان پھوگکھان، کھیوجاگون نگانے تھاگرینّگا تھامیدپے میے نانّگا سونگ کا بو شیطان تانگ کھوے فرشتا نگانپاگونّی پھیا چوا زادتے این۔ 42نگا ستوگس زانے کھیوجے زاچیسلا چانگ ماتانگس، نگا سکومس زانے تھونگچیسلا چانگ ماتانگس۔ 43نگا میشیسکھان این زانے کھیوجے کھانگپے نانّگا گاسوس ماجوس، لجیرنیال یود زانے کوسلاگ ماسکونس، زُومو یا تسونکھانّگا یود زانے نگا ستاستوگ ماچوس۔“
44کھونگونی لانتانگاین، ”مسیح لے، نام نگاجا نیرانگ ستوگریا، سکومسریا، ماشیسکھان، یا لجیرنیالّا، یا زُومو، یا تسونکھانّگا یودا تھونگتے نیرانّگا روگس ماچوس“ 45”تینے گیالپوے زیرین، ’نگے کھیوجا لدینبا زیرّاد، نگے فونو اُتھوکس چھونگشوگ چیگّا یاتو ماچوسپا، نگا ماچواین۔‘“
46”کھونگون تھامیدپے چھادپے نانّگا کھیرین اِین نانگ می ٹانگپوگون تھامیدپے میتشے نانّگا چھین۔“
Currently Selected:
مادتھا 25: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
